សូមសរសើរ ទឹកចិត្តសមត្ថកិច្ច និងអាជ្ញាធរខណ្ឌដូនពេញ
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោង២ និង៣០នាទីរសៀល ថ្ងៃទី២៥ ខែមករា ឆ្នាំ២០១៧ នៅចំណុចច្រាំងទន្លេក្បែរកំពង់ចម្លង …
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងកាលពីវេលាម៉ោង២ និង៣០នាទីរសៀល ថ្ងៃទី២៥ ខែមករា ឆ្នាំ២០១៧ នៅចំណុចច្រាំងទន្លេក្បែរកំពង់ចម្លងភ្នំពេញ-អរិយក្សត្រ ស្ថិតក្នុងសង្កាត់ចតុមុខ ខណ្ឌដូនពេញ បន្ទាប់ពីកម្លាំងអាជ្ញាធរខណ្ឌដូនពេញបានជួលទូកអូសសពបុរសម្នាក់ពីកណ្តាលទន្លេយកទៅតម្កល់ទុកនៅវត្តសំបួរមាស ។
ប្រភពព័ត៌មានពីមន្ត្រីនគរបាលមូលដ្ឋានបានឱ្យដឹងថា ក្រោយពីទទួលបានព័ត៌មានថា មានសាកសពបុរសម្នាក់ដែលមានសភាពហើម និងក្លិនស្អុយទៅហើយ កំពុងតែអណ្តែតលើផ្ទៃទឹកទៅជាប់មងអ្នកនេសាទនៅកណ្តាលទន្លេតាំងពីថ្ងៃទី២៤ ខែមករា ឆ្នាំ ២០១៧ ម្សិលមិញ មិនមានអ្នកណាម្នាក់អើពើនោះ លោក សុខ ពេញវុធ អភិបាលខណ្ឌដូនពេញ ក៏បានបញ្ជាឲ្យកម្លាំងក្នុងមូលដ្ឋានជួលទូកអូសយកមកដាក់លើមាត់ច្រាំង ដើម្បីធ្វើការស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី ។
ប្រភពបន្តទៀតថា សាកសពបុរសមិនស្គាល់អត្តសញ្ញាណនេះ មានពាក់អាវដៃវែង ពណ៌ខ្មៅ ស្លៀកខោគគីរ ជើងវែង បានអណ្តែតមកជាប់មងប្រជានេសាទនៅលើដែនទឹកក្នុងស្រុកល្វាឯម ខេត្តកណ្តាលនោះ និងមិនស្ថិតនៅក្នុងអាណាចក្ររបស់ខណ្ឌដូនពេញ ឬខណ្ឌចំការមនឡើយ ។
ក្រោយពីកម្លាំងសមត្ថកិច្ចខណ្ឌដូនពេញអូសសាកសពយកមកទុកលើច្រាំងទន្លេរួច ក៏ធ្វើការពិនិត្យ និងកោសល្យវិច្ច័យ ឃើញថា បុរសរងគ្រោះបានស្លាប់ដោយសារលង់ទឹក ហើយបញ្ជូនទៅរក្សាទុកនៅវត្តសំបួរមាស ស្ថិតក្នុងសង្កាត់ដង្កោ ខណ្ឌដង្កោ ដើម្បីធ្វើការស្រាវជ្រាវរកក្រុមគ្រួសារជាបន្តទៅទៀត ៕
ចែករំលែកព័តមាននេះ