កីឡាករកម្ពុជាបីរូប បង្កើតភាពភ្ញាក់ផ្អើល និងស្ញប់ស្ញែង បន្ទាប់ពីពួកគេទទួលជ័យជំនះក្នុងកាប្រកួតកីឡារតេក្វាន់ដូ លំដាប់ពិភពលោក ។
![](https://kohsantepheapdaily.com.kh/wp-content/uploads/2022/08/5192638b4e7cefcc0c7636640f6edb0d.jpg)
តាមរយៈហ្វេសប៊ុកផេក សម្តេចតេជោ ហ៊ុន សែន បាន អបអរសាទរ កីឡាករតេក្វាន់ដូ WT ចំនួន០៣រូប ទទួលបានមេដាយមាស ពីការប្រកួត World Police & Fire Games 2022 នៅប្រទេសហូឡង់។
![](https://kohsantepheapdaily.com.kh/wp-content/uploads/2022/08/1acfe121be393753048d0b0016d68827.jpg)
សម្តេចតេជោ បានមានប្រសាសសន៍បន្តទៀតថា បន្ទាប់ពីម្សិលមិញ កីឡាករ សំ យូដេត និង កីឡាករ វ៉ា មិថុនា ទទួលបានមេដាយមាស ថ្ងៃនេះ កីឡាករ ផល សុវណ្ណាត់ ក៏ទទួលបានមេដាយមាសមួយទៀត ពីការប្រកួត World Police & Fire Games 2022 នៅប្រទេសហូឡង់ ។
នេះ គឺជាមោទនភាពរបស់ប្រទេសជាតិយើងទាំងមូល ដែលកីឡាករតេក្វាន់ដូ WT ចំនួន ០៣ រូប ដែលបានទៅចូលរូមកម្មវិធីប្រកួត World Police & Fire Games 2022 នៅប្រទេសហូឡង់ ចាប់ពីថ្ងៃទី២៦ ដល់ថ្ងៃទី៣១ ខែកក្កដា ឆ្នាំ២០២២ ហើយទទួលបានមេដាយមាសទាំង០៣នាក់តែម្តង។
![](https://kohsantepheapdaily.com.kh/wp-content/uploads/2022/08/60551760ece7ebca562de717ebcfa39a.jpg)
គួរបញ្ជាក់ថា កម្ពុជាកំពុងតែធ្វើការពង្រឹងកីឡាករ ដើម្បីអោយមានសមត្ថភាពឈ្នះបានមេដាយមាសច្រើន នៅពេលកម្ពុជាធ្វើជាម្ចាស់ផ្ទះការប្រកួតកីឡារស៊ីហ្គេមនៅឆ្នាំ២០២៣ខាងមុខនេះ ៕
ចែករំលែកព័តមាននេះ