ប្រដាល់សាកលកម្ពុជាត្រៀមបើកការប្រកួតឡើងវិញដើម្បីពង្រឹងសមត្ថភាពកីឡាករឆ្ពោះទៅស៊ីហ្គេម
- ភ្នំពេញ
រាជធានីភ្នំពេញ ៖ សហព័ន្ធកីឡាប្រដាល់សាកលកម្ពុជា ប្រកាសត្រៀមបើកការប្រកួតប្រដាល់សាកល
រាជធានីភ្នំពេញ ៖ សហព័ន្ធកីឡាប្រដាល់សាកលកម្ពុជា ប្រកាសត្រៀមបើកការប្រកួតប្រដាល់សាកល
រាជធានីភ្នំពេញ ៖ សហព័ន្ធកីឡាប្រដាល់សាកលកម្ពុជា ប្រកាសត្រៀមបើកការប្រកួតប្រដាល់សាកលអាជីពULTIMATE PRO BOXING 2022ឡើងវិញនាដើមខែតុលា ខាងមុខនេះ ដើម្បីពង្រឹងសមត្ថភាពអត្តពលិករបស់ខ្លួនឆ្ពោះទៅស៊ីហ្គេមឆ្នាំ២០២៣ ។ នេះបើតាមការផ្សព្វផ្សាយរបស់សហព័ន្ធកាលពីថ្ងៃទី២៣ សីហា។
សហព័ន្ធកីឡាប្រដាល់សាកលកម្ពុជាបានបង្កើតឱ្យមានព្រឹត្តិការណ៍នៃការប្រកួតជាលក្ខណៈអាជីពនៅក្នុងឆ្នាំ២០២២អស់រយៈពេលជាច្រើនខែមកហើយនៅក្លិបនាយកដ្ឋានអង្គរក្សខណ្ឌឫស្សីកែវ តែត្រូវបានផ្អាកមួយរយៈដោយសារមានការរីករាលដាលជំងឺកូវីដ-១៩ ។ ប៉ុន្តែក្រោយពីជំងឺកូវីដ-១៩មានភាពធូរស្រាលឡើងវិញ សហព័ន្ធក៏បានប្រកាសឱ្យមានការប្រកួតឡើងវិញ តែលើកនេះគឺធ្វើនៅក្នុងពហុកីឡដ្ឋានជាតិ និងបានអនុញ្ញាតឱ្យអ្នកគាំទ្រចូលទស្សនាដោយសេរីមិនមានការលក់សំបុត្រនោះទេ។
លោកប៊ុយ សោភ័ណ្ឌ អគ្គលេខាធិការសហព័ន្ធកីឡាប្រដាល់សាកលកម្ពុជាបានឱ្យដឹងថា ការប្រកួតកីឡាប្រដាល់សាកលULTIMETE PRO BOXING 2022ដែលនឹងប្រព្រឹត្តទៅនាដើមខែតុលាខាងមុខនេះ ត្រូវធ្វើឡើងរៀងរាល់២សប្ដាហ៍ម្ដង ក្នុងគោលបំណងពង្រឹងសមត្ថភាពកីឡាករជម្រើសជាតិរបស់ខ្លួនឱ្យកាន់តែទទួលបាននូវបទពិសោធន៍ បច្ចេកទេស និងកាយសម្បទារឹងមាំ ឆ្ពោះទៅកាន់ការប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះឱ្យទទួលបានជោគជ័យ ។
ទន្ទឹមគ្នានេះដែរ សហព័ន្ធកីឡាប្រដាល់សាកលកម្ពុជា ក៏បានអំពាវនាវទៅដល់បងប្អូនស្រឡាញ់វិស័យកីឡាប្រដាល់សាកល អាចចូលរួមឧបត្ថម្ភលើកទឹកចិត្តដល់កីឡាករ-កីឡាការិនីតាមដែលអាចធ្វើទៅបាន។
កុំភ្លេចចូលរួមទស្សនានិងគាំទ្រដោយសប្បាយរីករាយនៅពហុកីឡដ្ឋានជាតិទាំងអស់គ្នា ៕
ចែករំលែកព័តមាននេះ