ឃាត់ខ្លួនជនសង្ស័យ៥នាក់ពាក់ព័ន្ធករណីជួញដូរ រក្សាទុក និងប្រើប្រាស់សារធាតុញៀ.ន
- កណ្តាល
ខេត្តកណ្តាល ៖ ដោយអនុវត្តតាមការដឹកនាំបញ្ជាដ៍ខ្ពង់ខ្ពស់ របស់ឯកឧត្តម ឧត្តមសេនីយ៍ទោ ឈឿន សុខចិត្ត ស្នងការនគរបាលខេត្តកណ្តាល នៅថ្ងៃទី២៣ ខែធ្នូ…
ខេត្តកណ្តាល ៖ ដោយអនុវត្តតាមការដឹកនាំបញ្ជាដ៍ខ្ពង់ខ្ពស់ របស់ឯកឧត្តម ឧត្តមសេនីយ៍ទោ ឈឿន សុខចិត្ត ស្នងការនគរបាលខេត្តកណ្តាល នៅថ្ងៃទី២៣ ខែធ្នូ ឆ្នាំ២០២៥ វេលាម៉ោង១៣ និង៣០នាទីរសៀល កម្លាំងសមត្ថកិច្ចនៃអធិការដ្ឋាននគរបាលស្រុកលើកដែក បានធ្វើការឃាត់ខ្លួនជនសង្ស័យចំនួន៥នាក់ ពាក់ព័ន្ធករណី÷ជួញដូរ រក្សាទុក និងប្រើប្រាសដោយខុសច្បាប់នូវសារធាតុញឿននៅចំណុច ផ្ទះរបស់ឈ្មោះ សុនវ៉ុន ស្ថិតក្នុងភូមិចុងកោះ ឃុំសណ្តារ ស្រុកលេីកដែក ខេត្តកណ្តាល។
-ជនសង្ស័យទាំង៥នាក់ដែលសមត្ថកិច្ចខ្លួនមានឈ្មោះដូចខាងក្រោម:
-១-ឈ្មោះ ចន្នី ម៉េងលាប ភេទប្រុស អាយុ ២៨ ឆ្នាំ ជនជាតិខ្មែរ មុខរបរកម្មករ ស្នាក់នៅភូមិក្អមសំណ ឃុំក្អមសំណ ស្រុកលើកដែក ខេត្តកណ្តាល គ្មានសារធាតុញៀនក្នុងទឹកនោម។
-២-ឈ្មោះ បាន សារ៉ាន់ ភេទប្រុស អាយុ ២៥ឆ្នាំ ជនជាតិខ្មែរ មុខរបរជាងអគ្គីសនី ស្នាក់នៅភូមិក្អមសំណក្រោម ឃុំក្អមសំណ ស្រុកលើកដែក ខេត្តកណ្តាល មានសារធាតុញៀនក្នុងទឹកនោម។
-៣-ឈ្មោះ នី ផានុត ភេទប្រុស អាយុ ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិពាមរាំងក្រោម ឃុំពាមរាំង ស្រុកលើកដែក ខេត្តកណ្តាល មានសារធាតុញៀនក្នុងទឹកនោម។
-៤-ឈ្មោះ សុន វ៉ុន ភេទប្រុស អាយុ ៤៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិចុងកោះ ឃុំសណ្តារ ស្រុកលើកដែក ខេត្តកណ្តាល មានសារធាតុញៀនក្នុងទឹកនោម។ -៥.ឈ្មោះ ម៉ម សារ៉ន ភេទប្រុស ជនជាតិខ្មែរ មុខរបរមិនពិតប្រាកដ មានទីលំនៅ ភូមិអន្លង់សាន សង្កាត់ព្រែកស្តី ក្រុងសំពៅពូន ខេត្តកណ្តាល គ្មានសារធាតុញៀនក្នុងទឹកនោម។
វត្ថុតាងចាប់យក ៖
១-ទូរស័ព្ទដៃចំនួន០៧គ្រឿង (ម៉ាក OPPO ០២គ្រឿង; ម៉ាក iphone ០៣គ្រឿង ;ម៉ាក SAMSUNG ០១គ្រឿង និងម៉ាក realme ០១គ្រឿង )។
២.ម៉ូតូចំនួន០៣គ្រឿង
-ម៉ាក Mslas ពណ៌ខ្មៅ ពាក់ស្លាកលេខ សៀមរាប 1AF6396
-ម៉ាក Dreamសង់ ស៊េរីឆ្នាំ២០១២ ពណ៌ខ្មៅពាក់ស្លាកលេខ ភ្នំពេញ 1BE6585
-ម៉ាកDreamសង់ស៊េរីឆ្នាំ២០១៦ ពណ៌ខ្មៅ ពាក់ស្លាកលេខកណ្តាល 1I 0606 ០១គ្រឿង ។
៣-ថ្នាំញៀនប្រភេទមេតំហ្វេតាមីន(ice)ចំនួន១៦កញ្ចប់ (តូច១១កញ្ចប់;មធ្យម០៥កញ្ចប់)ស្មើនឹង ៤៩,០២ក្រាម ។
៤-ជញ្ជីងសម្រាប់ថ្លឹងថ្នាំញៀនចំនួន០២គ្រឿង។
៥-ឧបករណ៍សម្រាប់ប្រើប្រាស់និងវិចខ្ចប់ថ្នាំញៀនញៀនមួយចំនួនទៀត ។
បច្ចុប្បន្នជនសង្ស័យទាំង៥នាក់និងវត្ថុតាងត្រូវបានឃាត់ខ្លួន និងរក្សាទុកនៅអធិការដ្ឋាននគរបាលស្រុកលើកដែកដើម្បីបំពេញឯកសារតាមនីតិវិធីច្បាប់ ៕
ចែករំលែកព័តមាននេះ