UN ដាក់សម្ពាធមេដឹកនាំយោធាមីយ៉ាន់ម៉ាឱ្យបញ្ឈប់ការប្រហារជីវិត និងដោះលែងអ្នកទោសនយោបាយ
មីយ៉ាន់ម៉ា ៖ មន្ត្រីជាន់ខ្ពស់អង្គការសហប្រជាជាតិ បាននិយាយថាកាលពីថ្ងៃពុធ ទី ១៧ សីហា ម្សិល
មីយ៉ាន់ម៉ា ៖ មន្ត្រីជាន់ខ្ពស់អង្គការសហប្រជាជាតិ បាននិយាយថាកាលពីថ្ងៃពុធ ទី ១៧ សីហា ម្សិល
មីយ៉ាន់ម៉ា ៖ មន្ត្រីជាន់ខ្ពស់អង្គការសហប្រជាជាតិ បាននិយាយថាកាលពីថ្ងៃពុធ ទី ១៧ សីហា ម្សិលមិញនេះថា គាត់បានជំរុញមេដឹកនាំយោធាមីយ៉ាន់ម៉ា ឱ្យដោះលែងអ្នកទោសនយោបាយ និងបញ្ឈប់ការប្រហារជីវិត នៅក្នុងដំណើរទស្សនកិច្ចដ៏កម្រមួយ ដែលកើតឡើងចំពេលមានអំពើហិ.ង្សាកើនឡើងនៅក្នុងប្រទេសនេះ។
មីយ៉ាន់ម៉ាមានភាពចលាចលខ្លាំងតាំងពីយោធាបានផ្តួលរំលំរដ្ឋាភិបាលជាប់ឆ្នោតដែលដឹកនាំដោយលោកស្រី អ៊ុងសាន ស៊ូជី (Aung San Suu Kyi) កាលដើមឆ្នាំមុន និងបានបើកការបង្ក្រាបយ៉ាងឃោរឃៅលើការតវ៉ាដោយសន្តិវិធី និងចលនាតស៊ូប្រដាប់អាវុ.ធ។
លោកស្រី Noeleen Heyzer បេសកជនពិសេសរបស់អង្គការសហប្រជាជាតិបានធ្វើដំណើរដល់រដ្ឋធានី Naypyidaw កាលពីយប់ថ្ងៃអង្គារ និងត្រូវបានទទួលដោយមន្ត្រីក្រសួងការបរទេសមីយ៉ាន់ម៉ា មុនពេលលោកស្រីជួបប្រជុំជាមួយមេដឹកនាំយោធាមីយ៉ានម៉ា Min Aung Hlaing នៅថ្ងៃពុធ។
លោកស្រីបាននិយាយក្នុងសេចក្តីថ្លែងការណ៍ថា «ដំណើរទស្សនកិច្ចរបស់ខ្ញុំគឺដើម្បីបង្ហាញពីការព្រួយបារម្ភរបស់អង្គការសហប្រជាជាតិ និងស្នើឱ្យមានជំហានជាក់ស្តែងចាំបាច់ដើម្បីកាត់បន្ថយជម្លោះ និងការរងទុក្ខវេទនារបស់ប្រជាជន»។
សូមបញ្ជាក់ថា កាលពីពេលថ្មីៗនេះ មេដឹកនាំពិភពលោកជាច្រើនបានថ្កោលទោសមេដឹកនាំយោធាមីយ៉ាន់ម៉ាដោយសាររបបនេះបានប្រហារជីវិតសកម្មជនប្រជាធិបតេយ្យ ៤រូបដែលពួកគេចោទប្រកាន់ថាបានជួយដល់អំពើភេរវកម្ម។ តុលាការយោធាមីយ៉ាន់ម៉ាក៏បានកាត់ទោសអ្នកទោសនយោបាយជាច្រើនរូបផងដែរ។
ដំណើរទស្សនកិច្ចរបស់លោកស្រី កើតឡើងតែមួយថ្ងៃប៉ុណ្ណោះ បន្ទាប់ពីតុលាការកាត់់ទោសលោកស្រី អ៊ុងសាន ស៊ូជី ឱ្យជាប់គុករយៈពេល ៦ឆ្នាំបន្ថែមទៀតពីបទពុករលួយ ដែលអ្នករិះគន់និយាយថា វាជាការបង្កើតលេសដើម្បីចោទប្រកាន់លើលោកស្រី៕ (យោងតាមប្រភព៖ Reuters)
ចែករំលែកព័តមាននេះ