ផលិតកម្មដែកឆៅនៅទូទាំងពិភពលោកបានកើនឡើង
ផលិតកម្មដែកឆៅសកលបានកើនឡើង០,៨%នៅឆ្នាំមុន ។ នេះបើតាមទិន្នន័យរោងចក្របានបង្ហាញកាលពីពេលថ្មីៗនេះ ខណៈរោងចក្រផលិតជាច្រើននៅចិន ជាប្រទេសផលិតកំពូលបានផលិតលោហៈយ៉ាងច្រើន
ផលិតកម្មដែកឆៅសកលបានកើនឡើង០,៨%នៅឆ្នាំមុន ។ នេះបើតាមទិន្នន័យរោងចក្របានបង្ហាញកាលពីពេលថ្មីៗនេះ ខណៈរោងចក្រផលិតជាច្រើននៅចិន ជាប្រទេសផលិតកំពូលបានផលិតលោហៈយ៉ាងច្រើន
ផលិតកម្មដែកឆៅសកលបានកើនឡើង០,៨%នៅឆ្នាំមុន ។ នេះបើតាមទិន្នន័យរោងចក្របានបង្ហាញកាលពីពេលថ្មីៗនេះ ខណៈរោងចក្រផលិតជាច្រើននៅចិន ជាប្រទេសផលិតកំពូលបានផលិតលោហៈយ៉ាងច្រើនបន្ថែមទៀត ដើម្បីបំពេញតម្រូវការខ្ពស់ជាងមុន ទោះបីជារដ្ឋាភិបាលក្រុងប៉េកាំងបានទប់ស្កាត់ការផលិតលើសតម្រូវការក្តី ។
ទិន្នផលដែកឆៅជាសកលមានចំនួន១.៦២៩លានតោននៅឆ្នាំ២០១៦ ធៀបនឹង១.៦១៥លានតោននៅឆ្នាំមុន ។ ទិន្នផលក្នុងប្រទេសចិនកើនឡើង១,២% ឬស្មើនឹង៨០៨លានតោន។ នេះបើតាមសមាគមដែកថែបពិភពលោក ។ ប្រទេសចិនតំណាងឱ្យពាក់កណ្តាលនៃទិន្នផលដែកថែបរបស់ពិភពលោក ។
កាលពីឆ្នាំមុន ប្រទេសចិនបានកាត់បន្ថយសមត្ថភាពផលិតដែកថែបចំនួន៤៥លានតោន ប៉ុន្តែភាគច្រើនវាមានសភាពយឺត ។ ដូច្នេះ ទិន្នផលដែកថែបក្នុងប្រទេសនេះបានបន្តកើនឡើង ខណៈរោងចក្រមានបំណងបង្កើនតម្លៃដែកថែប៦០%ប្រចាំឆ្នាំ ។ វាជាផ្នែកមួយនៃលទ្ធផលការចរចារបស់រដ្ឋាភិបាលលើការកាត់បន្ថយសមត្ថភាពក្នុងការផលិត ។
ប្រទេសចិនមានគម្រោងបិទសមត្ថភាពផលិតដែកប្រចាំឆ្នាំ ចំនួន១០០-១៥០លានតោនពីឆ្នាំ២០១៦-២០២០ ។ នៅឆ្នាំនេះ ចិននឹងលុបបំបាត់ការផលិតដែកថែបមានគុណភាពទាបទាំងអស់ដើម្បីកាត់បន្ថយទិន្នផលប្រហែល៤% ។
លោក Chris Houlden ប្រធានផ្នែកស្រាវជ្រាវនៃក្រុមហ៊ុនពិគ្រោះយោបល់ CRU ថ្លែងថា ៖ « តម្លៃដែកថែបបានកើនឡើងយ៉ាងខ្លាំងនៅគ្រប់ទីផ្សារទាំងអស់ក្នុងត្រីមាសទី៤ឆ្នាំ២០១៦ ។ តម្រូវការកាលពីឆ្នាំមុនក្នុងប្រទេសចិន គឺដោយការស្ទុះងើបឡើងវិញយ៉ាងខ្លាំងក្នុងការវិនិយោគលើវិស័យអចលនទ្រព្យ » ។
WorldSteel បានបង្ហាញពីទិន្នផលនៅជប៉ុន ជាប្រទេសផលិតធំជាងគេទី២របស់ពិភពលោក បានធ្លាក់ចុះទិន្នផល០,៣% ឬស្មើនឹង១០៥លានតោន ខណៈទិន្នផលនៅឥណ្ឌា ជាប្រទេសផលិតធំទី៣របស់ពិភពលោក កើនឡើង៧,៤% ឬស្មើនឹង៩៦លានតោន ។
តាមទិន្នន័យបង្ហាញថា ទិន្នផលនៅក្នុងសហភាពអឺរ៉ុបបានធ្លាក់ចុះ២,៣% ហើយនៅតែស្មើនឹងអាមេរិកខាងជើង ៕
ចែករំលែកព័តមាននេះ