ភ័យឡើងផ្អើលពេញភូមិ ពេលដឹងបែបនេះ
ខេត្តស្វាយរៀង ៖ ប្រជាពលរដ្ឋរស់នៅភូមិគគីរ ឃុំគគីរ ស្រុករមាសហែក ខេត្តស្វាយរៀង ម្នាក់ៗនាំគ្នាភ័យ និងព្រួយបារម្ភពីសុវត្ថិភាពគ្រប់គ្នា ខណៈកាលពីថ្ងៃទី២៤ ខែមករា …
ខេត្តស្វាយរៀង ៖ ប្រជាពលរដ្ឋរស់នៅភូមិគគីរ ឃុំគគីរ ស្រុករមាសហែក ខេត្តស្វាយរៀង ម្នាក់ៗនាំគ្នាភ័យ និងព្រួយបារម្ភពីសុវត្ថិភាពគ្រប់គ្នា ខណៈកាលពីថ្ងៃទី២៤ ខែមករា ឆ្នាំ២០១៧ មានគេប្រទះឃើញគ្រាប់បែកគីមី១គ្រាប់ដែលគេកប់ទុកចោលនៅចន្លោះវត្តគគីរ និងសាលាបឋមសិក្សាគគីរ ។
សមត្ថកិច្ចបានឲ្យដឹងថា ក្រុមស្រាវជ្រាវរបស់អង្គការស៊ីម៉ាក់បានរកឃើញគ្រាប់ណាប៉ាល់១គ្រាប់នៅចំណុចចន្លោះវត្តគគីរ និងសាលាបឋមសិក្សាគគីរ សិ្ថតក្នុងភូមិគគីរ ឃុំគគីរ ស្រុករមាសហែក ខេត្តស្វាយរៀង ជាគ្រាប់បែកគីមី ប្រភេទ chloroben zalmalononitrile (CS) មានចំណុះប្រមាណជាង២០០គីឡូក្រាមក្នុង១គ្រាប់ ដែលត្រូវបានគេកប់ចោលក្បែរសាលាឆាន់ក្នុងវត្តកាលពីអំឡុងខែកុម្ភៈ ឆ្នាំ១៩៧០ ។
ប្រភពពីប្រជាពលរដ្ឋបានឲ្យដឹងថា កាលពីសមយ័សង្គ្រាមទស្សវត្ស៧០ ទាហានសហរដ្ឋអាមេរិកបានទម្លាក់គ្រាប់បែកពីលើយន្តហោះចុះមកដីចំនួន៤គ្រាប់ចំសាលាឆាន់បណ្តាលឲ្យផ្ទុះចំនួន២គ្រាប់ និងមិនទាន់ផ្ទុះសល់រហូតដល់សព្វថ្ងៃនេះចំនួន២គ្រាប់ ។
បើយោងតាមមន្ត្រីស៊ីម៉ាក់និយាយថា បច្ចុប្បន្នគ្រាប់ទាំង២គ្រាប់នៅក្នុងទីធ្លាសាលា មានសិស្សានុសិស្សយ៉ាងច្រើន ហើយក្នុងមូលដ្ឋានក៏មានប្រជាពលរស់នៅជុំវិញច្រើនដែរ ព្រមទាំងជាទីអារាមផងដែរ ដូចនេះកិច្ចប្រតិបតិ្តការត្រូវជន្លៀសប្រជាពលរដ្ឋចេញមួយរយៈពេលខ្លីដើម្បីធ្វើការ ។ ក្រោយពីស្រាវជ្រាវច្បាស់លាស់ និងកំណត់លក្ខណៈបច្ចេកទេស ព្រមទាំងវាយតម្លៃកម្រិតហានិភយ័រួច ស៊ីម៉ាក់នឹងចាប់ផ្តើមប្រតិបតិ្តការឆាប់ៗខាងមុខនេះ ៕
ចែករំលែកព័តមាននេះ