ខេត្តកំពង់ឆ្នាំង ៖ ប្រាក់១០០ដុល្លារស្មើនឹង៤០ម៉ឺន ២ពាន់រៀល ត្រូវភ្នាក់ងារកោះសន្តិភាពនាំយកទៅប្រគល់ជូនប្រពន្ធសពបុរសស្លា.ប់ដោយសារលង់ទឹក ខណៈចុះដកព្រលិត ដើម្បីយកទៅលក់ចិញ្ចឹមប្រពន្ធកូន ។
ការប្រគល់អំណោយកាលពីរសៀលថ្ងៃទី២៧ មករា នៅភូមិដំណាក់កី ឃុំជើងគ្រាវ ស្រុករលាប្អៀរ ។ ចូលរួមប្រគល់អំណោយនេះមានលោកមេភូមិ ក្រុមប្រឹក្សាឃុំ និងមេប៉ុសិ៍្ត
ខេត្តកំពង់ឆ្នាំង ៖ ប្រាក់១០០ដុល្លារស្មើនឹង៤០ម៉ឺន ២ពាន់រៀល ត្រូវភ្នាក់ងារកោះសន្តិភាពនាំយកទៅប្រគល់ជូនប្រពន្ធសពបុរសស្លាប់ដោយសារលង់ទឹក ខណៈចុះដកព្រលិត ដើម្បីយកទៅលក់ចិញ្ចឹមប្រពន្ធកូន ។
ការប្រគល់អំណោយកាលពីរសៀលថ្ងៃទី២៧ មករា នៅភូមិដំណាក់កី ឃុំជើងគ្រាវ ស្រុករលាប្អៀរ ។ ចូលរួមប្រគល់អំណោយនេះមានលោកមេភូមិ ក្រុមប្រឹក្សាឃុំ និងមេប៉ុសិ៍្ត ។
លោកពុំ ពេជ ប្រធានភូមិដំណាក់កីឱ្យដឹងថា គ្រួសារនេះក្រីក្រខ្លាំងណាស់ មានដីស្រែបន្តិចបន្តួចក្នុងមួយឆ្នាំ ធ្វើបានផលស្រូវ១០តៅប៉ុណ្ណោះ ។ ប្តីឈ្មោះម៉ាង ជ្រី អាយុ៣៥ឆ្នាំដោយសារតែជីវភាពក្រីក្របានដើរដកព្រលិតលក់យកប្រាក់ទិញអង្ករចិញ្ចឹមគ្រួសារ ដែលមានកូនស្រី៣នាក់ ក្នុងនោះកូនបងអាយុ១០ឆ្នាំ ។ ចំណែកប្រពន្ធនៅផ្ទះមើលកូននិងខ្លះឆ្លៀតទៅជួយដកព្រលិតជាមួយឪពុក ។ ជាគ្រោះអកុសលកាលពីព្រឹកថ្ងៃទី២៤ មករា បុរសជាប្តីបានខ្យល់គរលង់ទឹកស្លាប់ ខណៈដកព្រលិតនៅក្នុងបឹង ។ សពត្រូវបានរកឃើញ និងដឹកមកផ្ទះវិញទាំងយប់ ។
លោកមេភូមិបញ្ជាក់ថា ថ្ងៃធ្វើបុណ្យសពបុរសរងគ្រោះនោះមានអ្នកជិតខាងអាណិតចូលបុណ្យខ្លះជាស្រូវ ខ្លះជាអង្ករបានសរុបស្រូវ២០ថាំង និងអង្ករ៦០គីឡូក្រាម និងលុយជាង២០ម៉ឺនរៀល ។ ស្ត្រីឈ្មោះដួង ធឿន ជាប្រពន្ធបានលើកដៃសំពះថ្លែងអំណរគុណយ៉ាងជ្រាលជ្រៅចំពោះសប្បុរសជនដែលបានជួយឧបត្ថម្ភដល់គ្រួសារគាត់ដែលជួបការខ្វះខាតនេះ ។ គាត់បួងសួងដល់វត្ថុស័ក្តិសិទ្ធិក្នុងលោកជួយបីបាច់ថែរក្សាដល់សប្បុរសជន និងក្រុមគ្រួសារជួបពុទ្ធពរទាំង៤ប្រការកុំបីឃ្លៀងឃ្លាតឡើយ ៕
ចែករំលែកព័តមាននេះ