ឈីវ សេលីណា កូនខ្មែរនៅកាណាដា ត្រៀមខ្លួនចូលរួមក្រុមបាល់ទាត់នារីកម្ពុជាសម្រាប់ស៊ីហ្គេមឆ្នាំ២០២៣
- ភ្នំពេញ
រាជធានីភ្នំពេញ ៖ កូនខ្មែរនៅកាណាដា កីឡាការិនីឈីវ សេលីណា ទោះបីមិនទាន់មានទំនាក់ទំនង
រាជធានីភ្នំពេញ ៖ កូនខ្មែរនៅកាណាដា កីឡាការិនីឈីវ សេលីណា ទោះបីមិនទាន់មានទំនាក់ទំនងពិតប្រាកដជាមួយសហព័ន្ធកីឡាបាល់ទាត់កម្ពុជាជាផ្លូវការយ៉ាងណាក៏ដោយ ប៉ុន្តែកីឡាការិនីរូបនេះបានបង្ហើបឱ្យដឹងថា នាងបានត្រៀមខ្លួនគ្រប់ពេលដើម្បីចូលរួមជាមួយក្រុមបាល់ទាត់ជម្រើសជាតិនារីកម្ពុជា សម្រាប់ព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ នៅកម្ពុជា។
ទន្ទឹមគ្នានេះដែរ លោកប្រាក់ វុទ្ធី គ្រូជម្រើសជាតិបាល់ទាត់នារីកម្ពុជា ក៏គ្រោងកោះហៅកីឡាការិនី
រូបនេះឱ្យមកចូលរួមជាមួយក្រុមបាល់ទាត់នារីកម្ពុជាត្រៀមប្រកួតកីឡាស៊ីហ្គេមក្នុងពេលឆាប់ៗខាងមុខនេះ។
កីឡាការិនី ឈីវ សេលីណា មានឪពុកនិងម្ដាយជាជនជាតិខ្មែរ បានទៅរស់នៅក្នុងប្រទេសកាណាដាក្នុងអំឡុងពេលសង្គ្រាម នាងបានកើតនៅក្នុងទីក្រុងMontrealប្រទេសកាណាដាក្នុងឆ្នាំ២០០២ ។
បច្ចុប្បន្ននាងមានអាយុ២០ឆ្នាំហើយ កីឡាការិនីរូបនេះបានបង្ហើបឱ្យដឹងថា ខ្លួនពេញចិត្តចូលរួម ប្រសិនបើមានកោះហៅពីគ្រូបង្វឹកឬក៏សហព័ន្ធកីឡាបាល់ទាត់កម្ពុជា ។ នាងបានបញ្ជាក់ច្បាស់ពីការត្រៀមខ្លួនគ្រប់ពេលដើម្បីចូលរួមជាមួយក្រុមបាល់ទាត់ជម្រើសជាតិនារីកម្ពុជា។ នាងនឹងធ្វើអ្វីគ្រប់យ៉ាងជាមួយក្រុមបាល់ទាត់ជម្រើសជាតិនារីកម្ពុជា ទាំងផ្លូវកាយ ផ្លូវចិត្ត ។ រៀងរាល់ថ្ងៃនាងខំប្រឹងហ្វឹកហាត់យ៉ាងខ្លាំង ជាពិសេសក្នុងរដូវក្ដៅនាងហ្វឹកហាត់មួយសប្ដាហ៍៦ថ្ងៃ តែបើនៅរដូវត្រជាក់ហ្វឹកហាត់បន្តិចបន្តួចប៉ុណ្ណោះ ។ កីឡាការិនីរូបនេះប្រាប់ឱ្យដឹងថា ចំពោះអាកាសធាតុវិញគឺមានបញ្ហាបន្តិចបន្តួច ព្រោះនាងរស់នៅប្រទេសនៅកាណាដា ស៊ាំនឹងអាកាសធាតុទៅហើយ ប៉ុន្តែនាងគិតថាអាចសម្របសម្រួលជាមួយនឹងអាកាសធាតុស្រុកខ្មែរបាន ។
កីឡាការិនី ឈីវ សេលីណា ប្រាប់ថា នាងធ្លាប់ទស្សនាការប្រកួតរវាងក្រុមជម្រើសជាតិនារីកម្ពុជាទល់នឹងក្រុមជម្រើសជាតិប្រទេសផ្សេងៗក្នុងតំបន់អាស៊ីអាគ្នេយ៍ ហើយក៏ធ្លាប់បានទស្សនាការប្រកួតរបស់ក្រុមជម្រើសជាតិនារីកម្ពុជានៅក្នុងព្រឹត្តិការណ៍AFF Women´s Championship ឃើញថា ក្រុមគេខ្លាំងជាងកម្ពុជា បើងាកមកមើលក្រុមបាល់ទាត់នារីកាណាដាវិញកាន់តែខ្លាំងថែមទៀត។
កីឡាការិនីខ្មែរសញ្ជាតិកាណាដាដែលបច្ចុប្បន្នមានវ័យ២០ឆ្នាំ កម្ពស់១,៦៣ម៉ែត្រ មានជំនាញប្រើជើងខាងស្ដាំ និងអាចលេងបានក្នុងតួនាទីជាខ្សែការពារ ខ្សែបម្រើ និងខ្សែបម្រើស្លាប ។ នាងបានចាប់ផ្ដើមលេងបាល់តាំងពីនៅអាយុ៥ឆ្នាំ និងបានចូលរួមក្នុងក្រុមនៅអាយុ១២ឆ្នាំ ។ អាយុ១៥ឆ្នាំនាងបានចូលលេងនៅក្នុងកម្រិតElite ជាមួយក្រុមQuebec(AAA)។ អាយុ១៨ឆ្នាំនាងបានចូលលេងក្នុងកម្រិតពាក់កណ្ដាអាជីព ហើយបច្ចុប្បន្នកំពុងលេងឱ្យក្លិបCS MRO Qutremont U21 AAAដែលជាក្រុមចំណុះឱ្យCS MRO Qutremont AAAក្នុងក្របខណ្ឌអាជីព ស្មើនឹងលីក៣នៅកាណាដា ដែលជាក្លិបចុងក្រោយក្នុងចំណោមក្លិបជាច្រើនដែលនាងធ្លាប់លេងឱ្យនាពេលកន្លងមក ៕
ចែករំលែកព័តមាននេះ