វ៉ូវីណាមដាក់កាលបរិច្ឆេទ សម្រាប់ការប្រកួតជើងឯកថ្នាក់ជាតិ
- ភ្នំពេញ
រាជធានីភ្នំពេញ ៖ សហព័ន្ធកីឡាវ៉ូវីណាមកម្ពុជាបានកំណត់នូវកាលបរិច្ឆេទសម្រាប់ការប្រកួត
រាជធានីភ្នំពេញ ៖ សហព័ន្ធកីឡាវ៉ូវីណាមកម្ពុជាបានកំណត់នូវកាលបរិច្ឆេទសម្រាប់ការប្រកួត
រាជធានីភ្នំពេញ ៖ សហព័ន្ធកីឡាវ៉ូវីណាមកម្ពុជាបានកំណត់នូវកាលបរិច្ឆេទសម្រាប់ការប្រកួតជើងឯកថ្នាក់ជាតិនាឆ្នាំនេះហើយ ។ តាមការគ្រោងទុកនោះ ការប្រកួតដែលគ្រោងធ្វើនៅអគារដំបូលទូកនៃសាកលវិទ្យាល័យភូមិន្ទភ្នំពេញនោះគឺមានរយៈពេល៣ថ្ងៃដោយចាប់ផ្ដើមពីថ្ងៃទី១៧ ដល់១៩ កញ្ញា ២០២២។ នេះជាការប្រកួតមួយដែលប្រើប្រាស់ថវិការបស់ក្រសួងអប់រំ យុវជន និង កីឡា ។
បើតាមការឲ្យដឹងពីលោកយ៉ាំ ថៃសាន់ ដែលជាអគ្គលេខាធិការសហព័ន្ធនោះថា ការប្រកួតមានចំនួន១៨វិញ្ញាសា ។ វិញ្ញាសាផ្នែកមេគុនឯកត្តជនពេញវ័យមាន៩ប្រភេទដោយនារីមាន៤ប្រភេទគឺឡុងហួង្វៀង ថាប់ថឺង្វៀង មេគុនដាវ និងកាំបិតធំ ។ សម្រាប់បុរសមាន៥ប្រភេទនោះគឺថាប់ថឺង្វៀង
មេគុនដាវ កាំបិតធំ ងួនមួងង្វៀន និងដំបង ។ វិញ្ញាសាមេគុនអាយុក្រោម១៦ឆ្នាំមានតែ២ប្រភេទប៉ុណ្ណោះគឺឡុងហូង្វៀង សម្រាប់នារីនិងបុរស ។
វិញ្ញាសាប្រយុទ្ធមាន៧វិញ្ញាសាដោយនារីមាន៣វិញ្ញាសាសម្រាប់ប្រភេទអាយុ១៤ឆ្នាំគឺប្រភេទទម្ងន់៥១ដល់៥៥គីឡូក្រាម ទម្ងន់៥៥ដល់៦០គីឡូក្រាម និងទម្ងន់៥១ដល់៦០គីឡូក្រាម ។ ប្រយុទ្ធបុរសមាន៤ប្រភេទទម្ងន់គឺ៥១ដល់៥៥គីឡូក្រាម ៦០ដល់៦៤គីឡូក្រាម ៦៤ដល់៦៨គីឡូក្រាម និង ៥១ដល់៦៨គីឡូក្រាម ។
សមាគម ឬក្លិបមានសិទ្ធិចុះឈ្មោះកីឡាករ កីឡាការិនីបានតែ១រូប ឬ១ក្រុមក្នុងមួយវិញ្ញាសាព្រមទាំងមានអាយុចាប់ពី១៣ដល់៣៥ឆ្នាំ ។ ជាមួយគ្នានោះក្នុងម្នាក់ចូលរួមប្រកួតបានតែ២វិញ្ញាសាហើយមួយសមាគម ឬក្លិបអនុញ្ញាតឲ្យចូលរួមប្រកួតបានតែ៨រូបប៉ុណ្ណោះ ។ មានតែវិញ្ញាសាប្រយុទ្ធតែមួយគត់ត្រូវបានកំណត់ចំណាត់ថ្នាក់លេខ១ លេខ២ និងលេខ៣ស្ទួន សម្រាប់វិញ្ញាសាដទៃទៀតគ្មានចំណាត់ថ្នាក់លេខ៣ស្ទួននោះទេ មានតែលេខ៣ម្នាក់គត់៕
ចែករំលែកព័តមាននេះ