ADផ្ទាំងផ្សព្វផ្សាយពាណិជ្ជកម្ម

Picture

ជំនន់​ទឹកភ្លៀង បង្ក​ផល​ប៉ះពាល់​ដល់​រមណីយ​ដ្ឋាន​​​និងដំណាំនៅ​ក្រុងប៉ៃលិន​

1 ខែ មុន
  • ប៉ៃលិន

ខេត្ត​ប៉ៃលិន ៖ ក្រោយ​ពី​មេឃ​បង្អុរ​ភ្លៀង​អស់​រយ​:​ពេល​ជា​ច្រើន​ម៉ោង កាលពី​រសៀល​ថ្ងៃ​ទី​១១ ខែសីហា ឆ្នាំ​២០២២​ កន្លង​ទៅ បាន​ហូរ​ធ្លាក់​ចុះ​ពីលើ​ភ្នំ បង្ក​ជា​ជំនន់​ទឹកភ្លៀងហក់​ឡើង​ខ្ពស់​នៅ​តាម​ស្ទឹង បណ្តាល​ឱ្យ​ទាញ​នាំ​យក​ខ្យុ​ស​តាម​រមណីយដ្ឋាន​ក្នុង​ក្រុងប៉ៃលិន​…

ខេត្ត​ប៉ៃលិន ៖ ក្រោយ​ពី​មេឃ​បង្អុរ​ភ្លៀង​អស់​រយ​:​ពេល​ជា​ច្រើន​ម៉ោង កាលពី​រសៀល​ថ្ងៃ​ទី​១១ ខែសីហា ឆ្នាំ​២០២២​ កន្លង​ទៅ បាន​ហូរ​ធ្លាក់​ចុះ​ពីលើ​ភ្នំ បង្ក​ជា​ជំនន់​ទឹកភ្លៀងហក់​ឡើង​ខ្ពស់​នៅ​តាម​ស្ទឹង បណ្តាល​ឱ្យ​ទាញ​នាំ​យក​ខ្យុ​ស​តាម​រមណីយដ្ឋាន​ក្នុង​ក្រុងប៉ៃលិន​ អស់​ប្រមាណ​ជាង​៣០​ខ្នង និង​ហូរ​ធ្លាក់​ចុះ​ទៅ​ក្រោម ជន់​លិច​ដំណាំ​ដាំ​ដុះ និង​រោង​សត្វ​ចិញ្ចឹម​របស់​ប្រជាពលរដ្ឋ​នៅ​ស្រុក​សាលា​ក្រៅ​ ។ ហើយរហូត​ដល់​ថ្ងៃ​ទី​១២ ខែសីហា​នេះ ខាង​អាជ្ញាធរ​ខេត្ត​ក៏​ដូច​ជា​មន្ទីរ​កសិកម្ម​ខេត្ត​ប៉ៃលិន ចុះ​ពិនិត្យ​មើល​តែ​ម្តង ​។

Picture

សូម​បញ្ជាក់​ថា កាលពី​យប់​ថ្ងៃ​ដដែល អាជ្ញាធរ​ខេត្ត​ប៉ៃលិន លោក​ជំទាវ បាន ស្រី​មុំ បាន​ប្រកាស​ឱ្យ​ប្រជាពលរដ្ឋ រស់នៅ​តាម​បណ្តោយ​ដងស្ទឹង ត្រូវ​មានការ​ប្រុង​ប្រយ័ត្ន​ខ្ពស់ ដោយ​ចាត់​ត្រៀម​កង​កម្លាំង​សមត្ថកិច្ច ឱ្យ​ចុះ​ទៅ​ឈរជើង​តាម​គោលដៅ​នីមួយ​ៗ ក្រែង​លិចលង់​ផ្ទះសម្បែង​ប្រជាពលរដ្ឋ អាច​នឹង​ជួយ​សង្គ្រោះ​ទាន់​ពេលវេលា​។

Picture

ប្រភព​ព័ត៌មាន​បានឱ្យ​ដឹង​ថា នៅ​ព្រឹក​ថ្ងៃ​ទី​១២ ខែសីហា ឆ្នាំ​២០២២​នេះ លោក សាយ សុ​ផាត ប្រធាន​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្ត​ប៉ៃលិន បាន​ដឹកនាំ​មន្ត្រី​ក្រោម​ឱវាទ ចុះ​ទៅ​វាយតម្លៃ​បឋម​អំពី​ផល​ប៉ះពាល់ និង​ខូចខាត​ផលដំណាំ​របស់​ប្រជា​កសិករ ដោយសារ​ជំនន់​ទឹកភ្លៀង នៅ​ស្រុក​សាលា​ក្រៅ ក្នុង​នោះ​មាន ទី​១. ភូមិ​ភ្នំ​កុយ ឃុំ​សាលា​ក្រៅ ស្រុក​សាលា​ក្រៅ ដំណាំ​ពោតក្រហម ប៉ះពាល់​៩​ហិ​កតា ដំឡូង​មី​ប៉ះពាល់​១០​ហិ​កតា បន្លែ​ប៉ះពាល់​១​ហិតា ស្រូវ​វស្សា​ប៉ះពាល់​៩​ហិ​កតា ទី​២. ភូមិ​ផ្ទះស្បូវ ឃុំ​ស្ទឹង​ត្រង់ ដំណាំ​ពោតក្រហម ប៉ះពាល់​១០​ហិ​កតា ដំឡូង​មី ប៉ះពាល់​១០​ហិ​កតា ទី​៣. ភូមិ​ទំនប់ ឃុំ​ស្ទឹង​ត្រង់ ពោតក្រហម ខូច​ទាំងស្រុង​១០.៥ ហិ​កតា ដំឡូង​មី​ខូច​ទាំងស្រុង​២​ហិ​កតា បន្លែ​ខូច​ទាំងស្រុង​០.៥​ហិ​កតា​។

Picture

ប្រភព​បន្ត​ទៀត​ថា សរុប​រួមការ​រង​ផល​ប៉ះពាល់​ចំនួន​៤៩​ហិ​កតា ហើយ​ខូចខាត​ទាំងស្រុង អស់​ចំនួន​១៣​ហិ​កតា​។ ទោះបីជា​យ៉ាងណា​ក៏​ដោយ ក្រោម​ការ​ចង្អុលបង្ហាញ​ពី​លោក​ជំទាវ បាន ស្រី​មុំ អភិបាលខេត្ត​ប៉ៃ លិ​ន ខាង​មន្ទីរ​កសិកម្ម​ខេត្ត ក៏​បាន​ចុះ​ទៅ​រៀបចំ​លាង​សម្អាត​ទ្រុង​ជ្រូក បាញ់ថ្នាំ​សម្លាប់​មេរោគ និង​ពិនិត្យ​មើល​សុខភាព​សត្វ​ជ្រូក ជូន​កសិករ​ម្នាក់ ឈ្មោះ ហូ សំ​អុល ដែល​ចិញ្ចឹម​ជ្រូក​សរុប​ប្រមាណ​៦១​ក្បាល ខណ​:​ទទួល​រង​ផល​ប៉ះពាល់​ដោយ​ជំនន់​ទឹកភ្លៀង​លិច​ទ្រុង ស្ថិត​នៅ​ភូមិ​ទំនប់ ឃុំ​ស្ទឹង​ត្រង់ ស្រុក​សាលា​ក្រៅ ខេត្ត​ប៉ៃលិន ​៕ ​

Picture
Picture
Picture
Picture
Picture
Picture
Picture
Picture
Picture
Picture