ខេត្តក្រចេះ ៖ លោកគ្រូ អ្នកគ្រូ ប្រមាណខ្ទង់ជា៨០%នៃវិទ្យាល័យថ្មក្រែ ស្ថិតនៅឃុំថ្មក្រែ ស្រុកចិត្របុរី ខេត្តក្រចេះ បានធ្វើកូដកម្មមិនព្រមចូលបង្រៀន កាលពីថ្ងៃទី១៨ កក្កដា ដោយពួកគាត់ទាមទាឲ្យថ្នាក់ដឹកនាំមន្ទីរ ក្រសួងផ្លាស់ប្ដូរនាយកសាលាចេញពីតំណែង ដោយលើកឡើងថា លោកនាយកសាលារូបនោះមិនចេះគ្រប់គ្រង ហើយប្រកាន់បក្សពួក ធ្វើឲ្យសាលាអន់ថយធ្លាក់ដល់ចំណុចសូន្យ ។ ហើយពេលនេះ គាត់បានចូលបង្រៀនជាធម្មតាវិញ ដោយមានការអាណិតសិស្សដែលត្រូវត្រៀមជិតប្រឡងនៅពេលខាងមុខ។ សូមរំលឹកថា៖ គ្រូបង្រៀនលើកគ្នាធ្វើកូដកម្មមិនចូលបង្រៀន ទាមទារឲ្យក្រសួងអប់រំដកតំណែងនាយកសាលា
លោកគ្រូម្នាក់នៅវិទ្យាល័យថ្មគ្រែបានប្រាប់កោះសន្តិភាព កាលពីព្រឹកថ្ងៃទី២៨ កក្កដា នេះថា ការចូលបង្រៀនវិញនេះ មិនមែនមានការយលព្រម ឬដោយសារការសម្របសម្រួលអ្វីទេ ដោយសារលោកគ្រូទាំងអស់គាត់ឃើញថា សិស្សអត់បានរៀនសូត្រ រកេតរកូតអាណិតសិស្ស ចឹងក៏ចូលបង្រៀនតាមតួនាទីរៀងៗខ្លួនវិញ ។
ប៉ុន្តែចេញផុតពីម៉ោងបង្រៀនគាត់ទៅផ្ទះវិញ ការងារសហការជាមួយសាលា ពួកគាត់មិនធ្វើទេ ម្យ៉ាងសិស្សថ្នាក់ទី៩និងថ្នាក់ទី១២ ជិតប្រឡង គាត់អាណិត គាត់មិនចោលទេ ។ គោលជំហរមិនប្រែប្រែលទេ ព្រោះបុគ្គលិកទាំងអស់គាត់ថា បើទុកនាយកសាលានៅការងារអភិវឌ្ឍន៍សាលាមិនអាចទៅមុខទេ ពីព្រោះលោកនាយកសាលាគាត់មានគំនិតអវិជ្ជមានខ្ពស់លើសលុប។
សូមរំលឹកឡើងវិញថា ក្រុមលោកគ្រូអ្នកគ្រូមិនពេញចិត្តក្នុងការដឹកនាំរបស់លោក ស៊ុន ម៉េងកាន នាយកសាលាវិទ្យាល័យថ្មក្រែសព្វនេះ គ្រប់គ្រងមិនច្បាស់លាស់ ដឹកនាំប្រកាន់បក្សពួកនិយម ធ្វើអ្វីតាមតែចិត្តនឹកឃើញ មិនដែលពិភាក្សាជាមួយលោកគ្រូអ្នកគ្រូ ឫលោកនាយរងនោះទេ ហើយមិនដែលស្ដាប់យោបល់ពីបុគ្គលិកទេ ហើយរឿងដែលចង់អភិវឌ្ឍនសាលាគាត់មិនមានការសួរយោបល់ពីបុគ្គលិកទីចាត់ការ លោកគ្រូអ្នកគ្រូទាំងអស់ធ្វើអ្វីតាមតែចិត្តខ្លួនឯង គ្មានតម្លាភាពក្នុងការអភិវឌ្ឍន ការចាយវាយថវិការបស់សាលាបុគ្គលិកមិនដែលដឹងរឿង ហើយការអភិវឌ្ឍន៍សាលាមិនទៅមុខ អ្វីដែលខាងក្រសួងឬមន្ទីរដាក់មក គាត់យកមកផ្អឹបបចោលមិនបានផ្ដល់ព័ត៌មានដល់បុគ្គលិក ឬលោកគ្រូអ្នកគ្រូនោះទេ ។
លុះដល់ពេលកំណត់ គាត់ក៏ស្តីបន្ទោសគេថា ធ្វើមិនទាន់ ថាគេមិនជួយ ហើយគ្រប់រឿងទាំងអស់សុទ្ធតែគ្មានតម្លាភាពក្នុងការគ្រប់គ្រង់របស់លោកនាយក អញ្ជឹងហើយបានជាលោកគ្រូអ្នកគ្រូទាំងអស់មិនពេញចិត្ត ចង់សួរនាំ ចង់ផ្ដល់យោបលគាត់មិនដែលតាម ហើយគាត់មិនដែលផ្ដល់ដំណឹងឬព័ត៌មានឲ្យបុគ្គលិកផឲ្យបានច្បាស់នោះទេ ។
លោកគ្រូអ្នកទាំងអស់បានលើកឡើងថា តាំងពីលោកស៊ុន ម៉េងកាន កាន់តំណែងជានាយកសាលាមកការដឹកនាំរបស់គាត់ធ្វើឲ្យ សាលាមានការអន់ថយច្រើន ដោយសារសាលានេះកាលពីមុនមកកាលសម័យគាត់នៅរៀន រហូតដល់គាត់ធ្វើជាគ្រូបង្រៀននៅសាលាវិទ្យាល័យថ្មក្រែនេះទៀតសាលានេះបានផលល្អជារៀងរាល់ឆ្នាំការប្រលងចំណាត់ថ្នាក់បានល្អ។ ក្រោយពីលោកនាយក មកគ្រប់គ្រងសាលាមានការធ្លាក់ចុះសាលាវិទ្យាល័យមានចំនួន១០ ជាប់ចំណាត់ថ្នាក់លេខ១០ ដល់គេបង្កើតសាលាចំនួន១១សាលាវិទ្យាល័យនេះជាប់ចំណាតថ្នាក់ទី១១។
លោកបញ្ជាក់ទៀតថា ពេលចុងឆ្នាំសិស្សពីថ្នាក់ទី៧ ដល់ថ្នាក់ទី១១ មានការប្រលងធ្លាក់ គ្រូបន្ទុប់បានឲ្យពួកគាត់ធ្លាក់រួចហើយ ដល់ពេលចូលកងថ្មីមកពួកគាត់មានឈ្មោះឡើងថ្នាក់ហើយគ្រូបន្ទប់ថ្នាក់មិនដឹងថាគាត់ឡើងថ្នាក់វិធីណាទេ នេះជាបញ្ហាគាត់ដឹកនាំដែរ។ ក្រុមលោកគ្រូអ្នកគ្រូ សូមសំណុំពរឲ្យប្រធានមន្ទីរ ឬក្រសួងអប់រំមានវិធានការផ្លាស់ប្ដូរលោកនាយកសាលានេះចេញ ទើបពួកគាត់ចូលបង្រៀន បើបណ្ដោយអោយលោកនាយករូបនេះនៅបន្តគ្រប់គ្រងសាលាគ្មានការីកចម្រើននោះទេ។
ពាក់ព័ន្ធនិងបញ្ហាខាងលើនេះ លោក ស៊ុន ម៉េងកាន នាយកវិទ្យាល័យថ្មក្រែ បានបញ្ជាក់ថាហេតុផលថា ចំពោះលោកគ្រូអ្នកគ្រូធ្វើកូដកម្មមិនចូលបង្រៀន មានជាងពាក់កណ្ដាល ហើយករណីដែលឈានដល់លោកគ្រូអ្នកគ្រូធ្វើកូដកម្មមិនចូលបង្រៀនមានចំនួន២ករណី ។
ករណីទី១-គាត់បានទៅសិក្ខាសិលានៅសាលាតិចណូ លោកបានដាក់លោកគ្រូម្នាក់ អ្នកគ្រូម្នាក់រួមទាំងរូបលោកចំនួន៣នាក់ ទៅរៀនចំនួន១០ថ្ងៃ ហើយក្នុងករណីលោកទៅរៀននោះធ្វើឲ្យមានការច្រណែនឈ្នានីសពីបុគ្គលិកមួយចំនួនដែលគាត់មិនបានទៅរៀន ដោយគាត់ថាហេតុអ្វីអ្នកគ្រូដែល ទើបនិងចូលបង្រៀននៅវិទ្យាល័យថ្មគ្រែបានតែ២ឆ្នាំទេ ហេតុអ្វីមិនដាក់ពួកគាត់ទៅ បែជាដាក់អ្នកគ្រូទើបចូលថ្មីអោយទៅរៀនវិញ។
ករណីទី២-រូបលោកទៅរៀន ហេតុអ្វីមិនដាក់នាយករងឲ្យទៅរៀន បែរជាទៅរៀនខ្លួនឯង រូបលោកទៅសិក្ខាសិលាញយដងហើយបែរជាដាក់ឈ្មោះខ្លួនឯងទៅទៀត។ ហើយពាក់ព័ន្ធនិងសាលាអន់ថយ មិនពាក់ព័ន្ធនិងនាយកទេ គឺការបង្រៀន លោកខំយកចិត្តទុកដាក់មកគ្រប់គ្រងសាលាហើយមកសាលាមិនដែលនៅផ្ទះទេ លើកលែងតែពេលយប់ លោកបានបូជាកម្លាំងកាយចំពោះសាលាច្រើនណាស់ ប៉ុន្តែលោកគ្រូអ្នកគ្រូមិនសូវយកចិត្តទកដាក់បង្រៀនម៉ោងរដ្ឋទេ គាត់តែងតែមកយឺត គាត់ចេញមុនទោះបីមានការប្រជុំណែនាំយ៉ាងណាក៍ដោយពួកគាត់មិនកែទេ ពួកគាត់មុជជ្រៅតែម៉ោងបង្រៀនគួ ។
ប្រធានមន្ទីរអប់រំ យុវជន និងកីឡាខេត្តក្រចេះ លោកឡាយ បូរ៉ា បានឲ្យដឹងនៅព្រឹកថ្ងៃទី២៨ កក្កដានេះដែរថា ពាក់ព័ន្ធករណីដែលលោកគ្រូអ្នកគ្រូធ្វើកូដកម្មមិនចូលសាលាបង្រៀនសិស្សនោះ ឥឡូវពួកគាត់បានចូលបង្រៀនហើយ ។ លោកថា ខ្ញុំបានសម្របសម្រួលអោយគាត់បង្រៀនវិញហើយ តែអវត្តមានមួយពីរដោយសារគាត់ឈឺ ហើយខ្ញុំអោយនាយកពិនិត្យមើលធ្វើបញ្ជីគ្រូចូលបង្រៀនក្នុងមួយថ្ងៃ មានគ្រូបង្រៀនប៉ុន្មាននាក់ អោយគាត់តាមដានបន្តទៅទៀតថា តើគាត់គ្រាន់តែមមក ឬខ្លាចអីយ៉ាងណាម៉េច មិនអោយខ្លាចទេ ប៉ុន្តែសំខាន់លើការបង្រៀនសាច់ ព្រោះកូនចៅប្រជាពលរដ្ឋគាត់ត្រូវការរៀនសូត្រ ហើយបើមានបញ្ហារបៀបម៉េចមន្ទីរ ឬអាជ្ញាធរជួយសម្របសម្រួលបញ្ហាដែលកើតឡើង ហើយមន្ទីរចុះទៅសម្របសម្រួល ដើម្បីអោយគាត់ត្រូវគ្នាដោយសារមានការថ្នាំងថ្នាក់ចិត្តមួយចំនួនហ្នឹង ហើយពន្យល់អោយគាត់យល់ដូច្នេះពួកគាត់បានយល់ហើយឃើញថា គាត់បង្រៀនវិញខ្ញុំនឹងតាមដានបន្តទៀត។
លោកបន្តថា ក្រោយការសម្របសម្រួលឥឡូវឃើញថា ល្អប្រសើរឡើងវិញច្រើន ហើយយើងនិងកែសម្រួលថែមទៀត ដោយសារបញ្ហាខ្លះ គ្រូយើងយល់យ៉ាងម៉េច ជារឿងផ្សេង តែជាធម្មតាអោយតែមានបញ្ហាវាតែងមានការមិនពេញចិត្ត។
លោកប្រធានបន្តថា ពេលខ្លះយើងមិនអាចជឿទៅលើលោកគ្រូៗ ២ទៅ៣នាក់ ដែលធ្វើតម្រូវចិត្តគាត់ ឬជឿទៅលើនាយកស្រេចតែគាត់ថានោះដែរ ដោយសារពេលខ្លះគាត់មិនស៊ីសង្វាក់គ្នារឿងផ្សេងៗ អាហ្នឹងខ្ញុំមិនអាចបកស្រាយនាពេលនេះបានទេ ដោយសារការចុះអង្កេតតែងតែមានការខ្វះខាត ហើយជាទូទៅយើងធ្វើអ្វីមិនមែនចេះតែត្រូវទាំងអស់ទេ ចឹងយើងសម្របសម្រួលអោយដឹងកំហុសរៀងខ្លួន យើងអោយពួកគាត់ចាប់ដៃគ្នាធ្វើការប៉ុន្តែជាយ៉ាងណាលោកនៅតែមិនទាន់ហ៊ានឆ្លើយដែរ តែចំពោះមុខខ្ញុំដោះស្រាយបានប៉ុណ្ណឹង។
ទាក់ទិនការឆ្លើយតបរបស់លោកគ្រូដែលនៅតែប្រកាន់ជំហរថា មិនសហការលើកិច្ចការសាលា លោក ប្រធានមន្ទីរអប់រំយុវជននិងកីឡាលោកបញ្ជាក់ថា លោកមានគំនិតមួយ ព្រោះមុនដំបូងលោកចុះទៅសម្របសម្រួល ហើយនៅល្ងាចថ្ងៃទី២៨កក្តដានេះលោកបានរៀបចំការងារប្រជុំមួយទៀតដើម្បីដោះស្រាយរឿងហ្នឹងនៅមន្ទីរអប់រំទេ ព្រោះពាក់ព័ន្ធរឿងហ្នឹង យើងនឹងអញ្ជើញលោកគ្រូអ្នកគ្រូម្តង២ទៅ៣នាក់ សួរគាត់មើល៍ថាតើបញ្ហាហ្នឹងអាចសម្របសម្រួលបានយ៉ាងម៉េច យើងធ្វើអោយអស់លទ្ធភាព ព្រោះធម្មតាការដក ការតែងតាំងក៍មិនស្រួលដែរ ត្រូវមានគណៈកម្មការ យើងដកទាល់តែមានទល្ហីករណ៍អីច្បាស៎លាស់ ហើយបើលោកគ្រូលោកគ្រូគាត់នៅធ្វើចឹងវាពិបាកដែរ ។
កក្តាបកិច្ចមន្ត្រីរាជការបើយើងមានបញ្ហាអីជាមួយនាយក បង្រៀននៅត្រូវបង្រៀន អាហ្នឹងច្បាប់មន្ត្រីរាជការស៊ីវិល អាហ្នឹងប្រយ័ត្នយើងខុសវិញ លោកឧទាហរណ៍ថាបើគេប្រជុំគេអោយគ្រូធ្វើអីៗ យើងអត់ធ្វើគេចុះវត្តមានគ្រប់ចំនួនគេមានសិទ្ធលុបចោលឬស្នើលុបចេញ តែបើគាត់នៅតែបង្រៀនធម្មតាហើយមាបបញ្ហាកើតឡើងគាត់ដាក់ពាក្យមកមន្ទីរជា រឿងមួយផ្សេង ព្រោះកន្លងមោពេលកើតរឿងកូដកម្មហ្នឹង គាត់អត់មានដាក់ពាក្យអីមោ មន្ទីរទេ គាត់បានឆ្លើយថាបានដាក់ទៅមន្ទីរហើយតែមន្ទីរអត់រវីវល់ អត់ចុះដោះស្រាយ ចំនុចនេះខ្ញុំបដិសេធហើយលិខិតបានមោ ក្រោយពេលដែលខ្ញុំចុះទៅទេបានមានលិខិតនោះ។
លោកបន្ថែមថា អ្វីជាការដោះស្រាយដែលខ្ញុំចុះទៅហ្នឹង គឺគាត់ចង់និយាយថា អត់ព្រមបង្រៀនទេ ដោយសារអ្វី ទាល់តែដកនាយកហ្នឹងចេញ ចឹងខ្ញុំចង់បញ្ជាក់ថា សំណុំរឿងកាលណាវាកើតឡើងសូម្បីតុលាការ ក៏គេស្រាវជ្រាវអីសព្វបែបយ៉ាងដែរ បើយើងនៅតក់ក្រហល់ ក្រែងលោវាខុសដោយប្រការណាមួយ ព្រោះនីតិវិធីមិនអាចដោះស្រាយតាមតែចិត្តយើងទេ ៕
ចែករំលែកព័តមាននេះ