រាជធានីភ្នំពេញ ៖ អ្នកលេងបណ្តាញសង្គមហ្វេសប៊ុកផ្សាយលក់ផលិតផលល្បីខ្ទរខ្ទារ ប្រពន្ធពូចក់ គឺអ្នកនាង ទ្រិញ ផល្លា មួយរយៈក្រោយនេះ ក៏មានការប្រះស្រាំក្នុងរង្វង់គ្រួសារកើតរឿងក្តីក្តាំងប្តឹងផ្តល់គ្នាទៅតុលាការ រហូតមានដីកាកោះឲ្យចូលបំភ្លឺរៀងខ្លួន ។
លោក សឿ ឡង់ឌី ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ បានចេញដីកាកោះអញ្ជើញឈ្មោះ ទ្រិញ ផល្លា ភេទស្រី អាយុ៣៤ឆ្នាំ ជាជនសង្ស័យ មានទីលំនៅផ្ទះលេខ១៨.១៩ ក្នុងភូមិចម្កាឪឡឹក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ឲ្យចូលខ្លួនទៅកាន់អយ្យការអមសាលាដំបូងរាជធានីភ្នំពេញ ជាន់ទី៣ បន្ទប់អក្ស «ត» ។
នៅថ្ងៃទី២៨ ខែកក្កដា ឆ្នាំ២០២២ វេលាម៉ោង៩និង៣០នាទីព្រឹក ដើម្បីសាកសួរពីដំណើររឿង បណ្តឹងរបស់ឈ្មោះ ជឿន ចក់ ហៅពូចក់ ភេទប្រុសពីបទ.ឆបោ.ក និងរំលោ.ភលើទំនុកចិត្ត ។ សាមីខ្លួនត្រូវអញ្ជើញតាមដីកាកោះនេះ ឲ្យបានទាន់ពេលវេលា និងយកលិខិតផ្សេងៗ ដែលទាក់ទងនឹងបណ្តឹងខាងលើមកជាមួយផង ប្រសិនបើមាន ។
គិតមកដល់វេលាម៉ោង១១ព្រឹកថ្ងៃទី២៨ ខែកក្កដា នេះ ជនសង្ស័យឈ្មោះ ទ្រិញ ផល្លា ដែលរងនូវបណ្តឹង ពូចក់ ដែលជាស្វាមីកំពុងចែកផ្លូវគ្នានោះ អត់បានបង្ហាញខ្លួននៅចំពោះមុខអយ្យការ នៃសាលាដំបូងរាជធានីភ្នំពេញទេ ។ នេះជាដីកាកោះលើកទី១ ដែលជនសង្ស័យមិនចូលខ្លួន ដូច្នោះតំណាងអយ្យការ អាចនឹងចេញដីកាកោះលើកទី២ បន្តទៀត ហើយបើសិនដីកាលើកទី២ នៅតែមិនចូលទេ អាចមានដីកាបញ្ជាឲ្យចូលខ្លួន (ស្មើចាប់ខ្លួន) តែម្តង ។
គួររំលឹកថា ៖ លោកជំទាវ ហ៊ុន ស៊ីណាត ព្រមា.នដាក់ពាក្យបណ្តឹងលើលោកផែង វណ្ណៈ ជុំវិញរឿងមួយ។ គួររំលឹកទៀតថា ៖ ក្រោយភ្លៀង មេឃស្រឡះ!! រឿងរ៉ាវលោកជំទាវ ហ៊ុន ស៊ីណាត និងលោកផែង វណ្ណៈ ឈានដល់ការបញ្ចប់ ៕
ចែករំលែកព័តមាននេះ