បង្ក្រាបមុខសញ្ញាប៉ុនប៉ងរំដោះអ្នកទោស បែកធ្លាយម្នាក់ជាមន្ត្រីនគរបាល
- ភ្នំពេញ
ខេត្តបន្ទាយមានជ័យ ៖ កាលពីថ្ងៃទី១៨ ខែសីហា ឆ្នាំ២០២២ កម្លាំងសមត្ថកិច្ចនគរបាលជំនាញព្រហ្ម
ខេត្តបន្ទាយមានជ័យ ៖ កាលពីថ្ងៃទី១៨ ខែសីហា ឆ្នាំ២០២២ កម្លាំងសមត្ថកិច្ចនគរបាលជំនាញព្រហ្ម
ខេត្តបន្ទាយមានជ័យ ៖ កាលពីថ្ងៃទី១៨ ខែសីហា ឆ្នាំ២០២២ កម្លាំងសមត្ថកិច្ចនគរបាលជំនាញព្រហ្មទណ្ឌកម្រិតធ្ងន់ខេត្តបន្ទាយមានជ័យ ក្រោយទទួលបានបទបញ្ជាពីលោកឧត្តមសេនីយ៍ទោ សិទ្ធិ ឡោះ ជាស្នងការ បានសហការជាមួយនគរបាលស្រុកមង្គលបូរី ដឹកនាំដោយលោកឧត្តមសេនីយ៍ត្រី នូ ជីវ័ន្ត ស្នងការរងផែនការងារនគរបាលព្រហ្មទណ្ឌ ចុះអនុវត្តដីកាចាប់ខ្លួនលេខ ៣៤ ចុះថ្ងៃទី២៧ ខែកុម្ភៈ ឆ្នាំ២០១៤ របស់លោក អ៊ិត សម្ផស្ស ចៅក្រមជនុំជម្រះសាលាដំបូងខេត្តបន្ទាយមានជ័យ ដែលបង្គាប់ឲ្យចាប់ខ្លួនឈ្មោះ ឡាំ សុថេត ហៅ ឡាំ ឡុច ហៅលុច ភេទប្រុស អាយុ ២៧ឆ្នាំ ពីបទហិ.ង្សាដោយចេតនាមានស្ថានទម្ងន់ទោស និងជាមុខសញ្ញាធ្លាប់ប្រើប្រាស់អាវុ.ធ ស្ទាក់បា.ញ់រំដោះអ្នកទោស កាលពីថ្ងៃទី២៤ ខែធ្នូ ឆ្នាំ២០២១ កន្លងមក ។
បន្ទាប់ពីឃាត់ខ្លួន ឈ្មោះ ឡាំង សុថេត ហៅ ឡាំ ឡុច ហៅលុច និងដកហូតអាវុ.ធខ្លី១ដើម ជនសង្ស័យត្រូវបានសមត្តកិច្ចនាំទៅកាន់អធិការដ្ឋាននគរបាលស្រុកមង្គលបុរី ដើម្បីសាកសួររកបក្ខពួកបន្ត ។
នៅចំពោះមុខ ជនសង្ស័យឈ្មោះ ឡាំង សុថេត បានសារភាពថា ខ្លួន និងបក្ខពួកម្នាក់ទៀតឈ្មោះ ស៊ិន សុហេង ភេទប្រុស អាយុ២៧ឆ្នាំ រស់នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ជាអ្នកដើរចែកចាយថ្នាំញៀ.នឲ្យឈ្មោះ ប៉ក់ ជាលី ហៅ ជៀវ អាយុ៣២ឆ្នាំ មុខរបរ ជាមន្ត្រីនគរបាលនៅការិយាល័យ (ក៧) នៃនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ ដែលឈ្មោះ ប៉ក់ ជាលី ហៅ ជៀប នេះ ជាអ្នកឲ្យអាវុ.ធខ្លី១ដើមសម្រាប់ការពារខ្លួន និងដើរចែកចាយថ្នាំញៀ.នឲ្យរូបគេទៀតផង ។
បន្ទាប់ពីបានចម្លើយសារភាពពីឈ្មោះ ឡាំង សុថេត នោះហើយ និងដោយបានការឯកភាពពីឯកឧត្តម កើត សុវណ្ណរ៉េត ព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យ សមត្ថកិច្ចជំនាញបានបន្តទៅឃាត់ខ្លួនឈ្មោះ ប៉ក់ ជាលី ហៅ ជៀវ និងឆែកឆេរបន្ទប់ស្នាក់នៅប៉ុន្តែមិនបានរកឃើញភស្តុតាងអ្វីទេ ។ ក្រោយពេលឃាត់ខ្លួនជនសង្ស័យទាំង៣នាក់នោះ ហើយសមត្ថកិច្ចបានបន្តទៅឃាត់ខ្លួនមុខសញ្ញាប្រើប្រាស់ថ្នាំញៀ.ន២នាក់ទៀត ក្នុងនោះម្នាក់ឈ្មោះ នួន វីរ: ភេទប្រុស អាយុ១៧ ឆ្នាំ និងម្នាក់ទៀតឈ្មោះ តាំង ស្រីវី ភេទស្រី អាយុ១៧ ឆ្នាំ រស់នៅភូមិថ្មី សង្កាត់ផ្សាកណ្តាល ក្រុងប៉ោយប៉ែត ខេត្តបន្ទាយមានជ័យ ។
បច្ចុប្បន្ន ជនសង្ស័យ៥នាក់ រួមជាមួយអាវុ.ធខ្លី១ដើម សមត្ថកិច្ចបាន និងកំពុងកសាងសំណុំរឿងតាមនីតិវិធី ៕
ចែករំលែកព័តមាននេះ