ភាពល្បីល្បាញពីរស់ជាតិឆ្ងាញ់ពិសារបស់បង្កងទឹកសាប នៅខេត្តតាកែវ បានធ្វើឲ្យទឹកដីគោកធ្លកនេះទទួលបានចំណូលពីបង្កងមិនតិចទេក្នុងមួយឆ្នាំៗ ។ ដោយសារទីផ្សារបង្កងកាន់ច្រើន អ្នកចិញ្ចឹមបង្កងនៅខេត្តតាកែវ បានសម្រុកចិញ្ចឹមបង្កងដែលមានទីផ្សារល្អនេះសម្រាប់ផ្គត់ផ្គង់ជីវភាពគ្រួសារ ។ ស្របគ្នានេះ តាមការវា.យតម្លៃរបស់រដ្ឋបាលជលផលនៃមន្ទីរកសិកម្មខេត្តតាកែវថា…
ភាពល្បីល្បាញពីរស់ជាតិឆ្ងាញ់ពិសារបស់បង្កងទឹកសាប នៅខេត្តតាកែវ បានធ្វើឲ្យទឹកដីគោកធ្លកនេះទទួលបានចំណូលពីបង្កងមិនតិចទេក្នុងមួយឆ្នាំៗ ។
ដោយសារទីផ្សារបង្កងកាន់ច្រើន អ្នកចិញ្ចឹមបង្កងនៅខេត្តតាកែវ បានសម្រុកចិញ្ចឹមបង្កងដែលមានទីផ្សារល្អនេះសម្រាប់ផ្គត់ផ្គង់ជីវភាពគ្រួសារ ។
ស្របគ្នានេះ តាមការវា.យតម្លៃរបស់រដ្ឋបាលជលផលនៃមន្ទីរកសិកម្មខេត្តតាកែវថា ការចិញ្ចឹមបង្កងធម្មជាតិបែបលក្ខណៈគ្រួសារនៅតាមតំបន់ក្នុងខេត្តតាកែវ និងមានការកើនឡើងបន្ថែមទៀតផ្អែកលើការការផ្សព្វផ្សាយអំពីការចិញ្ចឹមបង្កងរបស់មន្ត្រីជំនាញនៅតំបន់ជាប់ដែននេសាទ ។ គេបានកត់សម្គាល់ថា ប្រជាកសិករធ្លាប់ចិញ្ចឹមបង្កងកំពុងបង្កើនការចិញ្ចឹមកាន់តែច្រើនឡើង ។
នៅពេលចុះពិនិត្យមើលការចិញ្ចឹមបង្កងរបស់ពលរដ្ឋម្នាក់នៅក្នុងឃុំសំបួរ ស្រុកទ្រាំង ខេត្តតាកែវ ថ្មីៗនេះលោក អ៊ុក ហាក់ នាយរងខណ្ឌរដ្ឋបាលជលផលនៃមន្ទីរកសិកម្មខេត្តតាកែវបានឱ្យដឹងថា នៅក្នុងខេត្តដែលល្បីមានបង្កងឆ្ងាញ់លើសគេនៅកម្ពុជានេះ មន្ត្រីបានកំពុងតែពង្រីកការផ្សព្វផ្សាយពីការចិញ្ចឹមបង្កងដល់ពលរដ្ឋ ។
មន្ទីរកសិកម្មខេត្តតាកែវ បានដាក់ចុះនូវផែនការសម្រាប់ខណ្ឌរដ្ឋបាលជលផលធ្វើការផ្សព្វផ្សាយផ្តោតទៅលើស្រុកដែលជាប់ដែននេសាទមានដូចជា នៅស្រុកទ្រាំងប៉ែកខាងកើតដូចជា ស្រុកបុរីជលសារ ស្រុកកោះអណ្តែត និងស្រុកអង្គរបុរី ។
មន្ត្រីបញ្ជាក់ថា «ជាគោលការណ៍ខ្ញុំចង់ពង្រីកកន្លែងចិញ្ចឹមបង្កងបែបធម្មជាតិនេះឱ្យបានច្រើន ។ ប៉ុន្តែ ប្រជាពលរដ្ឋពួកគាត់មានការយល់ដឹងនៅមានកម្រិតនៅឡើយ ។ទោះបីជាណាមន្ត្រីនៅតែមានទឹកចិត្តជំរុញអាចថា នៅឆ្នាំ២០២៣ ខាងមុខនេះ អង្គភាពយើងគម្រោងធ្វើការផ្សព្វផ្សាយដល់ប្រជាពលរដ្ឋនៅឃុំសំបួរស្រុកទ្រាំងខេត្តតាកែវនេះបានច្រើនគ្រួសារថែមទៀត»។
លោកសាប់ សារុន អ្នកចិញ្ចឹមបង្កងបែបធម្មជាតិលក្ខណៈគ្រួសារនៅភូមិឃុំខាងលើបានឱ្យដឹងថា ការចិញ្ចឹមបង្កង បានប្រាក់ចំណូលគួរសមដល់គ្រួសារលោក នៅក្នុងការចិញ្ចឹមជីវិត ។ តែលោកថា ការងារនេះទាមទារឱ្យកសិករ ឧស្សាហ៍ ព្យាយាមផងដែរ ដូចជា ការពិនិត្យគុណភាពទឹកឱ្យបានញឹកញាប់ បើមិនដូច្នេះ នឹងមានបញ្ហាដល់ការលូតលាស់បង្កង ។
តាមការចំណាំបង្កងធម្មជាតិខេត្តតាកែវសម្បូរនៅក្នុងខែវិចិ្ឆកា ។ ភាពល្បីល្បាញកង្កងទឹកសាបនៅខេត្តនេះបានធ្វើឲ្យក្រសួងពាណិជ្ជកម្ម គ្រោងចុះបញ្ជីម៉ាកសម្គាល់ភូមិសាស្ត្រ«បង្កងតាកែវ» ក្នុងពេលឆាប់ៗនេះ ។
ការដាក់ «បង្កងតាកែវ» ចុះក្នុងបញ្ជីម៉ាកសម្គាល់ភូមិសាស្ត្រនេះ គឺដើម្បីបង្ហាញពីសក្ដានុពលបង្កងទឹកសាបរបស់ខេត្តកែវ ពិសេសជួយពង្រឹងតម្លៃ និងទំនុកចិត្តដល់អ្នកទិញ និងដើម្បីទប់ស្កាត់ការក្លែងបន្លំទំនិញ ៕
ចែករំលែកព័តមាននេះ