ADផ្ទាំងផ្សព្វផ្សាយពាណិជ្ជកម្ម

Picture

លោក Tuchel ថា Chelsea មិន​ទាន់​ត្រៀមខ្លួន​រួចរាល់​ទេ សម្រាប់​រដូវ​កាល​ថ្មី

1 អាទិត្យ មុន

អង់គ្លេស ៖ លោក Thomas Tuchel អ្នកចាត់ការ​ទូទៅ​ក្រុម​តោ​ខៀវ Chelsea បាន​សារភាព​ថា ក្រុម​

អង់គ្លេស ៖ លោក Thomas Tuchel អ្នកចាត់ការ​ទូទៅ​ក្រុម​តោ​ខៀវ Chelsea បាន​សារភាព​ថា ក្រុម​របស់​លោក​មិន​ទាន់​ត្រៀមខ្លួន​រួចរាល់​ទេ សម្រាប់​ការ​ប្រកួតប្រជែង​ក្រប​ខណ្ឌ English Premier League រដូវ​កាល​ថ្មី ដែល​នឹង​ចូល​មក​ដល់​ឆាប់​ៗ​ខាង​មុខ​នេះ​។

លោក Thomas Tuchel បាន​លើក​ឡើង​ថា ការ​ប្រកួត​មិត្តភាព​មុន​បើក​រដូវ​កាល (Pre-Season) បាន​ធ្វើ​ឱ្យ​កូនក្រុម​របស់​លោក​ហត់នឿយ និង​ប្រើប្រាស់​កម្លាំង​ខ្លាំង​មែនទែន​។ កត្តា​នេះ ជា​ការ​ព្រួយបារម្ភ​ថា ក្រុម​មិន​ទាន់​បាន​ត្រៀមខ្លួន​រួចរាល់ សម្រាប់​ការ​ប្រកួត​បើក​រដូវ​កាល​ថ្មី​របស់​ពួក​គេ ដែល​ត្រូវ​ប៉ះ​ក្រុម​ស្ករ​គ្រាប់ Everton នា​ថ្ងៃ​ទី​៦ ខែសីហា ខាង​មុខ​នេះ​។

អ្នកចាត់ការ​សញ្ជាតិ​អា​ល្លឺ​ម៉​ង់​វ័យ​៤៨​ឆ្នាំ​រូប​នេះ បាន​និយាយ​ថា «​ការ​ប្រកួត Pre-Season មាន​រយៈពេល​យូរ​មែនទែន​។ គ្រប់​គ្នា​ហត់នឿយ និង​អស់កម្លាំង​ខ្លាំង​ក្នុង​ការ​ប្រកួត​នៅ​សហរដ្ឋអាមេរិក​។ ហើយ​ត្រូវធ្វើ​ដំណើរ​ត្រឡប់​មក​វិញ វា​ពិតជា​មិន​ងាយស្រួល​ទេ​»​។

លោក​បន្ថែម​ទៀត​ថា «​ចុង​ស​ប្តា​ហ៍​នេះ យើង​គ្មាន​ការ​រៀប​អ្វី​ផ្សេង​ក្រៅពី​ការ​ប៉ះ Everton នោះ​ទេ​។ រដូវ​កាល​ថ្មី​គឺ​នៅ​នឹង​មុខ​យើង​។ ដូច្នេះ​មាន​ចំណុច​ជា​ច្រើន ដែល​យើង​ត្រូវ​កែ​លម្អ​។ យើង​មិន​ទាន់​ត្រៀមខ្លួន​រួចរាល់​ទេ​។ ប៉ុន្តែ​យើង​ក៏​មិន​ចាំបាច់​ត្រៀម​ឥឡូវ​នោះ​ដែរ​។ ព្រោះ​យើង​មាន​ពេល​១​ស​ប្តា​ហ៍​ទៀត ដូច្នេះ​ជា​ពេលវេលា​សម្រាប់​ពួក​យើង ដើម្បី​ឈាន​ដល់​កម្រិត​ល្អ​បំផុត​។ ហើយ​ទោះ​យ៉ាងណា​វា​តែងតែ​ជា​រឿង​ល្អ​នៅ​ពេល​រដូវ​កាល​ថ្មី​មក​ដល់​»៕ (​ដកស្រង់​ចេញពី Daily Mail)

Picture
Picture
Picture
Picture