ចិនបា.ញ់មីស៊ីលធ្លាក់ចូលតំបន់សេដ្ឋកិច្ចផ្តាច់មុខរបស់ជប៉ុន
ជប៉ុន ៖ រដ្ឋមន្ត្រីការពារជាតិជប៉ុន លោក Nobuo Kishi បាននិយាយថា មីស៊ីបាលីស្ទីកដែលបា.ញ់
ជប៉ុន ៖ រដ្ឋមន្ត្រីការពារជាតិជប៉ុន លោក Nobuo Kishi បាននិយាយថា មីស៊ីបាលីស្ទីកដែលបា.ញ់ដោយចិនបានធ្លាក់ចូលក្នុងតំបន់សេដ្ឋកិច្ចផ្តាច់មុខ (EEZ) របស់ជប៉ុនជាលើកដំបូង។
លោកថ្លែងប្រាប់អ្នកសារព័ត៌មានដូច្នេះថា «មីស៊ីលផ្លោងចំនួន ៥ ក្នុងចំណោម ៩ គ្រាប់ដែលបា.ញ់ដោយប្រទេសចិន ត្រូវបានគេជឿថាធ្លាក់នៅក្នុងតំបន់សេដ្ឋកិច្ចផ្តាច់មុខរបស់ប្រទេសជប៉ុន»។
លោកនិយាយថា «ជប៉ុនបានដាក់ការតវ៉ាជាមួយប្រទេសចិនតាមរយៈបណ្តាញការទូត» ដោយហៅបញ្ហានេះថា ជាបញ្ហាធ្ងន់ធ្ងរដែលប៉ះពាល់ដល់សន្តិសុខជាតិ និងសុវត្ថិភាពរបស់ប្រជាពលរដ្ឋរបស់យើង»។
ក្រសួងការពារជាតិនិយាយក្នុងសេចក្តីប្រកាសថា ខ្លួននឹងមិនបង្ហាញផ្លូវហោះរបស់មីស៊ីលនោះទេដោយសារព្រួយបារម្ភពីចារកម្ម។
សូមបញ្ជាក់ថា បច្ចុប្បន្ននេះ ចិនកំពុងធ្វើសមយុទ្ធយោធាទ្រង់ទ្រាយធំដែលមិនធ្លាប់មានពីមុននៅក្នុងតំបន់ចំនួន ៦ ដែលព័ទ្ធជុំវិញកោះតៃវ៉ាន់ បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi។
តៃវ៉ាន់បានថ្កោលទោសសមយុទ្ធរបស់ចិន ដោយព្រមានថាវាគំរា.មកំហែងដល់សន្តិសុខតំបន់អាស៊ីពូព៌ា។
«តំបន់ខ្លះនៃសមយុទ្ធរបស់ចិនបានរំលោ.ភចូលដែនទឹករបស់តៃវ៉ាន់។ នេះជាទង្វើមិនសមហេតុផលដើម្បីប្រជែងនឹងសណ្តាប់ធ្នាប់អន្តរជាតិ»។ នេះជាការបញ្ជាក់របស់លោក Sun Li-fang អ្នកនាំពាក្យក្រសួងការបរទេសតៃវ៉ាន់បញ្ជាក់ក្នុងសន្និសិទកាសែត៕ (យោងតាមប្រភព៖ CNA)
ចែករំលែកព័តមាននេះ