ស៊ូ យ៉ាទី ជាអ្នកចាំទីដំបូងគេដែលឈ្នះ MOTM ក្រោយឆ្លងកាត់15សប្តាហ៍
- ភ្នំពេញ
រាជធានីភ្នំពេញ ៖ ក្នុងចំណោមការប្រកួតសរុប៦០លើកនៅលីគកំពូលកម្ពុជាCambodian Premier
រាជធានីភ្នំពេញ ៖ ក្នុងចំណោមការប្រកួតសរុប៦០លើកនៅលីគកំពូលកម្ពុជាCambodian Premier League កីឡាករទទួលបានស្លាករង្វាន់ជាកីឡាករល្អជាងគេក្នុងការប្រកួត(Man of
the Match(MOTM))សរុប៣១នាក់ ។ ក្នុងចំណោមកីឡាករទាំង៣១នាក់នោះមានតែកីឡាករ
ខ្សែប្រយុទ្ធ Marcus Haber ម្នាក់ប៉ុណ្ណោះដែលឈ្នះMOTM ច្រើនជាងគេសរុបដល់ទៅ៥លើកឯណោះ។
ចំណែកកីឡាករឈ្នះ MOTM ៤លើកមានដូចជា៖
– Lee Jae-gun របស់ក្លិបវិសាខា ឈ្នះនៅ
សប្តាហ៍ទី ២, ៦, ៨ និង ៩
– សុះ ស៊ូហាណា របស់ក្លិបណាហ្គាវើលដ៍ ឈ្នះនៅសប្តាហ៍ទី ២, ៦, ៨ និង ១០
– Gabriel Silva របស់ក្លិបអង្គរថាយហ្គឺរ ឈ្នះនៅសប្តាហ៍ទី ៣, ៧, ៩ និង ១៣
– Takumu Nishihara របស់ក្លិប Tiffy Army ឈ្នះនៅសប្តាហ៍ទី ៥, ៧, ៩ និង ១៣។
ឆ្លងកាត់១៤សប្តាហ៍មកនេះ នៅលីគកំពូលកម្ពុជា គេសង្កេតឃើញថា ភាគច្រើនខ្សែប្រយុទ្ធ ខ្សែបម្រើ និងខ្សែការពារ តែងតែឈ្នះ MOTM ។
ដោយឡែកសប្តាហ៍ទី១៥ មានតែកីឡាករ ស៊ូ យ៉ាទី ម្នាក់ប៉ុណ្ណោះដែលជាអ្នកចាំទីដំបូងគេឈ្នះ MOTM ក្រោយបិទបឹងកេតមិនឲ្យស៊ុតបញ្ចូលទីសូម្បី១គ្រាប់ ៕
ចែករំលែកព័តមាននេះ