អាការមានឈាមហូរតាមច្រមុះ ដែលជាទូទៅយើងច្រើនហៅថា អន្ទង់ចាក់ច្រមុះ ហើយនៅពេលកើតរោគបែបនេះអ្នកខ្លះតែងតែយកទឹកមកចាក់ពីលើក្បាល ដោយងើយមុខឡើងដើម្បីឲ្យបាត់ហូរឈាមតាមច្រមុះ ។ ការធ្វើបែបនេះ
អាការមានឈាមហូរតាមច្រមុះ ដែលជាទូទៅយើងច្រើនហៅថា អន្ទង់ចាក់ច្រមុះ ហើយនៅពេលកើតរោគបែបនេះអ្នកខ្លះតែងតែយកទឹកមកចាក់ពីលើក្បាល ដោយងើយមុខឡើងដើម្បីឲ្យបាត់ហូរឈាមតាមច្រមុះ ។ ការធ្វើបែបនេះជួនក៏មានប្រសិទ្ធភាព ជួនក៏មិនមានប្រសិទ្ធភាព។ ដូច្នេះវិធីដែលល្អដើម្បីការពារមិនឱ្យហូរឈាមតាមច្រមុះកាន់តែច្រើននោះ គួរអនុវត្តវិធីសាស្ត្រដូចខាងក្រោម ៖
-អង្គុយឲ្យស្ងៀមដោយដកដង្ហើមថ្នមៗ
-ត្រូវយកដៃច្របាច់ច្រមុះទាំងសងខាងរយៈពេល១០នាទី
-មិនត្រូវគ្រវីច្រមុះ
-បើសិនជានៅតែមិនបាត់ត្រូវចុករន្ធច្រមុះដោយសំឡី
– ដេកដាក់ក្បាលឲ្យខ្ពស់ជាងបេះដូងរួចយកទឹកកកមកស្អំនៅលើច្រមុះ
-បន្ថយឬបញ្ឈប់ការទទួលទានគ្រឿងស្រវឹងនិងបារី
-តមទឹកកក ទឹកក្តៅឲ្យបានយ៉ាងតិច២៤ម៉ោង ។
ចំពោះមនុស្សចាស់នៅពេលឈាមហូរពីផ្នែកខាងក្រោយនៃច្រមុះគឺមិនអាចឃាត់ឈាមដោយការច្របាច់ច្រមុះបានទេ ក្នុងករណីនេះលោកអ្នកគួរតែយកស្នូលពោតឬវត្ថុដែលមានសណ្ឋានស្រដៀងគ្នានេះខាំនៅជាប់នឹងធ្មេញហើយឱនមុខទៅក្រោមបន្តិច អង្គុយឲ្យស្ងៀមរហូតឈាមឈប់ហូរ តែមិនត្រូវលេបឈាមនោះទៅក្នុងពោះទេ ។
ចំណុចដែលគួរចំណាំសញ្ញាមួយចំនួន នៅពេលហូរឈាមច្រមុះខ្លាំងមិនព្រមបាត់ ៖
-អ្នកជំងឺអាចមានអារម្មណ៍ថាអស់កម្លាំងទាំងក្នុងពេលហូរឈាមច្រមុះ ឬក៏ក្រោយពេលហូរឈាមច្រមុះ។
-មានការប៉ះទង្គិចជាមួយវត្ថុផ្សេងៗឬក៏ជួបគ្រោះថ្នាក់ចរាចរណ៍ដែលបណ្តាលឲ្យហូរឈាមច្រមុះ ។
-បាត់បង់សតិ ឬក៏សន្លប់ស្តូកស្តឹង
-ស្រវាំងភ្នែកមើលមិនច្បាស់
-មានហូរឈាមច្រមុះលាយជាមួយគ្រុនក្តៅ ឈឺក្បាល ។
អាការទាំងអស់នេះត្រូវប្រញាប់នាំអ្នកជំងឺទៅជួបជាមួយគ្រូពេទ្យឯកទេសផ្នែក ត្រចៀក ច្រមុះ បំពងក ឬគ្រូពេទ្យឯកទេសជាបន្ទាន់ ដើម្បីទប់ស្កាត់ និងព្យាបាលឲ្យបានទាន់ពេលវេលា ព្រោះបើសិនជាការហូរឈាមច្រមុះហូរលើសពី៤ម៉ោង អាចបណ្តាលឲ្យអ្នកជំងឺបាត់បង់ជីវិតបាន។ បើតាមការស្រាវជ្រាវកន្លងមក ការបរិភោគផ្លៃក្រូច ប៉េងបោះ និងផ្លែឈើដទៃទៀត អាចជួយពង្រឹងសរសៃឈាមវ៉ែន ជួយបញ្ចៀសការហូរឈាមតាមច្រមុះបានមួយផ្នែក ៕
ចែករំលែកព័តមាននេះ