លោក ឆាំង សុង អតីតរដ្ឋមន្រ្តីក្រសួងព័ត៌មានខ្មែរទទួលមរណភាពនៅអាមេរិក
- ភ្នំពេញ
រាជធានីភ្នំពេញ៖ លោកព្រឹទ្ធាចារ្យ ឆាំង សុង អតីតរដ្ឋមន្ត្រីក្រសួងឃោសនាការ នាសម័យលន់ ណុល ទទួលមរណភាពហើយ ក្នុងជន្មាយុ៨៥ឆ្នាំ នៅក្នុងមន្ទីរពេទ្យនាទីក្រុង…
រាជធានីភ្នំពេញ៖ លោកព្រឹទ្ធាចារ្យ ឆាំង សុង អតីតរដ្ឋមន្ត្រីក្រសួងឃោសនាការ នាសម័យលន់ ណុល ទទួលមរណភាពហើយ ក្នុងជន្មាយុ៨៥ឆ្នាំ នៅក្នុងមន្ទីរពេទ្យនាទីក្រុង ឡុងប៊ិច រដ្ឋកាលីហ្វ័រញ៉េ សហរដ្ឋអាមេរិក នៅវលាម៉ោង៣ជិតភ្លឺ ថ្ងៃទី២១ ខែសីហា ឆ្នាំ២០២២ ត្រូវនិងម៉ោង៧យប់ ថ្ងៃទី២១ ខែសីហា ឆ្នាំ២០២២ ម៉ោងនៅប្រទេសកម្ពុជា ដោយរោគាពាធ។ នេះបើតាមការប្រកាសឱ្យដឹងពីភរិយា និងសាច់ញាតិលោកព្រឹទ្ធាចារ្យ ឆាំង សុង នៅលើបណ្តាញសង្គម។
ជាមួយគ្នានោះផងដែរ ក៏មានញាតិមិត្តបងប្អូនជាច្រើនបានចូលរួមរំលែកទុក្ខដ៏ក្រៀមក្រំនេះជាមួយក្រុមគ្រួសារនៃសព និងសូមឧទ្ទិសដល់វិញ្ញាណក្ខន្ធលោកព្រឹទ្ធាចារ្យ ឆាំង សុង ទៅកាន់ទីសុគតិភពកុំបីឃ្លាងឃ្លាតឡើយ។
ក្នុងនោះ រដ្ឋមន្ត្រីក្រសួងព័ត៌មាន ឯកឧត្តម ខៀវ កញារីទ្ធ ក៏បានបង្ហោះសារចូលរួមមរណទុក្ខចំពោះមរណភាពរបស់លោកព្រឹទ្ធាចារ្យ ឆាំង សុង ផងដែរ ។
ឯកឧត្តម ខៀវ កញារីទ្ធ បានសរសេរសំណេរចូលរួមមរណទុក្ខថា «សូមបងទៅកាន់សុគតិភព ! យើងនៅតែចងចាំបង» ៕
ចែករំលែកព័តមាននេះ