លោក រ័ត្ន ស៊ីថា ចៅក្រមជំនុំជម្រះសាលាដំបូងរាជធានីភ្នំពេញ កាលពីរសៀលថ្ងៃទី១៨ ខែសីហា ឆ្នាំ២០២២ បានប្រកាសសាលក្រមសម្រេចផ្តន្ទាទោសអតីតផ្កាយបីយោធាម្នាក់ ដាក់
រាជធានីភ្នំពេញ ៖ លោក រ័ត្ន ស៊ីថា ចៅក្រមជំនុំជម្រះសាលាដំបូងរាជធានីភ្នំពេញ កាលពីរសៀលថ្ងៃទី១៨ ខែសីហា ឆ្នាំ២០២២ បានប្រកាសសាលក្រមសម្រេចផ្តន្ទាទោសអតីតផ្កាយបីយោធាម្នាក់ ដាក់ពន្ធនាគារកំណត់៤ឆ្នាំ និងសំណងបណ្តឹងរដ្ឋប្បវេណីចំនួន៦០លានរៀល ពាក់ព័ន្ធ៣បទល្មើស ។ សាលក្រម ទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ បើសិនភាគីណាមួយមិនសុខចិត្តចំពោះការកាត់ក្តីនេះ ។
ជនជាប់ចោទខាងលើមានឈ្មោះ ឡេង ប៊ុនស្រ៊ី ភេទប្រុស អាយុ៥៦ឆ្នាំ (អតីតយោធាផ្កាយ៣)មានស្រុកកំណើតនៅឃុំស្វាយឃ្លាំង ស្រុកក្រូចឆ្មា ខេត្តកំពង់ចាម មុនចាប់ខ្លួននៅភូមិត្រពាំងឈូក សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
ហើយសាលក្រមបានផ្តន្ទាទោសលើជនជាប់ចោទឈ្មោះ ឡេង ប៊ុនស្រ៊ី ពីបទ.បង្ខាំងមនុស្សដោយខុសច្បាប់ បទ.ហិ.ង្សាដោយចេតនាប្រព្រឹត្តដោយសហព័ន្ធ និងបទ.កាន់កា.ប់អាវុធដោយគ្មានការអនុញ្ញាត ដែលប្រព្រឹត្តកាលពីថ្ងៃទី០៧ ខែកញ្ញា ឆ្នាំ២០២១ នៅផ្ទះលេខ៤៩ ផ្លូវលំ ស្ថិតក្នុងភូមិត្រពាំងឈូក សង្កាត់អូរបែកក្អម ខណ្ឌសែនសុខ រាជធានីភ្នំពេញ ហើយសាលក្រមក៏បានសម្រេចឲ្យជនជាប់ចោទ រួមផុតពីបទ. ប៉ុនប៉ងឃា.តក.ម្ម ។
សូមរម្លឹកថា លោក សំ ប៊ុនពៅ ចៅក្រមសាលាដំបូងរាជធានីភ្នំពេញ កាលពីព្រឹកថ្ងៃទី៦ ខែកក្កដា ឆ្នាំ២០២២ បានបង្គាប់ទៅប្រធានមន្ទីរឃុំឃាំង (ម១) ព្រៃ.ស ឲ្យនាំខ្លួនជនជាប់ចោទឈ្មោះ ឡេង ប៊ុនស្រ៊ី អតីតផ្កាយ៣យោធា មកសាកសួរបន្ថែមលើសំណុំរឿង.រំលោ.ភសេពសន្ថវៈមានស្ថានទម្ងន់ទោសទាក់ទង និងជនល្មើស ។
សូមរម្លឹកទៀតថា ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនអតីតផ្កាយ៣យោធាឈ្មោះ ឡេង ប៊ុនស្រ៊ី ដាក់ពន្ធនាគារព្រៃ.សជាបណ្តោះអាសន្ន ដើម្បីរង់ចាំកាត់ទោសតាមផ្លូវច្បាប់ ពាក់ព័ន្ធបទល្មើសចំនួន៤ទៅ៥បទល្មើស ដែលសុទ្ធសឹងជាបទល្មើសព្រហ្មទណ្ឌរួមមាន ៖ ១.ប្រើអំពើហិ.ង្សាលើគ្រួសារ (វា.យប្រពន្ធ), ២.រំលោ.ភសេពសន្ថវៈកូនចុង, ៣.បង្ខាំងមនុស្សខុសច្បាប់, ៤.គំរា.មកំហែងថា នឹងសម្លា.ប់ និង៥.កាន់កា.ប់អាវុធដោយគ្មានការអនុញ្ញាតិ ។ បានជាចៅក្រមស៊ើបសួរសម្រេចឃុំខ្លួនជនសង្ស័យដាក់ពន្ធនាគារ បន្ទាប់ពីតំណាងអយ្យការបានធ្វើការចោទប្រកាន់ជាផ្លូវការ លើបទល្មើសទាំង៥ នោះ ។
តែសំណុំរឿងខាងលើនេះ ត្រូវបានចៅក្រមជំនុំជម្រះលើកមកបើកសវនាការ និងផ្តន្ទាទោសតែចំនួន៣បទល្មើសទេ ចំណែក២បទល្មើសទៀត ទំនងជាត្រូវបានតុលាការឲ្យរួចផុតពីការចោទប្រកាន់ ។
សូមជម្រាបទៀតថា កាលពីរសៀលថ្ងៃទី១០ ខែកញ្ញា ឆ្នាំ២០២ ១ កន្លងទៅ កម្លាំងសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជន នៃកងរាជអាវុធហត្ថរាជធានីភ្នំពេញ បានចាប់បញ្ជូនជនសង្ស័យឈ្មោះ ឡេង ប៊ុនស្រ៊ី ទៅសាលាដំបូងរាជធានីភ្នំពេញ ពាក់ព័ន្ធនឹងបទល្មើសជាច្រើនករណីរួមមាន ៖ ហិ.ង្សាក្នុងគ្រួសារ, បង្ខាំងមនុស្សដោយចេតនា, ទុច្ចរិតក្នុងគោលដៅគំរា.មទារប្រាក់ពីប្រពន្ធ, កាន់កា.ប់អាវុធដោយគ្មានច្បាប់អនុញ្ញាត, រំលោ.ភសេពសន្ថវៈលើកូនស្រីចុង និងបទគំរា.មកំហែងថា នឹងសម្លា.ប់ ដោយយោងតាមពាក្យបណ្តឹងរបស់ជនរងគ្រោះ ។
ដោយជាប់ពាក់ព័ន្ធបទល្មើសទាំងអស់នោះហើយ បានជាចៅក្រមស៊ើបសួរសម្រេចឃុំខ្លួនជនសង្ស័យ ដាក់ពន្ធនាគារជាបណ្តោះអាសន្ន ចាប់ពីពេលនោះមក រហូតដល់ថ្ងៃកាត់ក្តី និងមានសាលក្រមផ្តន្ទាទោសលើជនជាប់ចោទកំណត់៤ឆ្នាំ ៕
ចែករំលែកព័តមាននេះ