ADផ្ទាំងផ្សព្វផ្សាយពាណិជ្ជកម្ម

Picture

លេង​ខូច​គេ​មែន​!​ សហព័ន្ធ​ម៉ូតូ​ទឹក​ថៃ​ខ្លា.ច​ចាញ់​កម្ពុជា​ហ៊ាន​ស្នើ​ឱ្យដក​វិញ្ញាសា​សំខាន់​២​ចេញពី​ការ​ប្រកួត

1 ខែ មុន
  • ភ្នំពេញ

រាជធានី​ភ្នំពេញ ៖ កីឡាករ​សាលី អូ​មើ​ត និង​កីឡាករ​ម៉ីន មូស​ស្តា​ន បាន​ប្រាប់​សារព័ត៌មាន​ក្នុងស្រុក​

រាជធានី​ភ្នំពេញ ៖ កីឡាករ​សាលី អូ​មើ​ត និង​កីឡាករ​ម៉ីន មូស​ស្តា​ន បាន​ប្រាប់​សារព័ត៌មាន​ក្នុងស្រុក​មួយ​ថា ពួក​គេ​ទាំង​ពីរ​រូប​ទទួល​បរាជ័យ​ហើយ​នៅ​ក្នុង​ព្រឹត្តិការណ៍ World Series 2022 ដែល​ប្រទេស​ប៉ូ​ឡូញ​ធ្វើ​ជា​ម្ចាស់ផ្ទះ ចាប់ពី​ថ្ងៃ​ទី​១៩-២៤​កក្កដា ដោយសារ​សហព័ន្ធ​ម៉ូតូ​ទឹក​ថៃ​ទាមទារ​ឱ្យគណៈកម្មការ​រៀបចំ​ការ​ប្រកួត ដក​បេក្ខភាព​កម្ពុជាចេញពី​វិញ្ញាសា​ដែល​មាន​សក្ដានុពល​បំផុត ដោយសារ​​ខ្លា.ច​​កម្ពុជា​ដណ្ដើម​បាន​ជើងឯក​ម្ដងទៀត​។

គេ​ដឹង​ហើយ​ថា កីឡាករ​ម៉ូតូ​ទឹក​សាលី អ៊ូ​មើ​ត​គឺជា​ម្ចាស់​ជើងឯក​ពិភពលោក​លើ​វិញ្ញាសា​Pro-Aim Ski Super Stok កាលពី​ឆ្នាំ​២០១៩ ប៉ុន្តែ​បាន​មក​បរាជ័យ​ក្នុង​ព្រឹត្តិការណ៍​World Series 2022​នៅ​ឆ្នាំ​២០២២ ដោយសារ​គណៈកម្មការ​រៀបចំ​ការ​ប្រកួត​មិន​អនុញ្ញាត​ឱ្យ​ម្ចាស់​ជើងឯក​រូប​នេះ​ចុះ​ឈ្មោះ​ប្រកួត​លើ​វិញ្ញាសា Expert Ski GP​នោះ​ទេ ក្រោយ​ពី​មានការ​ស្នើ​សុំ​ពី​សហព័ន្ធ​កីឡា​ម៉ូតូ​ទឹក​ថៃ​ឱ្យ​ដក​កម្ពុជា​ចេញពី​វិញ្ញាសា​នេះ​ជា​បន្ទាន់​។​កីឡាករ​សាលី អ៊ូ​មើ​ត បាន​លើក​ឡើង​ថា ការ​ស្នើ​សុំ​របស់​ភាគី​ថៃ​ដោយសារ​តែ​ខ្លាច​កម្ពុជា​ដណ្ដើម​បាន​ជើងឯក​ពិភពលោក​ម្ដងទៀត ព្រោះ​វិញ្ញាសា​Expert Ski GP ជា​វិញ្ញាសា​ជំនាញ​របស់​កម្ពុជា​។​ម្យ៉ាងវិញទៀត ការ​តវ៉ា​របស់​ថៃ​មិន​ឱ្យ​កីឡាករ​កម្ពុជា​ប្រកួត​នេះ​ដោយសារ​តែ​កម្ពុជា​ធ្លាប់​ឈ្នះ​ពាន​ច្រើន​ពេក ទើប​ឱ្យ​កម្ពុជា​ប្រកួត​វិញ្ញាសា​ផ្សេង​វិញ​ដែល​មិនមែន​វិញ្ញាសា​ជំនាញ​របស់​យើង ។

មិនតែប៉ុណ្ណោះ​ត្រូវ​ជួល​ម៉ូតូ​ទឹក​គេ​ទៀត ដែល​យើង​ក៏​ដឹង​ដែរ​ថា ម៉ូតូ​ជួល​គេ​មិន​ស្រួល​ដូច​ម៉ូតូ​ខ្លួនឯង​នោះ​ទេ​។

សាលី អ៊ូ​មើ​ត និង​មិន អូ​ស្តា​ន ត្រូវ​បាន​គណៈកម្មការ​រៀបចំ​ការ​ប្រកួត​តម្រូវ​ឱ្យ​ប្រកួត​លើ​វិញ្ញាសា​ចំនួន​២​គឺ​វិញ្ញាសា​Pro –Aim Ski Grand prix និង​Pro Am Ski Lites​ដែល​មិនមែន​ជា​វិញ្ញាសា​ជំនាញ​របស់​ពួក​គេ​។ កីឡាករ​សាលី អ៊ូ​មើ​តបាន​ប្រាប់​ថា វិញ្ញាសា​នេះ​ដើម​ឡើយ​មានឈ្មោះ​ថា​Pro-Aim Ski Modified ប៉ុន្តែ​ពេល​មក​ដល់​អឺរ៉ុប​បាន​ប្ដូរ​ឈ្មោះ​ជា​Expert Ski GP​វិញ​។

ពេល​មក​ដល់​ប៉ូ​ឡូញ សហព័ន្ធ​ម៉ូតូ​ទឹក​ថៃ​បាន​តវ៉ា​មិន​ឱ្យ​យើង​ប្រកួត​លើ​វិញ្ញាសា​នេះ​ទេ ដោយ​កន្លង​មក​យើង​ធ្លាប់​ឈ្នះ​ពាន​ច្រើន​ពេក ។ ទោះបីជា​មានការ​ដាក់​សម្ពាធ​ឱ្យ​កម្ពុជា​ប្រកួត​លើ​វិញ្ញាសា​ដែល​ខ្លួន​មិន​មាន​សក្ដានុពល​ក៏​ដោយ តែ​សាលី អ៊ូ​មើ​ត ត្រូវ​ប្រឹងប្រែង​រក​ពិន្ទុ​បាន​ខ្លះ​ដើម្បី​ត្រៀម​ចូលរួម​ប្រកួត​ជុំ​ទី​២​នៅ​សហរដ្ឋ​អាម​រិ​ក​ជា​បន្ត​ទៀត​ដែល​ដល់​ពេល​នោះ​គេ​នឹង​យក​ម៉ូតូ​ផ្ទាល់ខ្លួន​មក​ជិះ​វិញ​។

សម្រាប់​ការ​ប្រកួត​លើ​វិញ្ញាសា​Pro Ski Grand Prix​កីឡាករ​កម្ពុជា​ទទួល​បាន​ចំណាត់​ថ្នាក់ទាប​បំផុត​ក្នុង​ចំណោម​កីឡាករ​ចុះ​ឈ្មោះ​២៣​នាក់​គេ​ទទួល​បាន​ចំណាត់​លេខ​២១ ។ ចំពោះ​វិញ្ញាសា Pro Aim Ski Lites សាលី អ៊ូ​មើ​ត ទទួល​បាន​ចំណាត់ថ្នាក់​លេខ​១២ និង​ម៉ី​ន មូស​ស្ដា​ន លេខ​១៩ ក្នុង​ចំណោម​កីឡាករ​២០​រូប ។ ចំណែក​ម៉ូតូ​ទឹក​ផ្ទាល់ខ្លួន​ចំនួន​២​គ្រឿង​របស់​សាលី អូ​មើ​ត​ដែល​បាន​ដឹក​ជញ្ជូន​ទៅ​កាន់​ប្រទេស​ប៉ូ​ឡូញ​ត្រូវ​ចំណាយ​អស់​២៤០០០​ដុល្លារ ។ ប៉ុន្តែ​មិន​ត្រឹមតែ​មិន​បាន​ជិះ​ប្រកួត​នោះ​ទេ​បែរជា​ត្រូវ​ភាគី​ថៃ​ស្នើ​សំ​ុ​ជិះ​ប្រកួត​ទៅ​វិញ​ដោយសារ​តែ​កីឡាករ​កម្ពុជា​មិន​អាច​ជិះ​ប្រកួត​បាន​ព្រោះ​ខុស​វិញ្ញាសា​។

តាមតែ​គេ​ធ្លាប់​ដឹង កីឡាករ​កម្ពុជា​ទាំង​២​រូប​នេះ​ធ្លាប់​ដណ្ដើម​បាន​ជ័យជម្នះ​ច្រើន​លើក​ច្រើន​សា​នៅ​លើ​ឆាក​អន្តរជាតិ​និង​តំបន់​អឺរ៉ុប​។​ជាក់ស្ដែង នៅ​ឆ្នាំ​២០១៩ សាលី អ៊ូ​មើ​ត ឈ្នះ​មេដាយមាស​នៅ​ក្នុង​ព្រឹត្តិការណ៍​Jet Ski World Final​និង​ឆ្នាំ​២០២១​ឈ្នះ​មេដាយមាស​លើ​វិញ្ញាសា​Pro-Aim Ski Modified ។ នៅ​ក្នុង​ព្រឹត្តិការណ៍​ដូច​គ្នា កីឡាករ​មី​ុ​ន មូស​ស្តា​ន ឈ្នះ​មេដាយ​សំរឹទ្ធ​លើ​វិញ្ញាសា​Pro-Aim Ski Modified​នៅ​ឆ្នាំ​២០២១​និង​មេដាយ​ប្រាក់​ឆ្នាំ​២០១៩ ៕

Picture
Picture
Picture