ក្រសួងសុខាភិបាល ព្រមានដកអាជ្ញាប័ណ្ណ និងពិន័យចំពោះម្ចាស់មន្ទីរពហុព្យាបាល ម្លិះដង្កោ
រាជអធានីភ្នំពេញ ៖ ឯកឧត្តម ម៉ម ប៊ុនហេង ក្រសួងសុខាភិបាលនៃព្រះរាជាណាចក្រកម្ពុជា នៅថ្ងៃទី១៥ ខែសីហា ឆ្នាំ២០២២នេះ បានព្រមាន…
រាជអធានីភ្នំពេញ ៖ ឯកឧត្តម ម៉ម ប៊ុនហេង ក្រសួងសុខាភិបាលនៃព្រះរាជាណាចក្រកម្ពុជា នៅថ្ងៃទី១៥ ខែសីហា ឆ្នាំ២០២២នេះ បានព្រមាន ផាកពិន័យ និងណែនាំចំពោះលោកវេជ្ជបណ្ឌិត ស៊ឹម វន់ ម្ចាស់មន្ទីរពហុព្យាបាល ម្លិះដង្កោ ។
ក្រសួងសុខាភិបាល បានជម្រាបជូនលោកវេជ្ជបណ្ឌិត ស៊ឹម វន់ ម្ចាស់មន្ទីរពហុព្យាបាល ម្លិះដង្កោ ដែលមានទីតាំងស្ថិតនៅផ្ទះលេខ១៨៣ ផ្លូវលេខ២១៧ សង្កាត់ដង្កខណ្ឌដង្កោ រាជធានីភ្នំពេញ ជ្រាបថា រយៈកាលកន្លមក ក្រសួងសុខាភិបាលបានសង្កេតឃើញថា មន្ទីរពហុព្យាបាល ម្លិះដង្កោ តែងតែយករថយន្តគិលានសង្គ្រោះរបស់ខ្លួន ចេញទៅដឹកអ្នករបួសដោយគ្រោះថ្នាក់ចរាចរតាមដងផ្លូវយកមកព្យាបាលនៅកន្លែងមន្ទីរពហុព្យាបាល ម្លិះដង្កោ របស់ខ្លួនខុសច្បាប់ ដែលក្រសួងសុខាភិបាលបានហាមឃាត់ និងបានធ្វើសេចក្ដីណែនាំទៅគ្រប់គ្លីនិកឯកជនទាំងអស់ មិនអនុញ្ញាតឱ្យយករថយន្តគិលានសង្គ្រោះ[កឯកជនរបស់ខ្លួនចេញទៅដឹកអ្នករបួសដោយគ្រោះថ្នាក់ចរាចរតាមដងផ្លូវយកមកព្យាបាលនៅក្នុងគ្លីនិកឯកជនរបស់ខ្លួនជាដាច់ខាត។
ដូច្នេះ ក្រសួងសុខាភិបាល ធ្វើការព្រមាន ផាកពិន័យ និងណែនាំចំពោះលោកវេជ្ជបណ្ឌិត ស៊ឹម វន់ ដូចខាងក្រោមនេះ ៖
1.ត្រូវបញ្ឈប់ជាបន្ទាន់ ចំពោះការយករថយន្តគិលានសង្គ្រោះរបស់ខ្លួន ទៅដឹកអ្នករបួសដោយគ្រោះថ្នាក់ចរាចរតាមដងផ្លូវយកមកព្យាបាល នៅក្នុងគ្លីនិករបស់ខ្លួនចាប់ពីថ្ងៃណែនាំនេះតទៅ ។
2.ត្រូវផាកពិន័យអន្តរការជាប្រាក់ចំនួន ១០,០០០,០០០៛ (ដប់លានរៀល) ចំពោះកំហុសឆ្គងដែលមាន ។
3.ត្រូវគោរពឲ្យបានត្រឹមត្រូវទៅតាម ច្បាប់ អនុក្រឹត្យ ប្រកាស និងសារាចរណែនាំផ្សេងៗរបស់ក្រសួងសុខាភិបាល ។
4.ត្រូវគោរពទៅតាមកិច្ចសន្យារបស់ខ្លួន ចុះថ្ងៃទី១១ ខែសីហា ឆ្នាំ២០២២ ដែលបានសន្យាជាមួយក្រសួងសុខាភិបាល ។
5.ក្នុងករណីដែលលោកវេជ្ជបណ្ឌិត ស៊ឹម វន់ មិនគោរពតាមការណែនាំរបស់ក្រសួងសុខាភិបាលទេនោះ ក្រសួងនឹងមានវិធានការបិទមន្ទីរពហុព្យាបាល ម្លិះដង្កោ ដោយមិនអនុញ្ញាតឲ្យធ្វើការពិនិត្យ និងព្យាបាលអ្នកជំងឺតទៅទៀតឡើយ ។
ទទួលបាននូវការព្រមាន និងការណែនាំខាងលើនេះ សូមលោកវេជ្ជបណ្ឌិត ស៊ឹម វន់ អនុវត្តឲ្យបានល្អប្រសើរដោយស្មារតីទទួល ខុសត្រូវខ្ពស់បំផុតចាប់ពីថ្ងៃនេះតទៅ ។
សូមជម្រាបដែរថា «ឧត្តមសេនីយ៍ទោ ឈឿន ប៊ុនឆន ៖ មន្ទីរពហុព្យាបាល«ម្លិះដង្កោ»ត្រូវទទួលខុសត្រូវភាពអសីលធម៌របស់ខ្លួន» ។ និង «ឧត្តមសេនីយ៍ទោ ឈឿន ប៊ុនឆន ៖ បើម្ចាស់មន្ទីរពហុព្យាបាល ម្លិះដង្កោ ជាខ្មែរ មិនអាក្រក់ឈា.មខ្មៅបែបនេះឡើយ» ៕
ចែករំលែកព័តមាននេះ