ប្រតិភូកីឡាប៉ូលិសកម្ពុជាទទួលបានជោគជ័យយ៉ាងធំធេងក្នុងព្រឹត្តិការណ៍ WPFG នៅហូឡង់
- ភ្នំពេញ
រាជធានីភ្នំពេញ ៖ ប្រតិភូកីឡាប៉ូលិសកម្ពុជាដែលបានទៅចូលរួមនៅក្នុងព្រឹត្តិការណ៍កីឡានគរបាល
រាជធានីភ្នំពេញ ៖ ប្រតិភូកីឡាប៉ូលិសកម្ពុជាដែលបានទៅចូលរួមនៅក្នុងព្រឹត្តិការណ៍កីឡានគរបាល
រាជធានីភ្នំពេញ ៖ ប្រតិភូកីឡាប៉ូលិសកម្ពុជាដែលបានទៅចូលរួមនៅក្នុងព្រឹត្តិការណ៍កីឡានគរបាលពិភពលោក World Police&Fire Games (WPFG) លើកទី១៩ នៅប្រទេសហូឡង់អស់រយៈពេលជាច្រើនថ្ងៃមកនេះ បានបញ្ចប់បេសកកម្មរបស់ខ្លួនដោយនាំមកនូវជ័យជម្នះយ៉ាងធំធេងជូនជាតិមាតុភូមិ កាលពីព្រឹកថ្ងៃទី២ ខែសីហាឆ្នាំ២០២២។
ប្រតិភូកីឡាប៉ូលិសកម្ពុជាបានធ្វើដំណើរទៅចូលរួមប្រកួតនៅក្នុងព្រឹត្តិការណ៍កីឡានគរបាលពិភពលោក (World Police &Fire Games) លើកទី១៩ នៅប្រទេសហូឡង់ តាំងពីថ្ងៃទី២០កក្កដាមកម៉្លេះ និងបានវិលមកដល់មាតុប្រទេសវិញជាមួយមហាជោគជ័យយ៉ាងធំធេងជូនជាតិមាតុភូមិកម្ពុជាយើង ។ កម្ពុជាបានបញ្ជូនត្រឹមតែ៩ប្រភេទកីឡាឱ្យទៅចូលរួមប្រកួតប៉ុណ្ណោះ មានដូចជាកីឡាការ៉ាតេ តេក្វាន់ដូ ចំបាប់ ជូជិតស៊ូ ចំបាប់កាច់ដៃ យូដូ វាយសី វាយកូនឃ្លីលើតុ និងលើកទម្ងន់ ហើយដណ្ដើមបានមេដាយសរុបរហូតដល់ទៅ៣៣គ្រឿងក្នុងនោះមេដាយមាស១៥គ្រឿង មេដាយប្រាក់៨គ្រឿង និងមេដាយសំរឹទ្ធ១០គ្រឿង។
ទន្ទឹមគ្នានេះដែរ ការវិលត្រឡប់មកដល់មាតុប្រទេសរបស់ប្រតិភូកីឡាប៉ូលិសកម្ពុជាកាលពីព្រឹកថ្ងៃទី២ សីហា មានការរៀបចំក្បួនដង្ហែយ៉ាងគគ្រឹកគគ្រេង ចាប់ពីអាកាសយានដ្ឋានអន្តរជាតិភ្នំពេញ តាមមហាវិថីសហព័ន្ធរុស្ស៊ី មកកាន់រង្វង់មូលវិមានឯករាជ្យ និងបញ្ចប់នៅត្រឹមទីលានវាយកូនបាល់ក្នុងពហុកីឡដ្ឋានជាតិ។
ក្រុមប្រតិភូកីឡាប៉ូលិសកម្ពុជាដែលមានឱកាសទៅចូលរួមប្រកួតនៅក្នុងព្រឹត្តិការណ៍កីឡានគរបាលពិភពលោក (World Police&Fire Games) នៅប្រទេសហូឡង់លើកទី១៩នាពេលនេះ ទទួលបានការអនុញ្ញាតដ៏ខ្ពង់ខ្ពស់ និងការជួយឧបត្ថម្ភជាថវិកា និងស្មារតីពីសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងការជួយជំរុញលើកទឹកចិត្តពីនាយឧត្តម
សេនីយ៍ នេត សាវឿន អគ្គស្នងការនគរបាលជាតិទៀតផង ទើបធ្វើឲ្យយើងមានឱកាសដណ្ដើមបានជោគជ័យយ៉ាងធំធេងបែបនេះ ៕
ចែករំលែកព័តមាននេះ