ចុះពិនិត្យមើលទីតាំងសាងសង់អគាររដ្ឋបាលក្រុងបូកគោ
- កំពត
ខេត្តកំពត ៖ ឯកឧត្តម៉ៅ ធនិន អភិបាលខេត្តកំពត រួមដំណើរឯកឧត្តមប្រាក់ សំអឿន អគ្គនាយកនៃអគ្គនាយករដ្ឋបាលក្រសួងមហាផ្ទៃ និងលោកស្រីងឹន ផលរត្ន័…
ខេត្តកំពត ៖ ឯកឧត្តម៉ៅ ធនិន អភិបាលខេត្តកំពត រួមដំណើរឯកឧត្តមប្រាក់ សំអឿន អគ្គនាយក
នៃអគ្គនាយករដ្ឋបាលក្រសួងមហាផ្ទៃ និងលោកស្រីងឹន ផលរត្ន័ អភិបាលក្រុងបូកគោ ក្នុងនោះ ក៏មានការអញ្ជើញចូលរួមតំណាងក្រុមហ៊ុនសុខាអូរតែលផងដែរ កាលពីព្រឹកថ្ងៃទី១៩ សីហា ចុះពិនិត្យមើលទីតាំងសាងសង់អគាររដ្ឋបាលក្រុងបូកគោ នៅលើភ្នំបូកគោ។
បើយោងតាមការអោយដឹងពីលោកចាន់ថា អភិបាលរងខេត្តកំពត រួមដំណើរចុះទៅពិនិត្យផ្ទាល់បាននិយាយអោយដឹងថា អាជ្ញាធរខេត្តកំពតបានចុះពិនិត្យផ្ទាល់ទីតាំងសម្រាប់សាងសង់អគាររដ្ឋបាលក្រុងបូកគោ។
លោកចាន់ ថា អភិបាលរងខេត្តកំពតបានប្រាប់ថា ការសាងសង់អគាររដ្ឋបាលក្រុងបូកគោនេះ ជួរមុខគឺនៅហួសផ្លូវរថភ្លើងត្រង់ចំណុចផ្លូវឡើងទៅកាន់ឧទ្យានជាតិព្រះមុនីវង្សបូកគោ ងាយស្រួលរដ្ឋបាលបំពេញការងារ ជាមួយនិងប្រជាពលរដ្ឋ ។
ទោះជាបែបណា គម្រោងសាងសង់អគាររដ្ឋបាលក្រុងបូកគោនោះ ពុំទាន់ដឹងថា កំពស់ប៉ុន្មានជាន់នោះទេ គ្រាន់តែចុះសិក្សាតែប៉ុណ្ណោះ ខណៈពេលរដ្ឋបាលសាលាក្រុងបូកគោ កំពុងជួលអគារគេធ្វើការជាបណ្ដោះអាសន្នសិន។
ព័ត៌មានកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ