ខេត្តព្រះសីហនុ ៖ អនុវត្តតាមបទបញ្ជារបស់នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកឧត្តម សេនីយ៍ទោ ជួន…
ខេត្តព្រះសីហនុ ៖ អនុវត្តតាមបទបញ្ជារបស់នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកឧត្តម សេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងសមត្តកិច្ចជំនាញព្រហ្មទណ្ឌ សហការជាមួយនគរបាលក្រុងព្រះសីហនុ ក្រោមការសម្របសម្រួលពីស្ថាប័នអយ្យការអមសាលាដំបូងខេត្ត បានស៊ើបអង្កេត និងស្រាវជ្រាវបំបែកសំណុំរឿង ជនជាតិចិនបាញ់សម្លាប់ជនជាតិចិនដូចគ្នា បណ្តាលឲ្យបាត់បង់ជីវិត២នាក់នោះ ឈានដល់ការឃាត់ខ្លួនជនសង្ស័យ៣នាក់ និងដកហូតអាវុធចំនួន៥ដើម ។
ជនសង្ស័យដែលឃាត់ខ្លួនមាន ៖
១. ឈ្មោះ Ding PingPing ហៅ Ding QiQi ភេទស្រី អាយុ ៣៥ឆ្នាំ ជនជាតិចិន មុនរបរ អ្នកគ្រប់គ្រងកាស៊ីណូ តុងហ្វាងប៉ាលីរិន លិខិតឆ្លងដែន (មិននៅជាប់ខ្លួន) ស្នាក់នៅភូមិ២ សង្កាត់២ ក្រុង.ខេត្តព្រះសីហនុ ។
២. ឈ្មោះ Xu WeiWei ភេទប្រុស អាយុ ៣៥ឆ្នាំ ជនជាតិចិន មុនរបរ អ្នកគ្រប់គ្រងកាំមេរ៉ាសុវត្តិភាពនៅកាស៊ីណូ តុងហ្វាងប៉ាលីរិន លិខិតឆ្លងដែន (មិននៅជាប់ខ្លួន) ស្នាក់នៅភូមិ២ សង្កាត់២ ក្រុង.ខេត្តព្រះសីហនុ ។
៣. ឈ្មោះ Du Jian Bo ភេទប្រុស អាយុ៤២ ឆ្នាំ ជនជាតិចិន មុនរបរ អ្នកគ្រប់គ្រងសន្តិសុខនៅកាស៊ីណូ តុងហ្វាងប៉ាលីរិន លិ ខិតឆ្លងដែន (មិនជាប់ខ្លួន) ស្នាក់នៅភូមិ២ សង្កាត់២ ក្រុង.ខេត្តព្រះសីហនុ ។
ពេលឃាត់ខ្លួនជនសង្ស័យសមត្តកិច្ចបានធ្វើការដកហូតវត្ថុតាងមាន ៖
១.អាវុធខ្លីចំនួន៥ ដើម (ជារបស់ជនសង្ស័យដែលបានធ្វើសកម្ម ភាព បាញ់ទៅលើជនរងគ្រោះចំនួន៤ ដើម និង ចំនួន១ដើម ទៀត ឆែកឆេរឃើញនៅក្នុងទូរដែក បន្ទប់អគារកើតហេតុ) ។
២.រថយន្តចំនួន៣ គ្រឿង ជាមធ្យោយបាយជិះធ្វើសកម្មភាព និងរត់គេចខ្លួន ។ រួមទាំងសម្ភារនិងឯកសារមួយចំនួនទៀត ។
សូមបញ្ជាក់ថា កាលពីវេលាម៉ោង២២ និង៣០នាទីយប់ថ្ងៃទី៣០ ខែកក្កដា ឆ្នាំ២០២២ នៅចំណុចកាស៊ីណូ តុងហ្វាងប៉ាលីរិន ស្ថិតក្នុងភូមិ១ សង្កាត់២ ក្រុង ខេត្តព្រះសីហនុ មានករណីផ្ទុះអាវុធ មួយបានកើតឡើង បណ្តាលឲ្យបុរសជនជាតិចិន២នាក់ ស្លាប់បាត់បង់ជីវិត ដែលហេតុការនោះ ត្រូវបានសមត្តកិច្ចដាក់ការសង្ស័យថា ជាអំពើឃាតកម្ម ចិនបាញ់សម្លា.ប់ជនជាតិចិនដូចគ្នា ដោយគំនុំអ្វីមួយ ។ បន្ទាប់ពីទទួលបានពត៌មាននោះភ្លាម កម្លាំងជំនាញផែនការងារនគរបាលព្រហ្មទណ្ឌខេត្ត បានសហការជាមួយកម្លាំងមូលដ្ឋាន ចុះទៅដល់កន្លែងកើតហេតុ ដើម្បីធ្វើការស្រាវជ្រាវ ខណៈជនសង្ស័យនាំគ្នាគេចខ្លួនបាត់អស់ ។ តែទោះជាយ៉ាងណាក្តីក្រោមបទបញ្ជាផ្ទាល់ពីលោកឧត្តមសេនីយ៍ទោ ជួន ណារិន្ទ ស្នងការ នគរបាលខេត្ត ដែលមានជំនាញព្រហ្មច្បាស់ដូចថ្ងៃ មិនទុកពេលឲ្យជនល្មើស បានរួចផុតពីសំណាញ់នោះឡើយ ពោលគឺរយៈពេល៣ទៅ៤ថ្ងៃ តាមចាប់ខ្លួនជនសង្ស័យ៣នាក់ បញ្ជូនមកស្នងការដ្ឋាននគរបាលខេត្តព្រះសីហនុ ដើម្បីសាកសួរ និងបានបើកការស៊ើបអង្កេតជាបន្ត ដើម្បីស្វែងរកចាប់ខ្លួនជនសង្ស័យដែលរត់គេចខ្លួន ៕
ចែករំលែកព័តមាននេះ