អាមេរិក ៖ ប្រភពពី Metro បានឱ្យដឹងថា បុរសម្នាក់ដែលបានរំលោភក្មេងស្រីអាយុ១០ឆ្នាំម្នាក់ រហូតមានផ្ទៃពោះ ត្រូវបានតុលាការកាត់ទោសឱ្យជាប់ពន្ធនាគារអស់មួយជីវិត ។
ជនឈ្មោះ Rony Otoniel Mendez អាយុ២៦ឆ្នាំ ត្រូវបានកាត់ទោសកាលពីសប្តាហ៍មុន ក្រោយពីបានរកឃើញថា មានទោសបំពានផ្លូវភេទទៅលើក្មេងអាយុក្រោម១២ឆ្នាំ ។ បុរសរូបនោះ ក៏ត្រូវបានរកឃើញថា មានទោសប្រព្រឹត្តសកម្មភាពសំរើប និងប៉ះពាល់លើរាងកាយផ្លូវភេទរបស់កុមារផងដែរ។
គេបានឲ្យដឹងថា កាលពីខែតុលាឆ្នាំ២០១៣ Mendez បានរំលោភក្មេងស្រីនោះ ជាលើកដំបូង ។ នៅខែវិច្ឆិកាឆ្នាំ២០១៤ គេក៏បានរំលោភម្តងទៀត បណ្តាលឲ្យនាងមានផ្ទៃពោះហើយឆ្លងទន្លេនៅខែឧសភាឆ្នាំបន្ទាប់។ ការធ្វើតេស្ត DNA បានបញ្ជាក់ថាកូនមួយនោះ ពិតជាកូនរបស់ Mendez ពិតប្រាកដមែន។
បន្ទាប់ពីដឹងថា មានគេប្តឹងប៉ូលីស Mendez បានហោះភៀសខ្លួនទៅប្រទេសកំណើតរបស់គេវិញ នៅហ្គាតេម៉ាឡា។ ប៉ុន្តែក្រោយមក Mendez ក៏ត្រូវបានបញ្ជូនមកអាមេរិកវិញ ដើម្បីទទួលការកាត់ទោសតាមផ្លូវច្បាប់ កាលពីរដូវក្តៅកន្លងមកនេះ។
ក្នុងការកាត់ទោសសាកសួរ Mendez បានរៀបរាប់ថា រូបគេបានរំលោភក្មេងស្រីអាយុ១០ឆ្នាំនោះ នៅក្នុងបន្ទប់របស់ម្តាយនាង។ មុនពេលរំលោភ គេបានចាក់សោរ ហើយគម្រាមក្មេងស្រីនោះកុំឲ្យស្រែកប្រាប់ម្តាយ បើមិនដូច្នោះទេ ទាំងរូបគេនិងក្មេងស្រីប្រាកដជាមានរឿង ៕
ចែករំលែកព័តមាននេះ