ខេត្តកំពត ៖ លោកសេងសេរី បុត្រ អភិបាលរងខេត្តកំពត នាមដឹកនាំកំលាំងរួមមានលោកនាក់សុវណ្ណារី អភិបាលស្រុកទឹកឈូ, លោកដាញ់ សារី ប្រធានមន្ទីររៀបចំដែនដីខេត្ត…
ខេត្តកំពត ៖ លោកសេងសេរី បុត្រ អភិបាលរងខេត្តកំពត នាមដឹកនាំកំលាំងរួមមានលោកនាក់
សុវណ្ណារី អភិបាលស្រុកទឹកឈូ, លោកដាញ់ សារី ប្រធានមន្ទីររៀបចំដែនដីខេត្ត ក្នុងនោះ មាន
កំលាំងកងរាជអាវុធហត្ថ និងកងនគរបាល កាលពីរសៀលថ្ងៃទី១០ សីហា បានចុះមកពិនិត្យសំណង់មួយចំនួនមិនទាន់បានរុះរើតាមការកំណត់របស់រដ្ឋបាលខេត្តកំពត ដែលត្រូវចាប់រុះរើចប់ត្រឹមថ្ងៃទី០៣ សីហា ឆាំ្ន២០២២ ជាថ្ងៃកំណត់ ។
ការអនុវត្តជាក់ស្ដែងអោយរុះរើសំណង់ក្រាក់ៗ នៅតាមបណ្ដោយព្រែកចាប់ពីទីស្នាក់ការកងទ័ពជើងទឹក ប្រចាំការទិសកំពត-កែប ស្ថិតក្នុងភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត។ដោយសាតែសំណង់ខ្លះមិនទាន់រុះរើ និងរបងខ្លះមិនទាន់ត្រូវបានរុះរើដោយម្ចាស់ខ្លួនឯង។
លោកសេង សេរីបុត្រ អភិបាលរងខេត្ត ដឹកនាំកំលាំងផ្ទាល់បានបញ្ជាអោយម្ចាស់រុះសំណង់ និងរបងម្ដងទៀត ។ លោកសេង សេរីបុត្រ អភិបាលរងខេត្តកំពត បានប្រាប់ទៅលោកដាញ់ សារី និងមន្ត្រីជំនាញរបស់ខ្លួន ធ្វើការវាស់វែងទីស្នាក់ការរបស់កងទ័ពជើងទឹកប្រចាំការទិសខេត្តកំពត និងខេត្តកែបអោយបានច្បាស់លាស់ ព្រោះមិនអាចដើរតែចង្អុលបានទេ ព្រោះទីស្នាក់ការនេះធ្វើនៅជាប់មាត់ព្រែក ។
លោកនាក់ សុវណ្ណារី អភិបាលស្រុកទឹកឈូបាននិយាយប្រាប់អោយដឹងផងដែរថា ការជូនដំណឹងរបស់រដ្ឋបាលស្រុកទឹកឈូជាច្រើនដង ឱ្យម្ចាស់សំណង់រំលោភយកដីចំណីព្រែក ឬជារបស់រដ្ឋអោយរុះរើដោយខ្លួនឯង ប៉ុន្តែម្ចាស់សំណង់មិនព្រមធ្វើតាមការជូនដំណឺងរបស់រដ្ឋស្រុកទេ។
លោកនាក់ សុវណ្ណារី អភិបាលស្រុកទឹកឈូនិយាយថា ការរុះរើសំណង់រឹងគ្មានច្បាប់ ចាប់ពីទីស្នាក់ការកងទ័ពជើងទឹកនេះ រហូតដល់ស្ពានថ្មកំពង់ទ្រៀក ជាប់ព្រំប្រទល់ដី សង្កាត់កំពង់កណ្ដាល ក្រុងកំពត មានប្រវែង១ពាន់៩ម៉ែត្រ។
លោកនាក់ សុវណ្ណារី បញ្ជាក់អោយដឹងថា បន្ទាប់ពីរុះរើហើយ ដីតាមបណ្ដាយព្រែកនេះ រដ្ឋបាលខេត្តធ្វើជាសួនច្បារសាធារណៈវិញ ។
ចែករំលែកព័តមាននេះ