កុមារតូចៗងាយនឹងកើតមានបញ្ហាក្អកស្លេស្ម៍ខ្លាំងណាស់ ពេលដែលអាកាសធាតុចាប់ផ្តើមប្រែប្រួល ដោយចាប់ផ្តើមពីដំបូងផ្តាសាយ ក្អក ហើយមានស្លេស្ម៍តែម្តង ។ អាការក្អកមានស្លេស្ម៍ គឺមានផលវិបាកបំផុតសម្រាប់
កុមារតូចៗងាយនឹងកើតមានបញ្ហាក្អកស្លេស្ម៍ខ្លាំងណាស់ ពេលដែលអាកាសធាតុចាប់ផ្តើមប្រែប្រួល ដោយចាប់ផ្តើមពីដំបូងផ្តាសាយ ក្អក ហើយមានស្លេស្ម៍តែម្តង ។ អាការក្អកមានស្លេស្ម៍ គឺមានផលវិបាកបំផុតសម្រាប់កុមារឬទារកតូចៗ ដែលអាការទាំងនេះអាចបណ្តាលមកពីជំងឺផ្តាសាយឬក៏ជំងឺរលាកសួតជាដើម។
យ៉ាងណាក៏ដោយ ផលវិបាកទាំងនេះក៏មានដំណោះស្រាយដែរ ដោយលោកអ្នកឬអាណាព្យាបាលគ្រប់រូបអនុវត្តតាមវិធីខាងក្រោមនេះដូចជា ៖
-ត្រូវរក្សាសីតុណ្ហភាពក្នុងបន្ទប់កូនដេកឲ្យនៅថេរ ។
-ត្រូវឲ្យពួគេទទួលទានទឹកឲ្យបានគ្រប់គ្រាន់ ដើម្បីឲ្យស្លេស្ម៍ដែលនៅក្នុងក មិនអាចខាប់ពេកងាយស្រួលនៅក្នុងការស្តោះចេញរមកខាងក្រៅ។
-ប្រើប្រាស់ថ្នាំសម្រាប់ក្អកមានស្លេស្ម៍ តាមការណែនាំរបស់គ្រូពេទ្យជំនាញ ដើម្បីធ្វើឲ្យស្លេស្ម៍រាវងាយនឹងស្តោះចេញមកខាងក្រៅ ។
-បើស្លេស្ម៍នៅក្នុងមាត់ជ្រៅ លោកអ្នកអាចប្រើម្រាមដៃរុំជាមួយក្រណាត់សស្អាត ខ្វះស្លេស្ម៍ ពីក្នុងមាត់កុមារស្រាលៗ ។
-ជារឿយៗ ត្រូវត្រឡប់ខ្លួននិងទះខ្នងកូនតូចស្រាលៗ អាចជាផ្នែកមួយជួយឲ្យស្លេស្ម៍ចេញមកខាងក្រៅ ។ នៅពេលដែលកុមារដេកផ្អៀងខាងស្តាំ ត្រូវទះខ្នងខាងឆ្វេង នៅពេលដែលក្មេងដេកផ្អៀងខាងឆ្វេងត្រូវទះខាងស្តាំ ដោយត្រូវទះស្រាលៗពីលើចុះមកខាងក្រោម និងត្រូវទះ២ទៅ៣ដងក្នុងមួយថ្ងៃ។
-អាចប្រើសេរ៉ូមប្រៃសម្រាប់ដាក់ច្រមុះទារកឬកុមារ ដើម្បីកាត់បន្ថយការតឹងច្រមុះ ធ្វើឲ្យស្លេស្ម៍រាវ ។
-បើសិនជាវិធីទាំងនេះនៅតែជួយមិនបាន លោកអ្នកអាចនាំកូនធ្វើការឆ្ពុង ឬក៏ធ្វើការម៉ាស្សាស្លេស្ម៍ជាមួយអ្នកឯកទេស ។ ជាពិសេសនៅមន្ទីរពេទ្យកុមារជាតិ គឺមានក្រុមគ្រូពេទ្យជំនាញខាងម៉ាស្សាស្លេស្ម៍ ដោយបើកធ្វើការពីថ្ងៃចន្ទដល់សុក្រក្នុង១សប្តាហ៍ ។
សូមកុំបណ្តោយទុកកូនរបស់លោកអ្នកយូរ គួរតែប្រញាប់ទៅពិភាក្សាជាមួយគ្រូពេទ្យឯកទេសផ្នែកកុមារដើម្បីរកដំណោះស្រាយ បើសិនជាអនុវត្តតាមវិធីខាងលើហើយនៅតែមិនបាត់ ៕
ចែករំលែកព័តមាននេះ