ADផ្ទាំងផ្សព្វផ្សាយពាណិជ្ជកម្ម

Picture

សម្តេចតេជោ ហ៊ុន សែន ប្រកាសស្វាគមន៍​វត្តមាន​​​​រដ្ឋមន្ត្រីការបរទេសចិន លោក វ៉ាង យី ដែល​បានមកដល់​កម្ពុជា ទាំងយប់

1 អាទិត្យ មុន
  • ភ្នំពេញ

ភ្នំពេញ៖ សម្តេចតេជោ ហ៊ុន សែន បានប្រកាស​ស្វាគមន៍ការ​អញ្ជើញមកដល់កម្ពុជារបស់លោក​ វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន នៅរាត្រីថ្ងៃទី២…

ភ្នំពេញ៖ សម្តេចតេជោ ហ៊ុន សែន បានប្រកាស​ស្វាគមន៍ការ​អញ្ជើញមកដល់កម្ពុជារបស់លោក​ វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន នៅរាត្រីថ្ងៃទី២ ខែសីហា ឆ្នាំ២០២២ នេះ។ លោក វ៉ាង យី (Wang Yi) បានអញ្ជើញមក​កម្ពុជា​ ដើម្បីអញ្ជើញចូលរួមក្នុងកិច្ចប្រជុំកំពូលរដ្ឋមន្ត្រីការ​បរទេសអាស៊ាន លើកទី៥៥ និងកិច្ចប្រជុំពាក់ព័ន្ធ ដែលកម្ពុជាធ្វើជាម្ចាស់ផ្ទះ។

សម្តេចតេជោ ហ៊ុន សែន បន្តថា កម្ពុជាក្នុងនាមជាប្រធានអាស៊ាន ឆ្នាំ២០២២ បាន និងកំពុងធ្វើជា​ម្ចាស់ផ្ទះរៀបចំកិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ (AMM) និងកិច្ចប្រជុំពាក់ព័ន្ធ ចាប់ពីថ្ងៃទី២៩ ខែកក្កដា ដល់ថ្ងៃទី​៥ ខែសីហា ឆ្នាំ​២០២២ ​នៅ​រាជ​ធានី​​ភ្នំ​ពេញ តាមទម្រង់ដោយផ្ទាល់។

សូមរម្លឹកថា មកដល់ថ្ងៃទី២​សីហានេះ រដ្ឋមន្ត្រីការបរទេស​ប្រទេសសមាជិកអាស៊ាន និងប្រទេសដៃគូជាច្រើន​ បានធ្វើដំណើរ​ជាបន្តបន្ទាប់ មកដល់រាជធានីភ្នំពេញ​ហើយ​។

លោក​ ជុំ សុន្ទរី អ្នកនាំពាក្យក្រសួងការបរទេស បាន​ប្រាប់កាសែត​ថា រដ្ឋមន្ត្រីការបរទេស និងអ្នកតំណាង មកពី ៣៧ប្រទេស នឹងចូលរួម​កិច្ចប្រជុំរដ្ឋមន្ត្រីការបរទេស និងកិច្ចប្រជុំពាក់ព័ន្ធ​ នៅរាជធានីភ្នំពេញ នាពេលនេះ។ ក្នុង​នោះ មាន​រដ្ឋមន្ត្រី​ប្រទេស​មហា​អំណាច អញ្ជើញ​មកចូល​រួម​ដោយផ្ទាល់ រួមមាន អាមេរិក ចិន ជប៉ុន និង​​រុស្ស៊ី ជាដើម។

តាមកម្មវិធី ដែលបានគ្រោងទុក កិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ នឹង​ប្រារព្ធ​ពិធី​បើកកិច្ចប្រជុំ​ជាផ្លូវការ នៅព្រឹក​ថ្ងៃទី៣ ខែសីហា ក្រោមអធិបតីភាពដ៏ខ្ពង់ខ្ពស់​របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន ក្នុងឆ្នាំ២០២២នេះ។ បន្ទាប់មក រដ្ឋមន្ត្រីការបរទេស​អាស៊ាន នឹងប្រជុំពេញមួយថ្ងៃ។

ចំណែក​កិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធ នឹងធ្វើឡើងនៅថ្ងៃទី៤ និងថ្ងៃទី៥ ខែសីហា ឆ្នាំ២០២២​។ ក្នុងនោះ នៅថ្ងៃទី៤ ខែសីហា មានកិច្ចប្រជុំរដ្ឋមន្ត្រីការបរទេស និងកិច្ចប្រជុំ​ពាក់ព័ន្ធ​ រួមមាន៖ កិច្ចប្រជុំរដ្ឋមន្ត្រីការបរទេសអាស៊ាន-ចិន កិច្ចប្រជុំរដ្ឋមន្ត្រីការបរទេស​អាស៊ាន-កូរ៉េ កិច្ចប្រជុំរដ្ឋមន្ត្រីការបរទេសអាស៊ាន-ជប៉ុន កិច្ចប្រជុំរដ្ឋមន្ត្រីការបរទេស​អាស៊ាន-អង់គ្លេស កិច្ចប្រជុំរដ្ឋមន្ត្រីការបរទេសអាស៊ាន-បូក៣ កិច្ចប្រជុំរដ្ឋមន្ត្រីការបរទេស​អាស៊ាន-ឥណ្ឌា កិច្ចប្រជុំរដ្ឋមន្ត្រីការបរទេសអាស៊ាន-កាណាដា កិច្ចប្រជុំរដ្ឋមន្ត្រីការបរទេស​អាស៊ាន-អូស្ត្រាលី កិច្ចប្រជុំរដ្ឋមន្ត្រីការបរទេសអាស៊ាន-ញូវហ្សេឡេន កិច្ចប្រជុំរដ្ឋមន្ត្រី​ការបរទេសអាស៊ាន-អឺរ៉ុប កិច្ចប្រជុំរដ្ឋមន្ត្រីការបរទេសអាស៊ាន-អាមេរិក កិច្ចប្រជុំរដ្ឋមន្ត្រី​ការបរទេសអាស៊ាន-រុស្ស៊ី។

ចំណែក​នៅថ្ងទី៥ ខែសីហា ឆ្នាំ២០២២ មានកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំ​ពាក់ព័ន្ធ រួមមាន៖ កិច្ចប្រជុំរដ្ឋមន្ត្រីការបរទេសអាស៊ីបូព៌ា និងវេទិកា តំបន់អាស៊ាន លើកទី២៩​។

នៅចុងបញ្ចប់​នៃកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធ នាល្ងាចថ្ងៃទី៥ ខែសីហា ឆ្នាំ២០២២ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស​កម្ពុជា នឹងធ្វើសន្និសីទ​កាសែត៕

Picture
Picture
Picture
Picture
Picture