អតីតកំពូលកីឡាករបាល់ឱបម្នាក់ ត្រូវចោទពីបទបោកបញ្ឆោតចម្លងមេរោគអេដស៍ដល់ដៃគូ
វែលស៍ ៖ អតីតកំពូលកីឡាករបាល់ឱប (Rugby) របស់ប្រទេសវែលស៍ Gareth Thomas ត្រូវបានតុលា
វែលស៍ ៖ អតីតកំពូលកីឡាករបាល់ឱប (Rugby) របស់ប្រទេសវែលស៍ Gareth Thomas ត្រូវបានតុលា
វែលស៍ ៖ អតីតកំពូលកីឡាករបាល់ឱប (Rugby) របស់ប្រទេសវែលស៍ Gareth Thomas ត្រូវបានតុលាជាន់ខ្ពស់ចោទប្រកាន់ពីបទបោកបញ្ឆោតចម្លងមេរោគអេដស៍ទៅអតីតគូស្នេហ៍។ នេះបើយោងតាមប្រភពពី BBC ចេញផ្សាយនៅថ្ងៃទី៩ ខែសីហា ឆ្នាំ២០២២ នេះ។
លោក Ian Baum អតីតគូស្នេហ៍បុរសស្រឡាញ់ភេទដូចគ្នាជាមួយលោក Thomas បានសម្រេចចោទប្រកាន់អតីតប្រធានក្រុមជម្រើសជាតិវែលស៍ និងក្រុមជ្រើសរើសប្រទេសចំនួន៤ British & Irish Lions (អង់គ្លេស អៀរឡង់ ស្កុតឡែន និងវែលស៍) អាយុ៤៨ឆ្នាំរូបនេះថា បានលាក់បាំងស្ថានភាពជំងឺអេដស៍របស់ខ្លួន ដោយខកខានក្នុងការថែរក្សាសុខភាពសមហេតុផលដើម្បីធានាថា គាត់មិនឆ្លងជំងឺនេះ។ ហើយ Baum កំពុងប្តឹង Thomas ទាមទារសំណងចំនួន១៥ម៉ឺនផោន (១៨ម៉ឺនដុល្លារ)។ ប៉ុន្តែ Thomas កំពុងជំទាស់នឹងការទាមទារនេះ។
នៅក្នុងឯកសារតុលាការបានអះអាងថា Baum ដែលជាដើមចោទមានទំនាក់ទំនងស្នេហាជាមួយ Thomas ដែលជាចុងចោទនៅចន្លោះឆ្នាំ ២០១៣ ដល់ឆ្នាំ ២០១៦។ ខណៈចុងចោទផ្ទុកមេរោគអេដស៍រួចទៅហើយ នៅពេលទំនាក់ទំនងអ្នកទាំង២បានចាប់ផ្តើម។
អ្វីៗគ្រប់យ៉ាងបែកការ នៅពេលដើមចោទរកឃើញថា ចុងចោទកំពុងប្រើថ្នាំប្រឆាំងនឹងមេរោគអេដស៍។ ភ្លាមៗនោះ គាត់បានធ្វើការណាត់ជួបដើម្បីធ្វើតេស្ត។ ហើយជាលទ្ធផលបង្ហាញថា គាត់មានផ្ទុកមេរោគអេដស៍ពិតប្រាកដមែន។ ដោយជីវិតគាត់ពេលនោះ បានបំផ្លាញទាំងស្រុងតែម្តង។
ទោះយ៉ាងណា ដើមចោទបានប្រាប់រឿងនេះទៅកាន់ចុងចោទ។ តែចុងចោទឱ្យរក្សាការសម្ងាត់អំពីស្ថានភាពជំងឺអេដស៍របស់ខ្លួន។ ហើយដើមបណ្តឹងបានយល់ព្រម ហើយទំនាក់ទំនងពួកគេនៅតែបន្តជាធម្មតា។
ប៉ុន្តែអ្វីៗត្រូវបានបញ្ចប់ នៅពេលដើមចោទសម្រេចទាមទារសំណងសម្រាប់ទំនាក់ទំនងដែលនៅសល់ ដែលចុងចោទបានប្រើអាកប្បកិរិយាបង្ខិតបង្ខំ និងគ្រប់គ្រងលើគាត់ ដើម្បីរក្សាការសម្ងាត់។ ហើយនៅក្នុងឯកសារតុលាការ ដើមបណ្តឹងបាននិយាយថា ចុងចោទបានធ្វើឱ្យគាត់មានរបួសទាំងផ្លូវកាយ និងផ្លូវចិត្តធ្ងន់ធ្ងរថែមទៀតផង៕
ចែករំលែកព័តមាននេះ