៤ក្រុមកក់កៅអីរួចរាល់ទៅវគ្គ៨ក្រុមពានរង្វាន់សម្ដេចតេជោ ហ៊ុន សែន ថ្នាក់ជាតិ
- ភ្នំពេញ
រាជធានីភ្នំពេញ ៖ ការប្រកួតបាល់ទាត់ពានរង្វាន់សម្ដេចតេជោ ហ៊ុន សែន លើកទី១៦ ឆ្នាំ២០២២
រាជធានីភ្នំពេញ ៖ ការប្រកួតបាល់ទាត់ពានរង្វាន់សម្ដេចតេជោ ហ៊ុន សែន លើកទី១៦ ឆ្នាំ២០២២
រាជធានីភ្នំពេញ ៖ ការប្រកួតបាល់ទាត់ពានរង្វាន់សម្ដេចតេជោ ហ៊ុន សែន លើកទី១៦ ឆ្នាំ២០២២ ដែលបានចាប់ផ្ដើមដំណើរការតាំងពីថ្ងៃទី២០ កក្កដា រហូតមកដល់ពេលនេះ គេបានរកឃើញ៤ក្រុមមានក្រុមព្រះខ័នរាជស្វាយរៀង, បឹងកេត, ណាហ្គាវើលដ៍ និងវិសាខា កក់កៅអីទៅកាន់វគ្គ៨ក្រុមចុងក្រោយហើយ។
ជាក់ស្ដែង ក្រោយឈ្នះ០ទល់នឹង១ ក្នុងជើងទី១ ព្រះខ័នរាជស្វាយរៀងបានបន្តឈ្នះសូលទីឡូអង្គរ ៤ទល់នឹង០បន្តទៀតក្នុងជើងទី២ ។ បឹងកេតឈ្នះអាយអេសដង្កោសែនជ័យសរុបទាំង២ជើង ៥ទល់នឹង២, ណាហ្គាវើលដ៍ ទម្លាក់អាស៊ីអឺរ៉ុបយូណាយធីត ៤ទល់នឹង០ សរុបទាំង២ជើង និងវិសាខា បានឈ្នះសៀមរាបអេហ្វស៊ី ៤ទល់នឹង២ ក្នុងជើងទី២ ក្រោយឈ្នះជើងទី១ ដោយលទ្ធផល៦ទល់នឹង០។
ការប្រកួត៤គូទៀតនឹងធ្វើឡើងនៅថ្ងៃទី១៧ ខែសីហា សប្ដាហ៍ក្រោយ។ ក្នុងនោះភ្នំពេញក្រោន
ត្រូវបន្តប៉ះព្រៃវែងអេហ្វស៊ី, នគរបាលជាតិ ជួបកងយោធពលខេមរភូមិន្ទ, អគ្គិសនីកម្ពុជាប៉ះគិរីវង់សុខសែនជ័យ និងអង្គរថាយហ្គឺរ ត្រូវជួបកោះកុងអេហ្វស៊ី ។
គួរឱ្យដឹងដែរថា ការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ បានចាប់ផ្ដើមពីថ្ងៃទី២០ ខែកក្កដា ដោយមាន១៦ក្រុមចូលរួម ។ ក្នុងនោះក្រុមចំនួន៨ពីក្របខណ្ឌ Cambodian Premier League បូករួមទាំងក្រុមចំនួន៨ ទៀតឡើងពីវគ្គជម្រុះថ្នាក់ជាតិ ៕
ចែករំលែកព័តមាននេះ