ADផ្ទាំងផ្សព្វផ្សាយពាណិជ្ជកម្ម

Picture

បញ្ឈប់ខេត្តកំពងធំ សៀមរាប ព្រះវិហារ យកកម្រៃនាំចេញ នាំចូលសាច់ និងផលិតផលសាច់គោ ក្របី និងជ្រូក

1 ឆ្នាំ មុន

សមត្ថកិច្ច​បានឱ្យ​ខេត្ត​ចំនួន​៣ មាន​ខេត្តសៀមរាប ព្រះ​វិហារ និង​កំពង់ធំ បញ្ឈប់​ការ​ធ្វើ​អាជីវកម្ម​យក​កម្រៃ​សេវា​នាំ​សត្វ និង​ផលិតផល​មាន​ដើម​កំណើត​ពី​សត្វចតុបាទ​មាន​ដូច​ជា គោ ក្របី និង​ជ្រូក ពេល​ដឹក​ជញ្ជូន​ឆ្លងកាត់…

សមត្ថកិច្ច​បានឱ្យ​ខេត្ត​ចំនួន​៣ មាន​ខេត្តសៀមរាប ព្រះ​វិហារ និង​កំពង់ធំ បញ្ឈប់​ការ​ធ្វើ​អាជីវកម្ម​យក​កម្រៃ​សេវា​នាំ​សត្វ និង​ផលិតផល​មាន​ដើម​កំណើត​ពី​សត្វចតុបាទ​មាន​ដូច​ជា គោ ក្របី និង​ជ្រូក ពេល​ដឹក​ជញ្ជូន​ឆ្លងកាត់ និង​ចេញ​ក្រៅ​ខេត្ត​ទាំងនេះ ។

ក្រសួងកសិកម្ម​រុក្ខា​ប្រមាញ់ និង​នេសាទ នៅ​ថ្ងៃ​ទី​៥ សីហា ឆ្នាំ​២០២២ បាន​ចេញ​លិខិត​ជម្រាប​ទៅ​អភិបាល​នៃ​គណៈ​អភិបាលខេត្ត​ទាំង​បី​ថា ក្រសួងកសិកម្ម​រុក្ខា​ប្រមាញ់ និង​នេសាទ​បាន​ពិនិត្យ​ឃើញ​ថា នា​ពេល​កន្លង​មក​រដ្ឋបាល​ខេត្តកំពង់ធំ ខេត្តសៀមរាប និង​ខេត្តព្រះវិហារ បាន​ផ្តល់​គោលការណ៍​អនុញ្ញាត​ឱ្យ​ក្រុមហ៊ុន​ឯកជន​ធ្វើ​អាជីវកម្ម​យក​កម្រៃ​សេវា​នាំ​សត្វ​និង​ផលិតផល​មាន​ដើម​កំណើត​ពី​សត្វចតុប្បាទ​គោ ក្របី ជ្រូក​ឆ្លងកាត់ និង​ចេញ​ក្រៅ​ខេត្ត​សាមី​នីមួយ​ៗ ។

ក្រសួង​បញ្ជាក់​ថា ការ​អនុវត្ត​បែប​នេះ គឺ​ផ្ទុយ​ទៅ​នឹង​ច្បាប់​លិខិតគតិយុត្ត​នានា​ពាក់ព័ន្ធ​នឹង​ការ​ផ្តល់​សេវា និង​ការ​ប្រមូល​ចំណូល​មិនមែន​សារពើពន្ធ​នៅ​រដ្ឋបាល​ថ្នាក់​ក្រោម​ជាតិ ព្រមទាំង​បង្ក​ឱ្យ​មាន​ផល​ប៉ះពាល់​ដល់​បរិយាកាស​នៃ​ការ​ធ្វើ​អាជីវកម្ម​សត្វ និង​ផលិតផល​មាន​ដើម​កំណើត​ពី​សត្វ​របស់​វិស័យ​ឯកជន​ផង​ដែរ ។

ក្រសួងកសិកម្ម​រុក្ខា ប្រមាញ់ និង​នេសាទ​បាន​ស្នើ​រដ្ឋបាល​ខេត្តកំពង់ធំ សៀមរាប និង​ខេត្តព្រះវិហារ ត្រូវ​និ​រាករ​នូវ​រាល់​គោលការណ៍​អនុញ្ញាត​ទាំងអស់​ដែល​រដ្ឋបាល​ខេត្ត​សាមី​នីមួយ​ៗ​បាន​ផ្តល់​ជូន​ទៅ​រូប​វ​ន្ត័​បុគ្គល ឬ​នីតិបុគ្គល​ឱ្យធ្វើ​អាជីវកម្ម​ប្រមូល​កម្រៃ​សេវា​នាំ​សត្វ និង​ផលិតផល​មាន​ដើម​កំណើត​ពី​សត្វចតុប្បាទ​ឆ្លងកាត់ និង​ចេញ​ក្រៅ​ខេត្ត​ដែល​បាន​កំពុង​អនុវត្ត​នា​ពេល​បច្ចុប្បន្ន និង​ជំរុញ ណែនាំ​ឱ្យ​ប្រជាពលរដ្ឋ ហើយ​និង​អ្នក​ពាក់ព័ន្ធ​ដាក់​ពាក្យ​ស្នើ​សុំ​សេវា​អង្គភាព​ច្រក​ចេញចូល​តែ​មួយ ដោយ​បង់​កម្រៃ​សេវា​តាម​ការ​កំណត់​នៅ​ក្នុង​លិខិត​បទដ្ឋាន​គតិ​យុ​ត្ត​ដែល​មាន​ជា​ធរមាន ។

លោក​ស្រ៊ុ​ន ពៅ ប្រធាន​សមាគម​អ្នក​ចិញ្ចឹមសត្វ​កម្ពុជា​យល់​ឃើញ​ថា ការ​បញ្ឈប់​ការ​ធ្វើ​អាជីវកម្ម​យក​កម្រៃ​សេវា​នាំ​សត្វ​ខាងលើ​នេះ គឺជា​ការ​គិតគូរ យកចិត្តទុកដាក់​ខ្ពស់​ពី​ថ្នាក់ដឹកនាំ​ក្រសួងកសិកម្ម​រុក្ខា​ប្រមាញ់ និង​នេសាទ​ហើយ​មាន​ក្តី​សង្ឃឹមថានឹង​មាន​វិធានការ​បញ្ឈប់​យក​កម្រៃ​សេវា​នាំ​សត្វ​នៅ​ទូ​ទាំំ​ង​ប្រទេស​នា​ពេល​ខាង​មុខ ។

ប្រធាន​សមាគម​ន៍​បាន​បញ្ជាក់​ថា ក្រសួងកសិកម្ម​នូវ​តែ​បន្ត​យកចិត្តទុកដាក់​ខ្ពស់​ទៅ​លើ​វិស័យ​ចិញ្ចឹមសត្វ​នេះ​ហើយ​បាន​ធ្វើ​ឱ្យ​បងប្អូន​ប្រជា​កសិករ​ដែល​ជា​អ្នក​ចិញ្ចឹមសត្វ និង​អ្នក​ចរាចរ​សត្វ​នេះ​បច្ចុប្បន្ន​នេះ​មានចិត្ត​ត្រេកអរ ។ លើស​ពី​នេះ​យើង​សង្ឃឹម​ជឿជាក់​ថា វិស័យ​ចិញ្ចឹមសត្វ​នៅ​កម្ពុជា​នឹង​មានការ​រីក​ចម្រើន​ថែម​ទៀត​នា​ពេល​ខាង​មុខ​នេះ ។

បើ​តាម​ប្រធាន​សមាគម​អ្នក​ចិញ្ចឹមសត្វ​កម្ពុជា​ខាងលើ នៅ​ពេល​កន្លង​មក​ការ​ធ្វើ​អាជីវកម្ម​យក​កម្រៃ​សេវា​នាំ​សេ​ត្វ​ចូល​នេះ​បាន​ធ្វើ​ឱ្យ​ក្រុម​អ្នក​រកស៊ី​ជួប​ការ​លំបាក​ដូច​ជា ខាតបង់​នូវ​ពេលវេលា​និង​លុយកាក់ ពោល បើ​អ្នករក​ទទួលទាន​ចង់​នាំ​សត្វ​ចូល​ដោយ​ឆ្លងកាត់​ខេត្ត​ត្រូវ​មក​បង់​កម្រៃ​សេវា​ជា​មុន​៕

អត្ថបទសរសេរ ដោយ

កែសម្រួលដោយ