ចិនធ្វើសមយុទ្ធថ្មី ដើម្បីប្រឆាំងនឹងវត្តមានសមាជិកសភាអាមេរិកមកដល់កោះតៃវ៉ាន់
កោះតៃវ៉ាន់ ៖ មហាយក្សចិននៅថ្ងៃចន្ទ ទី១៥ សីហានេះ បាននិយាយថាខ្លួនបានរៀបចំធ្វើសមយុទ្ធ
កោះតៃវ៉ាន់ ៖ មហាយក្សចិននៅថ្ងៃចន្ទ ទី១៥ សីហានេះ បាននិយាយថាខ្លួនបានរៀបចំធ្វើសមយុទ្ធ
កោះតៃវ៉ាន់ ៖ មហាយក្សចិននៅថ្ងៃចន្ទ ទី១៥ សីហានេះ បាននិយាយថាខ្លួនបានរៀបចំធ្វើសមយុទ្ធយោធាថ្មីនៅជុំវិញកោះតៃវ៉ាន់ ដែលទីក្រុងប៉េកាំងហៅថាជាការរារាំងប្រឆាំងនឹងវ៉ាស៊ីនតោន និងតៃប៉ិ ជុំវិញដំណើរទស្សនកិច្ចរបស់សមាជិកសភាអាមេរិកមកកាន់កោះតៃវ៉ាន់។
យោធាចិននិយាយក្នុងសេចក្តីប្រកាសថា នៅថ្ងៃទី ១៥ សីហា បញ្ជាការខាងកើតនៃកងទ័ពរំដោះប្រជាជនចិនបានរៀបចំការល្បាតត្រៀមប្រយុទ្ធរួមគ្នាពហុមុខងារ និងសមយុទ្ធប្រយុទ្ធនៅក្នុងសមុទ្រ និងដែនអាកាសជុំវិញកោះតៃវ៉ាន់។
កាលពីដើមខែសីហានេះ ចិនបានធ្វើសមយុទ្ធយោធាទ្រង់ទ្រាយធំមិនធ្លាប់មានពីមុនមកដើម្បីបង្ហាញពីកំហឹងជុំវិញដំណើរទស្សនកិច្ចរបស់ប្រធានសភាអាមេរិក លោកស្រី Nancy Pelosi ទៅកាន់តៃវ៉ាន់។
នៅថ្ងៃអាទិត្យម្សិលមិញនេះ សមាជិកសភាអាមេរិកដឹកនាំដោយសមាជិកព្រឹទ្ធសភាលោក Ed Markey បានធ្វើដំណើរមកដល់កោះតៃវ៉ាន់ និងបានជួបជាមួយប្រធានាធិបតីតៃវ៉ាន់ Tsai Ing-wen នៅព្រឹកថ្ងៃចន្ទនេះ។
សេចក្តីប្រកាសរបស់តៃវ៉ាន់និយាយថា «ជាពិសេសនៅពេលវេលាដែលចិនកំពុងបង្កើនភាពតានតឹងនៅចក្រសមុទ្ធតៃវ៉ាន់ និងក្នុងតំបន់ជាមួយនឹងការធ្វើសមយុទ្ធ ការដឹកនាំគណៈប្រតិភូមកកាន់កោះតៃវ៉ាន់លោក Markey បង្ហាញពីការគាំទ្រដ៏រឹងមាំរបស់សភាអាមេរិកចំពោះតៃវ៉ាន់»។
ស្ថានទូតចិននៅទីក្រុងវ៉ាស៊ីនតោនបាននិយាយកាលពីថ្ងៃអាទិត្យថា «សមាជិកសភាអាមេរិកគួរតែធ្វើសកម្មភាពស្របតាមគោលនយោបាយចិនតែមួយរបស់រដ្ឋាភិបាលសហរដ្ឋអាមេរិក និងបានលើកឡើងថាដំណើរទស្សនកិច្ចសភាចុងក្រោយនេះ បង្ហាញជាថ្មីម្តងទៀតថាសហរដ្ឋអាមេរិកមិនចង់ឃើញស្ថិរភាពនៅទូទាំងច្រកសមុទ្រតៃវ៉ាន់ និងជំរុញឲ្យមានការប្រឈមមុខដាក់គ្នារវាងភាគីទាំងពីរ និងជ្រៀតជ្រែកចូលកិច្ចការផ្ទៃក្នុងរបស់ប្រទេសចិន»។
អ្នកនាំពាក្យក្រុមប្រឹក្សាសន្តិសុខជាតិសេតវិមាននិយាយថា សមាជិកសភាអាមេរិកបានធ្វើដំណើរទៅកាន់កោះតៃវ៉ាន់អស់ជាច្រើនទសវត្សរ៍មកហើយ ហើយអាមេរិកនឹងបន្តធ្វើបែបនោះ និងបានលើកឡើងថា ដំណើរទស្សនកិច្ចនោះស្របតាមគោលនយោបាយចិនតែមួយរបស់អាមេរិក។
ការិយាល័យរបស់ Markey បាននិយាយថា សមាជិកសភានៅកោះតៃវ៉ាន់ «នឹងបញ្ជាក់ឡើងវិញនូវការគាំទ្ររបស់សហរដ្ឋអាមេរិកចំពោះតៃវ៉ាន់ ដែលត្រូវបានគាំទ្រដោយច្បាប់ទំនាក់ទំនងតៃវ៉ាន់ សេចក្តីថ្លែងការណ៍រួមរវាងសហរដ្ឋអាមេរិក និងចិន និងគោលនយោបាយបរទេស ៦ចំណុច និងជំរុញឲ្យមានស្ថិរភាព និងសន្តិភាពនៅទូទាំងច្រកសមុទ្រតៃវ៉ាន់»៕ (យោងតាមប្រភព៖ CNA)
ចែករំលែកព័តមាននេះ