ទ្រីយ៉ាត្លុងកម្ពុជាបង្កើនបច្ចេកទេសរបស់ខ្លួនត្រៀមស៊ីហ្គេម
- ភ្នំពេញ
រាជធានីភ្នំពេញ ៖ លោក ងិន សុខបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជាបានលើក
រាជធានីភ្នំពេញ ៖ លោក ងិន សុខបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជាបានលើក
រាជធានីភ្នំពេញ ៖ លោក ងិន សុខបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជាបានលើកឡើងថា ក្រុមកីឡាករ-កីឡាការិនីទ្រីយ៉ាត្លុងជម្រើសជាតិកម្ពុជាចំនួន១៤នាក់ (កីឡាការិនី៥
នាក់)កំពុងបង្កើនការហ្វឹកហាត់នៅខេត្តកែប ក្រោមការបង្វឹកពីគ្រូបង្វឹក៤នាក់ ក្នុងនោះមានគ្រូបង្វឹកអន្តរជាតិម្នាក់ជាជនជាតិណូវែលសេឡង់។
បន្ទាប់ពីមានការកំណត់ជាគោលការណ៍ផ្លូវការពីក្រុមប្រឹក្សាកីឡាសហព័ន្ធកីឡាអាស៊ីអាគ្នេយ៍លើ
ប្រភេទកីឡាទ្រីយ៉ាត្លុងមានចំនួន៧វិញ្ញាសានោះសហព័ន្ធកីឡាទ្រីយ៉ាត្លុងកម្ពុជាបានសម្រុកបង្កើនគុណភាពបច្ចេកទេសរបស់ក្រុមជម្រើសជាតិកាន់តែមុតស្រួច ដើម្បីត្រៀមប្រជែងមេដាយស៊ីហ្គេម លើកទី៣២ ឆ្នាំ២០២៣ នៅកម្ពុជា។
សម្រាប់វិញ្ញាសាអាគ័រត្លុងត្រូវបានដាក់បញ្ចូលក្នុងស៊ីហ្គេម លើកទី៣២ ឆ្នាំ២០២៣ ជាលើកដំបូង ដោយម្ចាស់ផ្ទះកម្ពុជា ដោយកន្លងមកមិនធ្លាប់ដាក់បញ្ចូលនោះឡើយ ។ បំណងនៃការដាក់បញ្ចូលវិញ្ញាសា១បន្ថែមនេះ គឺសំដៅស្វែងរកឱកាសកាន់តែច្រើន ដើម្បីគោលដៅក្នុងការប្រជែងមេដាយមាស១គ្រឿង ដោយវិញ្ញាសា អាគ័រត្លុងនេះ គឺជាក្តីសង្ឃឹមខ្ពស់ជាងគេ។
៧វិញ្ញាសា ដែលត្រៀមដាក់បញ្ចូលក្នុងស៊ីហ្គេមឆ្នាំ២០២៣ មានដូចជា វិញ្ញាសាអាគ័រត្លុង ឯកត្តជនបុរស-នារី ដោយត្រូវហែលទឹក៥០០ម៉ែត្រ រត់ចម្ងាយ២,៥គីឡូម៉ែត្រ, វិញ្ញាសាក្រុមអាគ័រត្លុងបុរស២នាក់-នារី២នាក់ មានហែលទឹក៥០០ម៉ែត្រ រត់ចម្ងាយ២,៥គីឡូម៉ែត្រ, វិញ្ញាសាឌូយ៉ាត្លុង ឯកត្តជនបុរស រត់ចម្ងាយ ៥គីឡូម៉ែត្រ ជិះកង់ ២០គីឡូម៉ែត្រ រត់ចម្ងាយ ២,៥គីឡូម៉ែត្រ, វិញ្ញាសាឌូយ៉ាត្លុងឯកត្តជននារី រត់ចម្ងាយ ៥គីឡូម៉ែត្រ ជិះកង់ ២០គីឡូម៉ែត្រ និងចុងក្រោយរត់ចម្ងាយ ២,៥គីឡូម៉ែត្រ, វិញ្ញាសា ទ្រីយ៉ាត្លុង ឯកត្តជនបុរស-នារី ហែលទឹក៧៥០ម៉ែត្រ ជិះកង់២០គីឡូម៉ែត្រ រត់ចម្ងាយ៥គីឡូម៉ែត្រ។
លោកអគ្គលេខាធិការរូបនេះបានអះអាងថា ចំនួន៧វិញ្ញាសានេះ សមល្មមសម្រាប់កីឡាករ កីឡាការិនីស្របតាមលក្ខណៈបច្ចេកទេសសម្រាប់ការត្រៀមចូលរួមប្រកួតក្នុងនាមជាម្ចាស់ផ្ទះស៊ីហ្គេម
ជាលើកដំបូងនេះ ។ លោកបន្ថែមថា បើនិយាយពីប្រវត្តិស៊ីហ្គេម៣២លើក ស្មើនឹង៦៤ឆ្នាំ រួមទាំងស៊ីហ្គេមនៅកម្ពុជាផងនោះ គឺ៧វិញ្ញាសានេះ ក៏ជាចំនួនច្រើនបំផុតនៃប្រភេទកីឡាទ្រីយ៉ាត្លុងក្នុង ស៊ីហ្គេម កន្លងមក។ ចំនួនវិញ្ញាសាច្រើនជាងគេចុងក្រោយ គឺមានតែ៦ប៉ុណ្ណោះកាលពីស៊ីហ្គេមលើកទី៣១ នៅប្រទេសហ្វីលីពីន កាលពីឆ្នាំ២០១៩ ខណៈគោលដៅស៊ីហ្គេម២០២៣របស់កម្ពុជាមានចំនួនច្រើនជាងគេដែលនេះជាការពង្រីកសក្តានុពលលើប្រភេទកីឡាអូឡាំពិកមួយនេះ ក្នុងតំបន់អាស៊ីអាគ្នេយ៍ រៀងរាល់២ឆ្នាំងម្តងនេះ។
ពេលនេះ សហព័ន្ធកីឡាទ្រីយ៉ាត្លុងកម្ពុជាបានបែងចែកច្បាស់លាស់សម្រាប់កីឡាករ កីឡាការិនីជម្រើសជាតិកម្ពុជា ដោយកីឡាករ ឬកីឡាការិនីណាត្រូវលេងវិញ្ញាសាណាមួយជាក់ច្បាស់ហើយ ដែលនេះជាគោលដៅចម្បងឱ្យកីឡាករណាមួយសម្រួចការហ្វឹកហាត់តែទៅលើវិញ្ញាសានោះ ដើម្បីត្រៀមទៅប្រកួតប្រជែងមេដាយឱ្យទទួលបានលទ្ធផលជូនជាតិ ។
ជាមួយគ្នានេះ ជាគោលដៅចំពោះមុខ សហព័ន្ធជំនាញមួយនេះគ្រោងនឹងបញ្ជូនកីឡាករមួយចំនួនទៅហាត់ហ្វឹកហាត់ក្រៅប្រទេសឱ្យកាន់តែមានសក្តានុពលបន្ថែម ។ ចុងខែសីហា ឆ្នាំ២០២២ ប្រធានសហព័ន្ធកីឡាទ្រីយ៉ាត្លុងថៃនឹងអញ្ជើញធ្វើទស្សនកិច្ចនៅខេត្តកែប ដែលជាកន្លែងរៀបចំការប្រកួតកីឡាទ្រីយ៉ាត្លុង នាស៊ីហ្គេម២០២៣ ។
ប្រតិភូកីឡាទ្រីយ៉ាត្លុងថៃនឹងជួយពិនិត្យលើការរៀបចំរបស់កម្ពុជាដើម្បីឲ្យសមស្របតាមលក្ខណៈបច្ចេកទេសអន្តរជាតិ ។ ជាមួយគ្នានេះក៏នឹងមានកិច្ចប្រជុំមួយដើម្បីស្នើបញ្ជាក់អំពីថាតើពេលណាដែលប្រទេសថៃអាចទទួលយកក្រុមជម្រើសជាតិកម្ពុជាទៅហ្វឹកហាត់នៅទីនោះបានក្នុងចំនួនប៉ុន្មាននាក់ និងក្នុងរយៈពេលណាមួយច្បាស់លាស់ មុនស៊ីហ្គេម នៅកម្ពុជា ចូលមកដល់។
ចំពោះគោលបំណងសំខាន់របស់កម្ពុជា ក្នុងការបញ្ជូនក្រុមជម្រើសជាតិទៅហ្វឹកហាត់នៅទីនោះ គឺមានគូប្រជែង មានន័យថា យើងហ្វឹកហាត់ជាមួយកីឡាករកីឡាការិនីខ្លាំងៗ នោះគុណភាពបច្ចេក ទេសរបស់យើងប្រាកដជាកើនឡើងជាក់ជាមិនខាន។ បើហ្វឹកហាត់ក្នុងស្រុកវិញគឺយើងបានដឹងបានស្គាល់ត្រឹមតែសមត្ថភាពរបស់គ្នាឯងអស់ហើយ ។ អ្វីដែលសំខាន់ ការហាត់ជាមួយគ្នាឯងមិនមានគូប្រជែងនោះទេ ៕
ចែករំលែកព័តមាននេះ