ខេត្តពោធិ៍សាត់ ៖ យុវជន២នាក់ប្រដាប់ដោយពូថៅ ត្រូវបាននគរបាលស្រុកកណ្ដៀងឃាត់ខ្លួនបញ្ជូនយកទៅអប់រំនិងធ្វើកិច្ចសន្យាលើកទីមួយ។ ការឃាត់ខ្លួនយុវជនទាំងពីរនាក់នេះធ្វើឡើងនៅវេលាម៉ោង៩ និង៣០នាទីយប់ថ្ងៃទី០៧ សីហា ស្ថិតត្រង់ចំណុចគល់ស្ពានថ្មវត្តពោធិ៍សុវណ្ណរង្សីត្រើយខាងលិច ក្នុងភូមិបឹងយា ឃុំវាល…
ខេត្តពោធិ៍សាត់ ៖ យុវជន២នាក់ប្រដាប់ដោយពូថៅ ត្រូវបាននគរបាលស្រុកកណ្ដៀងឃាត់ខ្លួនបញ្ជូនយកទៅអប់រំនិងធ្វើកិច្ចសន្យាលើកទីមួយ។ ការឃាត់ខ្លួនយុវជនទាំងពីរនាក់នេះធ្វើឡើង
នៅវេលាម៉ោង៩ និង៣០នាទីយប់ថ្ងៃទី០៧ សីហា ស្ថិតត្រង់ចំណុចគល់ស្ពានថ្មវត្តពោធិ៍សុវណ្ណរង្សីត្រើយខាងលិច ក្នុងភូមិបឹងយា ឃុំវាល ស្រុកកណ្ដៀង ខេត្តពោធិ៍សាត់ ។
លោក អ៊ុនស៊ី អធិការនគរបាលស្រុកកណ្ដៀងប្រាប់ឱ្យដឹងថា យុវជនដែលត្រូវកងកម្លាំងឃាត់ខ្លួននោះទី១-ឈ្មោះ ហែមសុភាព អាយុ១៨ឆ្នាំ និងទី២-ឈ្មោះ ជា ជោគជ័យ អាយុ២២ឆ្នាំ ទាំង២នាក់រស់នៅក្នុងភូមិជ្រែង ឃុំស្វាយលួង ស្រុកកណ្ដៀង ខេត្តពោធិ៍សាត់ ។
លោកអធិការបានបញ្ជាក់ថា ក្នុងពេលដែលកម្លាំងរបស់លោកចុះល្បាត និងដាក់គោលដៅត្រួតពិនិត្យមើលពេលយប់ត្រង់ចំណុចខាងលើ ស្រាប់តែទៅវ៉ាក់អើនឹងយុវជនទាំង២នាក់ខាងលើជិះម៉ូតូម៉ាកឌ្រីមឌុបគ្នា លើបណ្ដោយផ្លូវលេខ១០១ ដោយមានការសង្ស័យឃាត់សួរនាំ និងឆែកឆេរដកហូតបានកូនប្រថៅមួយបញ្ជូនមកអធិការដ្ឋាន ដើម្បីធ្វើការអប់រំ និងធ្វើកិច្ចសន្យារួចតម្រូវឱ្យអាណាព្យាបាលមកធានានៅចំពោះមុខសមត្ថកិច្ចរួចឲ្យវិលត្រឡប់ទៅផ្ទះវិញតែម្ដង ៕
ចែករំលែកព័តមាននេះ