ខេត្តព្រះសីហនុ ៖ ករណីផ្ទុះអាវុធ បណ្តាលឲ្យជនជាតិចិនម្នាក់បាត់បង់ជីវិត នៅនឹងកន្លែងកើតហេតុ និងម្នាក់រងរបួស កាលពីវេលាម៉ោង១២និង៥០ នាទីយប់ ឈានចូលថ្ងៃទី៩ ខែសីហា…
ខេត្តព្រះសីហនុ ៖ ករណីផ្ទុះអាវុធ បណ្តាលឲ្យជនជាតិចិនម្នាក់បាត់បង់ជីវិត នៅនឹងកន្លែងកើតហេតុ និងម្នាក់រងរបួស កាលពីវេលាម៉ោង១២និង៥០ នាទីយប់ ឈានចូលថ្ងៃទី៩ ខែសីហា ឆ្នាំ២០២២ នៅចំណុចមុខសណ្ឋាគារ ៥២០ ស្ថិតក្នុងភូមិ៦ សង្កាត់៤ ក្រុង.ខេត្តព្រះសីហនុ ដែលបង្កឡើងដោយមនុស្ស មួយក្រុមមានគ្នា ៦នាក់ មានខ្មែរម្នាក់ ជាអ្នកបើកបររថយន្ត និងចិន ៥នាក់ ដែលបេសកកម្មនោះ ត្រូវបានបញ្ចប់ ទីបំផុតចិន ៤នាក់ បានបាត់បង់ជីវិត ។
បេសកកម្មបំបែកសំណុំរឿងចិនបាញ់សម្លា.ប់ចិនខាងលើនេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ មានប្រសាសន៍ថា តាមការបំភ្លឺពីសាក្សី នៅកន្លែងកើតហេតុឲ្យដឹងថា នៅវេលាម៉ោងខាងលើ គេបានឃើញជនជាតិចិនមួយក្រុម (ជនរងគ្រោះ និងជនសង្ស័យ) ជិះរថយន្ត១គ្រឿងជាមួយគ្នា មិនដឹងជាមកពីផឹកស៊ី នៅកន្លែងណាទេ លុះមកដល់ចំណុចខាងលើ ក៏បង្កជម្លោះជាមួយគ្នា ដោយជនសង្ស័យទាំង៣ បានធ្វើសកម្មភាព យកអាវុធខ្លី និងកាំបិត គំរាមជនរងគ្រោះទាំង៣នាក់ ។ ឃើញដូច្នេះ អ្នកបើកបររថយន្ត(ខ្មែរ) បានរត់ចេញក្រៅ ហើយស្រែកឲ្យគេជួយ ស្រាប់តែជនសង្ស័យ ៣នាក់ ដែលជិះខាងក្រោយ ចាប់គ្រៀកជនរងគ្រោះម្នាក់ (ចិន) កើតការវាយប្រតាយប្រតប់គ្នា បណ្តាលជនរងគ្រោះ ត្រូវជនសង្ស័យចាក់១កាំបិត ត្រូវពោះ ហើយបានរុញទ្វារថយន្ត ស្ទុះលោតចេញក្រៅ តែត្រូវជនសង្ស័យបាញ់១ គ្រាប់ចំក្បាលស្លា.ប់ក្បែរកង់រថយន្ត ។ ចំណែកជនរងគ្រោះម្នាក់ទៀត(ចិន) ដែលជិះខាងមុខ ត្រូវបានក្រុមជនសង្ស័យ ៣នាក់ចាប់ខ្លួនយកទៅ រួមជាមួយរថយន្តរបស់ជនរងគ្រោះ ជាមធ្យោបាយរត់គេចខ្លួនបាត់ផងដែរ ។
លោកស្នងការ បន្តថា ដោយមានការចង្អុលបង្ហាញពីនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោក គួច ចំរើន អភិបាល គណៈភិបាលខេត្តព្រះសីហនុ ក្រោមការសម្របសម្រួលពីលោក សៀង សុខ ព្រះរាជអាជ្ញាអមសាលាដំបូងខេត្ត កម្លាំងជំនាញ នៃស្នងការដ្ឋាននគរបាលខេត្ត សហការជាមួយអធិការដ្ឋាននគរបាលក្រុងព្រះសីហនុ និងនគរបាលស្រុកព្រៃនប់ បានបើកការស៊ើបអង្កត និងស្រាវជ្រាវ ជាបន្ទាន់ ទើបឈានដល់ការបង្ក្រាបលើករណីនេះ ដែលភ្លាមនោះ កម្លាំងល្បាតដោយរថយន្ត នៃកងអន្តរាគមន៍ពិសេសរបស់ស្នងការដ្ឋាននគរបាលខេត្តព្រះសីហនុ កំពុងជិះល្បាតនៅក្បែរនោះ បានទទួលព័ត៌មាន ក៏ជិះដេញតាមប្រកិតរថយន្តជនសង្ស័យ ដែលបើករត់គេចខ្លួន ហើយជនសង្ស័យបានធ្វើការបាញ់ ប្រហារមកលើសមត្ថកិច្ច ទើបសមត្តកិច្ចមានការបាញ់តបតគ្នាទៅវិញទៅមកជាច្រើនគ្រាប់ ។ តែទោះជាយ៉ាងណាក្តី កម្លាំងសមត្ថកិច្ច នៅតែបន្តការដេញតាម ដោយមិនអនុញ្ញាតិឲ្យជនល្មើសរត់គេចខ្លួនផុតពីសំណាញ់ច្បាប់បានឡើយ ។
ពេលនោះ ក្នុងនាមរូបលោកជាស្នងការននគរបាលខេត្ត មានតួនាទីការពារប្រជាពលរដ្ឋ រក្សាសន្តិសុខ សុវត្តិភាព សង្គម ក្នុងខេត្តទាំងមូល និងមានជំនាញព្រហ្មទណ្ឌស្រាប់ លោកបានបញ្ជា និងបន្ថែមកម្លាំងជំនាញពីស្នងការដ្ឋាននគរបាលខេត្ត សហការជាមួយកម្លាំងអធិការដ្ឋាននគរបាលក្រុងព្រះសីហនុ និងអធិការដ្ឋាននគរបាលស្រុកព្រៃនប់ ចេញតាមជនសង្ស័យ រហូតដល់ចំណុចចន្លោះបង្គោលគីឡូម៉ែត្រលេខ ១៨៧-១៨៨ ស្ថិតក្នុង ភូមិអណ្តូងថ្ម ឃុំអណ្តូងថ្ម ស្រុកព្រៃនប់ ទើបរថយន្តរបស់ជនសង្ស័យ ដែលបើកបរក្នុងល្បឿនលឿន បានបើករេចង្កូតធ្លាក់ផ្លូវ ទៅបុកបង្គោលភ្លើងថ្ម ដែលខណៈនោះ កម្លាំងសមត្ថកិច្ចបានចូលទៅឡោមព័ទ្ធរថយន្តបង្ក ធ្វើឲ្យមានការផ្ទុះអាវុធជាច្រើនគ្រាប់ តែសមត្តកិច្ចបានរំដោះជនរងគ្រោះម្នាក់ ជាជនជាតិចិន ដោយគាត់បានលូនចេញពីក្នុងរថយន្តមកក្រាប នៅក្បែរនោះទាំងដៃមានជាប់ខ្នោះ ។
ស្របពេលមានការបាញ់តដៃគ្នា រវាងសមត្តកិច្ច និងជនសង្ស័យ បណ្តាលឲ្យរថយន្តជនសង្ស័យបើកទៅបុកបង្គោលភ្លើង ពេលនោះជនសង្ស័យ ២នាក់បានស្លា.ប់នៅកន្លែងកើតហេតុ និងម្នាក់រងរបួសធ្ងន់ ហើយជនរងគ្រោះម្នាក់ ក៏របួសធ្ងន់ធ្ងរដែរ ទើបសមត្ថកិច្ចបញ្ជូនជនសង្ស័យ និងជនរងគ្រោះទៅសង្គ្រោះនៅមន្ទីរពេទ្យបង្អែកខេត្តព្រះសីហនុ ប៉ុន្តែដោយ សាររបួសធ្ងន់ធ្ងរពេក ជនសង្ស័យម្នាក់នោះ ក៏បានស្លាប់នៅពេលបញ្ជូនដល់មន្ទីរពេទ្យ ។
សរុបមកវិញ បេសកកម្មបំបែកសំណុំរឿងចិនបាញ់សម្លា.ប់ចិន នៅក្រុងព្រះសីហនុនេះ ជាលទ្ធផល ៖
សមត្ថកិច្ច បានចាប់យកវត្ថុតាង រួមមាន ៖
ទោះជាយ៉ាងណា រឿងហេតុនាំឲ្យមានអំពើបាញ់ប្រហារខាងលើនេះ កម្លាំងជំនាញ នៃនគរបាលព្រហ្មទណ្ឌ កំពុងបន្តការស្រាវជ្រាវជាបន្ត ៕
ចែករំលែកព័តមាននេះ