រាជធានីភ្នំពេញ ៖ អបអរសាទចំពោះកីឡាការិនីកម្ពុជាទទួលបានមេដាយមាសទី២ ដោយកីឡាការិនី វិត ចន្ថា លើវិញ្ញាសាលោតចម្ងាយ នៅអាស៊ានប៉ារ៉ាហ្គេមលើកទី១១ ប្រទេសឥណ្ឌូនេស៊ី នាព្រឹកថ្ងៃទី០១…
រាជធានីភ្នំពេញ ៖ អបអរសាទចំពោះកីឡាការិនីកម្ពុជាទទួលបានមេដាយមាសទី២ ដោយកីឡាការិនី វិត ចន្ថា លើវិញ្ញាសាលោតចម្ងាយ នៅអាស៊ានប៉ារ៉ាហ្គេមលើកទី១១ ប្រទេសឥណ្ឌូនេស៊ី នាព្រឹកថ្ងៃទី០១ ខែសីហា ឆ្នាំ២០២២ ។ នេះបើតាមការចេញផ្សាយរបស់ទូរទស្សន៍ជាតិកម្ពុជា(ទទក) ។
ប្រភពលើកឡើងនៅថ្ងៃទី០១ ខែសីហាថា មេដាយមាស១គ្រឿង ជាលើកដំបូង ដោយក្រុមកីឡាការិនីបាល់បោះជិះរទេះ ក្រោយយកឈ្នះ ក្រុមកីឡាការិនីបាល់បោះថៃ នៅវគ្គផ្តាច់ព្រ័ត្រ ក្នុងលទ្ធផល៧-៥ កាលពីល្ងាចថ្ងៃទី៣១ ខែកក្កដា ឆ្នាំ២០២២ លើវិញ្ញាសា នារី៣ទល់៣នាក់ ខណៈកីឡាវា.យកូនឃ្លីលើតុឈ្នះមេដាយសំរឹទ្ធិ លើវិញ្ញាសាវា.យគូ ។
ហើយនាព្រឹក ថ្ងៃទី០១ ខែសីហា ឆ្នាំ២០២២នេះ កីឡាការិនីពិការ អត្តពលកម្ម វ៉ិច ចន្ថា (ប្រភេទពិការ T44) ដណ្តើមបានមេដាយមាស១គ្រឿងបន្ថែម លើវិញ្ញាសារលោតចម្ងាយ ក្រោយពីធ្វើបានយ៉ាងល្អ ដោយលោតបាន៤,២៩ម៉ែត្រ ។
ឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្ម អត្តពលិកពិការកម្ពុជាបានបញ្ជាក់ពី ប្រទេសឥណ្ឌូណេស៊ីមកថា ពេលនេះអត្តពលិកពិការកម្ពុជាដណ្តើមបានមេដាយមាស២គ្រឿង និងសំរឹទ្ធិ១គ្រឿង ក្នុងព្រឹត្តិការណ៍ អាស៊ានប៉ារ៉ាហ្គេម លើកទី១១ នៅទីក្រុងសូឡូ ប្រទេសឥណ្ឌូណេស៊ី ៕
ចែករំលែកព័តមាននេះ