គ្មានការងារណាដែលគ្មានតម្លៃនោះទេ ។ គ្រប់ការងារដែលសុចរិតមានតម្លៃទាំងអស់ ប៉ុន្តែដោយសារទស្សនយល់ឃើញផ្សេងៗគ្នា រួម និងវប្បធម៌ ប្រពៃណីផង មានការងារខ្លះត្រូវសង្គមមិនទាន់ឲ្យតម្លៃ ជាពិសេសមិនគាំទ្រឲ្យកូនចៅខ្លួន ប្រកបកិច្ចការទាំងនោះឡើយ…
គ្មានការងារណាដែលគ្មានតម្លៃនោះទេ ។ គ្រប់ការងារដែលសុចរិតមានតម្លៃទាំងអស់ ប៉ុន្តែដោយសារទស្សនយល់ឃើញផ្សេងៗគ្នា រួម និងវប្បធម៌ ប្រពៃណីផង មានការងារខ្លះត្រូវសង្គមមិនទាន់ឲ្យតម្លៃ ជាពិសេសមិនគាំទ្រឲ្យកូនចៅខ្លួន ប្រកបកិច្ចការទាំងនោះឡើយ ទោះនោះជាមុខរបរចិញ្ចឹមជីវិត ជាសិទ្ធិនៃការសម្រេចចិត្តរបស់បុគ្គលម្នាក់ៗក្តី ។
អ្នកម៉ាស្សាជាប្រភេទការងារថ្មីមួយនៅក្នុងសេវាកម្សាន្ត និងសុខភាព ។ ប៉ុន្តែដោយសារការងារនេះ បុរស និងស្ត្រីត្រូវប៉ះពាល់គ្នា នៅជាមួយគ្នាក្នុងបន្ទប់ និងកន្លែងតែមួយបានសង្គមហាក់មានការរើសអើងធ្វើឲ្យនារីប្រកបរបរនេះមួយចំនួនប្រឈមការរិះគន់ សុខចិត្តលាក់បាំងមុខរបរខ្លួនមិនឲ្យសាច់ញាតិ អ្នកស្គាល់គ្នាបានដឹងឡើយ ។
នារី ជាអ្នកម៉ាស្សាម្នាក់នៅភ្នំពេញ គាត់បានចាប់អាជីពនេះជិត១០ឆ្នាំហើយ ប៉ុន្តែគាត់មិនបានប្រាប់មុខរបរនេះឲ្យឪពុកម្តាយនៅខេត្តត្បូងឃ្មុំដឹងឡើយ ។
នារីខាងលើអះអាងថា ឪពុកម្តាយគាត់បានដឹងថា គាត់កំពុងធ្វើការជាកម្មករកាត់ដេរក្នុងរោងចក្រ ។ នៅពេលឡើងពីស្រុកកំណើតមកភ្នំពេញនៅក្នុងឆ្នាំ២០១២ នារីធ្វើជាកម្មករកាត់ដេរ ។ កាត់ដេរបានជាងមួយឆ្នាំ គាត់បានប្តូរមុខរបរនៅពេលរោងចក្រនោះបានបិទទ្វារ ។ បន្ទាប់មកគាត់នៅបន្តប្រាប់អ្នកស្គាល់គ្នា ពិសេសឪពុកម្តាយថា ខ្លួនជាកម្មករកាត់ដេរជាដដែល ។
នារីបានបញ្ជាក់ថា ដោយសារសង្គមមើលងាក នារីម៉ាស្សាដូច្នេះគាត់មិនចង់ឲ្យគេដឹងថា ជាអ្នកម៉ាស្សាឡើយ ។ នាងយល់ថា បើសិនជាឪពុកម្តាយដឹង ពួកគាត់មិនច្បាយចិត្តឡើយ ។ ពិសេសគ្រួសារគាត់ខ្លួនគាត់នឹងរងការសើចចំអកពីអ្នកជិតខាង ។
ស្រីមៀច ជាអ្នកម៉ាស្សាម្នាក់ទៀតមកពីខេត្តកំពង់ធំ ។ គាត់សម្រេចចិត្តមកធ្វើនារីម៉ាស្សាតាមរយៈបងជីដូនមួយណែនាំ ។ ស្រីមៀច អះអាងថា បងស្រីជីដូនមួយបាននាំណែគាត់ឲ្យមកធ្វើការម៉ាស្សានៅពេលក្រោយខ្លួនបានរៀនចប់ថ្នាក់ទី៨ ។
មុនចូលធ្វើការស្រីមៀច បានទទួលការបង្ហាត់បង្រៀនពីរបៀបម៉ាស្សា ដោយគ្រូជនជាតិថៃ ។ នារីមកពីជនបទរូបនេះ បាននិយាយថា ពួកគាត់ពីរនាក់ គឺទាំងខ្លួនគាត់ និងបងជីដូនមួយ គ្មាននណាដឹងថា ពួកគាត់ជានារីម៉ាស្សានោះទេ ។
ជាទូទៅគេដឹងថា ពួកគាត់លក់សម្លៀកបំពាក់ឲ្យគេនៅផ្សារអូឡាំពិក ។ នារីម៉ាស្សាខាងលើឲ្យដឹងថា ការងារម៉ាស្សាអាចប្រាក់បានពី២០០ទៅ៣៥០ដុល្លារក្នុងមួយខែ ។ ជាប្រាក់កម្រៃបានពីភាគរយនៃចំនួនអ្នកម៉ាស្សា ។ តម្លៃម៉ាស្សា៨ដុល្លារក្នុងមូយម៉ោង នារីម៉ាស្សាទទួលបានកម្រៃភាគ ៣ដុល្លារ ។ នារីម៉ាស្សាជាទូទៅមិនមានប្រាក់ខែនោះទេ ។
កាលពីប៉ុន្មានឆ្នាំមុន អាជីវកម្មម៉ាស្សាមានការរីចកម្រើនខ្លាំង នៅទីណាក៏មានហាងម៉ាស្សាដែរ នៅក្រុងភ្នំពេញ ។ មានកម្មករកាត់ដេរមួយចំនួនងាកមកប្រកបរបរនេះ នៅពេលឧស្សាហកម្មទេសចរណ៍នេះរីកចម្រើន នៅក្នុងនោះរួមទាំងបៀរហ្គាឌិនផង ។
ទាំងបៀរហ្គាឌិន និងកន្លែងម៉ាស្សា បានផ្អាកអាជីវកម្ម កាលពីកំលុងពេលជំងឺកូវីដ១៩ រាលត្បាតខ្លាំង ហើយទើបនៅពាក់កណ្តាលឆ្នាំ២០២២នេះ អាជីវកម្មកម្សាន្តទាំងពីរនេះ បានកម្រើកឡើងវិញ រួមទាំងហាងខារ៉ាអូខេផង ។
នារីបានឲ្យដឹងថា អ្នកម៉ាស្សាមិនរំពឹងប្រាក់ភាគរយនោះទេ ពួកគាត់រំពឹងលើការឲ្យធិបរបស់ភ្ញៀវ ។ ភ្ញៀវខ្លះគេឲ្យប្រាក់ធឹបម្តង៥ដុល្លារ ឬ១០ដុល្លារក៏មាន ៕
ចែករំលែកព័តមាននេះ