អ្នកនេសាទសមុទ្រលើកគ្នាមកតវ៉ានៅសាលាឃុំអង្កោល
- កែប
ខេត្តកែប ៖ អ្នកនេសាទរាប់រយនាក់ មកពីភូមិអំពេង និងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប កាលពីរសៀលថ្ងៃទី២៨ កក្កដា…
ខេត្តកែប ៖ អ្នកនេសាទរាប់រយនាក់ មកពីភូមិអំពេង និងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប កាលពីរសៀលថ្ងៃទី២៨ កក្កដា បាននាំគ្នាមកសាលាឃុំអង្កោល ដើម្បីធ្វើការសំណួមពរពីអាជ្ញាធរ រួមទាំងមន្ត្រីជលផល ។
អ្នកនេសាទម្នាក់ឈ្មោះម៉ី វុទ្ធី អាយុ៤០ឆាំ្ន មកពីភូមិអំពេងបាននិយាយប្រាប់អាជ្ញាធរមូលដ្ឋានឃុំអង្កោល រួមទាំងលោកចក់ ស៊ីនាថ មន្ត្រីជលផលខេត្តកែបថា សុំកុំអោយខាងជលផលរួមទាំងជនជាតិបារាំង ឈប់យកលូមានមាត់ទម្ងន់កន្លះតោន ដឹកទំលាក់រាយចោលក្នុងសមុទ្រទៀតទៅ ព្រោះការដឹកលូមានមាត់រាប់រយយកទៅលាក់ក្នុងសមុទ្របែបនេះ អ្នកនេសាទជួបការលំបាកច្រើន ដូចជាអូសមងមិនកើត និងមងអ្នកនេសាទខ្លះ ត្រូវបានទាក់ដាច់អស់ក៏មាន ។
អ្នកនេសាទរូបនេះនិយាយទៀតថា បើមន្ត្រីជលផលរួមទាំងជនបរទេសនៅតែបន្តដឹកលូមានមាត់ដឹកមកទំលាក់ចោលនៅកន្លែងពួកគាត់នេសាទទៀត ច្បាស់ជាត្រូវដាច់បាយហើយ ។ ឈ្មោះម៉ី វុទ្ធីបានសំណួមពរលោកចក់ ស៊ីនាថ មន្ត្រីជលផលថា កុំឱ្យមានឧបករណ៍ឆក់ត្រីឱ្យសោះ ព្រោះទូកនេសាទនីមួយៗសុទ្ធតែប្រើឧបករណ៍ឆក់ត្រីខុសច្បាប់ ។ សូម្បីតែឈួចរុញយកកូនបង្គារ ក៏បំពាក់ឧបករណ៍ឆក់យកដែរ ។
ប្រជាពលរដ្ឋដែលមានមុខរបរជាអ្នកនេសាទសមុទ្រម្នាក់ៗជាប់20ឆាំ្នបានលើកឡើងព្រមៗគ្នាថាកុំឱ្យមានការលំអៀងអោយសោះ ។ បើទូកគេដាក់ឧបករណ៍ឆក់បាន ទូកពួកគាត់ក៏ដាក់ឧបករណ៍ឆក់បានដែរ ។ អ្នកនេសាទទាំងអស់ដែលបានមកសំណូមពរនៅសាលាឃុំអង្កោលស្រែកថា សុំកុំឱ្យទូកអ្នកនេសាទប្រើប្រាស់ឧបករណ៍ឆក់ និងសុំអោយមន្ត្រីជលផលតាមដាន។ អ្នកនេសាទបានសួរទៅមន្ត្រីជលផលថា តើចាប់ដុំភ្លើងជាប់200ដុំយកទៅណាអស់ ។
លោកចក់ ស៊ីនាថ មន្ត្រីជលផលបាននិយាយប្រាប់ទៅអ្នកនេសាទថា ការដាក់លូមានមាត់មានទំងន់កន្លះតោនដឹករាយទំលាក់ក្នុងសមុទ្រនោះ គឺធ្វើទៅតាមគោលការណ៍ថ្នាក់លើជាកន្លែងអភិរក្សការពារធនធានធម្មជាតិ រួមមានផ្កាថ្មនិងជីវចម្រុះក្នុងសមុទ្រជាច្រើនទៀត។ លោកចក់ ស៊ីនាថនិយាយថា ខាងអាជ្ញាធរនិងយកការសំណួមពរនេះ ទៅថ្នាក់ក្រសួងថា តើត្រូវធ្វើបន្តឬក៏ត្រូវអោយផ្អាក។
លោកចក់ ស៊ីនាថនិយាយប្រាប់ប្រជាពលរដ្ឋមានមុខរបនេសាទថា ករណីរឿងទូកប្រើឧបករណ៍ឆក់ត្រី មិនមែនរូបលោកតែម្នាក់ឯងបង្គ្រាបបាននោះទេ ទាល់តែមានអ្នកនេសាទចូលរួមជួយទប់ស្កាត់ទើបចាប់បាន ។
លោកចក់ ស៊ីនាថ ត្រេកអរនិងអ្នកនេសាទចួលរួមបង្គ្រាបបទល្មើសនេសាទថា កុំអោយប្រើទាំងអស់គ្នាទើបចប់ ។ នៅរសៀលថ្ងៃដដែលនោះ ការរកដំណោះស្រាយត្រូវបានបញ្ចាប់ដោយសាប្រជាអ្នកនេសាទដណ្ដើមគ្នានិយាយពុំមានហេតុផល។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ