ការសិក្សាស្រាវជ្រាវថ្មីមួយបានអះអាងថា ការរួមភេទនៅពេលព្រឹកអាចមានប្រយោជន៍យ៉ាងខ្លាំងដល់សុខភាពរបស់លោកអ្នក ដូច្នេះវាជាការសំខាន់ដែលលោកអ្នកគួរតែសាកល្បង! សូមក្រឡេកមើលអត្ថប្រយោជន៍មួយចំនួននៃការរួមភេទពេលព្រឹក ដូចខាងក្រោមនេះ ៖
១-បង្កើនចំណង់ផ្លូវភេទ
ដោយសារពេលព្រឹកលោកអ្នកមានអារម្មណ៍ស្រស់ថ្លា និងមានថាមពល ដូច្នេះបទពិសោធន៍ផ្លូវភេទរបស់លោកអ្នកនឹងកើនឡើង ហើយនឹងមានលំហូរឈាមល្អទៅកាន់ប្រដាប់ភេទរបស់លោកអ្នក ជាលទ្ធផលវានឹងបង្កើនចំណង់ផ្លូវភេទរបស់លោកអ្នក ។
២-ធ្វើឲ្យស្បែកស្អាត
ដោយសារតែមានការកើនឡើងនៃការផលិតអ័រម៉ូនអឺស្ត្រូសែននៅពេលដែលលោកអ្នកមានការរួមភេទនៅពេលព្រឹក ។ ចំពោះស្ត្រីជាពិសេសនឹងកត់សម្គាល់ឃើញថា ស្បែករបស់ពួកគេមានភាពទន់រលោង និងស្រស់ស្អាតជាងមុន ។
៣-បង្ការជំងឺគាំងបេះដូង
ការរួមភេទពេលព្រឹក អាចបន្ថយសម្ពាធឈាមរបស់លោកអ្នកបានយ៉ាងច្រើន ហើយនៅពេលដែលសម្ពាធឈាមរបស់លោកអ្នកនៅក្នុងកម្រិតធម្មតា ហានិភ័យនៃការកើតជំងឺគាំងបេះដូងនឹងថយចុះ ។
៤-ទប់ស្កាត់ជំងឺដាច់សរសៃឈាមខួរក្បាល
ការរួមភេទពេលព្រឹកជួយបន្ថយសម្ពាធឈាមរបស់លោកអ្នក ហើយក៏ជួយក្នុងការពង្រីកសរសៃឈាមរបស់លោកអ្នកផងដែរ ។ ការបង្កើតកំណកឈាមនឹងត្រូវបានរារាំង ដូច្នេះវាអាចកាត់បន្ថយហានិភ័យនៃការកើតជំងឺដាច់សរសៃឈាមខួរក្បាល ។
៥-ពង្រឹងប្រព័ន្ធការពាររាងកាយ
ការរួមភេទនៅពេលព្រឹកជួយជំរុញការផលិតអីុមមុយនូគ្លូប៊ុយលីន អា ដែលអាចពង្រឹងប្រព័ន្ធការពាររាងកាយរបស់លោកអ្នក និងជួយឱ្យរាងកាយរបស់លោកអ្នក ប្រយុទ្ធប្រឆាំងនឹងជំងឺផ្សេងៗយ៉ាងមានប្រសិទ្ធភាព ៕
ចែករំលែកព័តមាននេះ