«ស៊ីនហួ» កាលពីពេល ថ្មីៗកន្លងមកផ្សាយថា ប្រទេសចិនប្រទះឃើញបដិមាព្រះពុទ្ធបុរាណនៅកណ្តាលទឹក ហើយសន្និដ្ឋានថា បង្កើតឡើងនៅក្នុងសម័យរាជវង្សមីង ។ កាលពីចុងឆ្នាំ២០១៦ អាជ្ញាធរចិនបានកែលម្អទ្វារទឹកវារីអគ្គិសនីនៅភាគខាងកើតប្រទេស បណ្តាលឱ្យកម្ពស់ទឹកក្នុងអាងស្តុកទឹកថយចុះប្រហែល១០ម៉ែត្រ ហើយស្រាប់តែប្រទះឃើញព្រះកេសព្រះពុទ្ធបដិមាបុរាណផុសឡើង ។
កាលពីពេល ថ្មីៗកន្លងមកក្រុមអ្នកបុរាណវិទ្យាបានធ្វើដំណើរទៅស្រាវជ្រាវនៅបរិវេណនោះហើយបញ្ជាក់ថា បើពិចារណាលើព្រះកេសគឺព្រះពុទ្ធបដិមាមួយអង្គនេះបានឆ្លាក់ក្នុងរាជវង្សមីងក្នុងអំឡុងពីឆ្នាំ១៣៦៨ដល់១៦៤៤ ។
ក្រៅពីនេះក្រុមអ្នកស្រាវជ្រាវប្រទះឃើញរូបភាពឆ្លាក់ជា៤ជ្រុងនៅបរិវេណនោះអាចសន្និដ្ឋានថាទីកន្លែងនោះធ្លាប់ជាវត្ថុកាលពីអតីតកាលនិងបច្ចុប្បន្នកំពុងស្រាវជ្រាវបរិវេណនៅជុំវិញបន្តទៀត ៕
ចែករំលែកព័តមាននេះ