ខេត្តបន្ទាយមានជ័យ ៖ ក្រោយពីមានភ្លៀងធ្លាក់ជាបន្តបន្ទាប់ជាច្រើនថ្ងៃនោះ បានធ្វើឲ្យស្ថានភាពទឹកអូរព្រំដែនហក់ឡើងខ្ពស់ គួរឲ្យព្រួយបារម្ភបំផុត ។ ដើម្បីទ្រោលនឹងស្ថានការណ៍នេះ កាលពីព្រឹកថ្ងៃទី១៦ សីហា លោក…
ខេត្តបន្ទាយមានជ័យ ៖ ក្រោយពីមានភ្លៀងធ្លាក់ជាបន្តបន្ទាប់ជាច្រើនថ្ងៃនោះ បានធ្វើឲ្យស្ថានភាពទឹកអូរព្រំដែនហក់ឡើងខ្ពស់ គួរឲ្យព្រួយបារម្ភបំផុត ។ ដើម្បីទ្រោលនឹងស្ថានការណ៍នេះ កាលពីព្រឹកថ្ងៃទី១៦ សីហា លោក គាត ហ៊ុល អភិបាលក្រុងប៉ោយប៉ែត បានដឹកនាំក្រុមការងារ និងកម្លាំងនគរបាល យោធា កងរាជអាវុធហត្ថ ចុះពិនិត្យស្ថានភាពទឹកតាមបណ្តោយអូរព្រំដែនកម្ពុជា-ថៃ ក្នុងភូមិសាស្ត្រភាគខាងត្បូងផ្លូវជាតិលេខ៥ ខណៈទឹកភ្លៀងមួយភាគជាទឹកហូរធ្លាក់មកពីប្រទេសថៃ ដែលអាចប្រឈមឲ្យមានការជន់លិចលំនៅឋាន និងផលដំណាំរបស់ប្រជាពលរដ្ឋ ។
លោក គាត ហ៊ុល អភិបាលក្រុងប៉ោយប៉ែតបានថ្លែងថា ដើម្បីការពារសភាពការណ៍ទឹកជំនន់នេះ ក៏បានដឹកនាំក្រុមការងារកម្លាំងចម្រុះថ្នាក់ក្រុង ចុះត្រួតពិនិត្យស្ថានភាពទឹកតាមបណ្តោយអូរព្រំដែនក្នុងភូមិសាស្ត្រក្រុងប៉ោយប៉ែត ដែលកំពុងមានសន្ទុះកើនឡើងដោយសារភ្លៀងធ្លាក់ជាបន្តបន្ទាប់ ដើម្បីត្រៀមលក្ខណៈអន្តរាគមន៍បង្ការ និងជម្លៀសពលរដ្ឋមកកាន់ទីទួលសុវត្ថិភាពដែលបានរៀបចំរួចជាស្រេចក្នុងករណីចាំបាច់ ។
ក្នុងនាម អាជ្ញាធរក្រុង លោកសូមអំពាវនាវដល់បងប្អូនប្រជាពលរដ្ឋដែលមានលំនៅដ្ឋានតាមបណ្តោយមាត់អូរព្រំដែន សូមមានការយកចិត្តទុកដាក់និងប្រុងប្រយ័ត្នខ្ពស់លើសុវត្ថិភាព ជាពិសេសចំពោះកុមារ តូចៗ និងសត្វអសិរពិសផ្សេងៗដែលអាចបង្កគ្រោះថ្នាក់ជាយថាហេតុ។
គួររំលឹកថា នៅក្រុងប៉ោយប៉ែតមានភ្លៀងធ្លាក់០២ថ្ងៃជាប់ៗគ្នា ចាប់តាំងពីថ្ងៃទី១៥និង១៦ខែសីហាឆ្នាំ២០២២នេះ បានឃើញថា តំបន់មួយចំនួនមានការជន់លិចផ្ទះពលរដ្ឋរួមទាំងផ្លូវផងដែរ ក្នុងនោះ អាជ្ញាធរក៏មានការមមារញឹកកាយប្រឡាយរំដោះទឹកជំនន់ទឹកភ្លៀងនេះ ដើម្បីបញ្ចៀសការជន់លិចលំនៅឋាន ។
ចែករំលែកព័តមាននេះ