ខេត្តកែប ៖ អ្នកនេសាទជាច្រើននាក់មកពីភូមិអង្កោល និងភូមិអំពេង ឃុំអង្កោល ស្រុកដំណាក់ចង្អើរ ខេត្តកែបកាលពីព្រឹកថ្ងៃទី០៣ សីហា បានលើកគ្នាមកដល់មុខបន្ទាយកងរាជអាវុធហត្ថខេត្តកែប ហើយក៏ស្របពេលនិងអ្នកនេសាទ2នាក់ត្រូវបានកងរាជអាវុធហត្ថខេត្តកែប…
ខេត្តកែប ៖ អ្នកនេសាទជាច្រើននាក់មកពីភូមិអង្កោល និងភូមិអំពេង ឃុំអង្កោល ស្រុកដំណាក់ចង្អើរ ខេត្តកែបកាលពីព្រឹកថ្ងៃទី០៣ សីហា បានលើកគ្នាមកដល់មុខបន្ទាយកងរាជអាវុធហត្ថខេត្តកែប ហើយក៏ស្របពេលនិងអ្នកនេសាទ2នាក់ត្រូវបានកងរាជអាវុធហត្ថខេត្តកែប ហៅមកសួរនាំក្នុងករណីហិង្សាលើទូកនេសាទសមុទ្រដូចគ្នា កាលពីថ្ងៃទី២៧ កក្កដា ឆាំ្ន2022 កន្លងមក ។
លោកម៉ី វុទ្ធី អាយុ៣៨ឆាំ្ន មានរមុខរបជាអ្នកនេសាទរយៈពេល20ឆាំ្នបាននិយាយប្រាប់អោយដឹងនៅមុខបន្ទាយកងរាជអាវុធហត្ថកាលពីព្រឹកថ្ងៃទី3 សីហា ថា អ្នកនេសាទទាំងពីរភូមិនេះ អោយតែអ្នកនេសាទសុទ្ធតែប្រើប្រាស់ឧបករណ៍ឆក់ខុសច្បាប់ទាំងអស់។ ដោយសារតែទូកនេសាទនីមួយៗប្រើឧបករណ៍ឆក់បែបនេះ ទើបមន្ត្រីជំនាញ និងសមត្ថកិច្ចមួយចំនួនរាប់បញ្ជូលទាំងនគរបាលការពារព្រំដែនទឹកផង មកយកលុយដាក់ខែពីក្រុមអ្នកនេសាទ។
អ្នកនេសាទឈ្មោះម៉ី វុទ្ធី និយាយប្រាប់ថា ទូកនេសាទខ្លះក៏បានប្រើឧបករណ៍ឆក់ និងទូកនេសាទខ្លះមិនប្រើប្រាស់ឧបករណ៍ឆក់។ ទូកនេសាទខ្លះប្រើឧបករណ៍ឆក់តែជំនាញមិនបានចាប់ ដោយសារតែមានការនិយមបែបបក្សពួកអ្នកនេសាទបែបនេះហើយ ទើបអ្នកនេសាទជាច្រើននាក់បានចូលរួមការពារនិងទប់ស្កាត់បទល្មើសជាក់ស្ដែងទូកនេសាទប្រើឧបករណ៍ឆក់ត្រូវដកហូតដុំភ្លើង និងសម្ភារឆក់នោះឡើង។
លោកនិយាយទៀតថា ក្រុមអ្នកនេសាទមកដល់មុខបន្ទាយកងរាជអាវុធហត្ថថ្ងៃនេះ គឺតាមអ្នកនេសាទ2នាក់ដែលរងការចោទប្រកាន់ពីក្រុមអ្នកនេសាទដូចគ្នាថា បានបើកទូកបុកទូកអ្នករនេសាទដូចគ្នាបណ្ដាលអោយរងការខូចខាត ។ ប៉ុន្តែការសួរនាំរបស់កងរាជអាវុធហត្ថខេត្តកែបអ្នកនេសាទដែលរងការចោទប្រកាន់នោះ គឺរកមិនឃើញភស្ដុតាងអ្វីទេ ទើបមន្ត្រីកងរាជអាវុធហត្ថអនុញាតអោយប្រជាពលរដ្ឋទាំងពីរនាក់ចេញមកវិញរួមទាំងក្រុមអ្ននេសាទចាំនៅខាងក្រៅបន្ទាយក៍បានវិលត្រឡប់ទៅផ្ទះរៀងៗខ្លួន។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ