ខេត្តកំពត ៖ នៅរមណីយដ្ឋានភ្នំកំពង់ត្រាច មានស្ត្រីម្នាក់បានអះអាងថា ធ្លាប់លក់ដូរនៅផ្សារអូប្ញស្សី ឯរាជធានីភ្នំពេញ ហើយបច្ចុប្បន្ន គាត់បានមករស់នៅក្នុងរូងភ្នំ ដែលជារមណីយដ្ឋានទេសចរណ៍ គឺនៅភ្នំកំពង់ត្រាច…
ខេត្តកំពត ៖ នៅរមណីយដ្ឋានភ្នំកំពង់ត្រាច មានស្ត្រីម្នាក់បានអះអាងថា ធ្លាប់លក់ដូរនៅផ្សារអូប្ញស្សី ឯរាជធានីភ្នំពេញ ហើយបច្ចុប្បន្ន គាត់បានមករស់នៅក្នុងរូងភ្នំ ដែលជារមណីយដ្ឋានទេសចរណ៍ គឺនៅភ្នំកំពង់ត្រាច ខេត្តកំពត រហូតមកទល់បច្ចុប្បន្នថ្ងៃទី២៨ កក្កដា នេះ ។
ស្ត្រីខាងលើមានអាយុ៥៩ឆាំ្ន និយាយភាសារខ្មែរមិនសូវច្បាស់ បាននិយាយប្រាប់អោយដឹងថា គាត់ជាអ្នករស់នៅម្តុំផ្សារអូប្ញស្សី នៅរាជធានីភ្នំពេញ មានប្ដីជាមន្ត្រីគយ ប៉ុន្តែអ្វីៗត្រូវបានចែកផ្លូវគ្នាជាយូរឆាំ្នមកហើយ ហើយរូបគាត់ត្រូវលះបង់អ្វីៗទាំងអស់ ដោយយករូងភ្នំធ្វើជាផ្ទះ ។
គាត់បន្តថា ការលះបង់អ្វីៗគ្រប់យ៉ាងមករស់ក្នុងរូងភ្នំនេះ គឺគាត់មាននិស្ស័យខាងទស្សទាយនិងរៀបចំព្រះបដិមាកនៅក្នុងរូងទុកអោយបងប្អូនប្រជាពលរដ្ឋគាត់មានជំនឿជឿជាក់ទៅលើអ្វីមួយឬឡើងមកបែបន់សុំសេចក្ដីសុខតែប៉ុណ្ណោះ។ គាត់ជាអ្នកកាន់បារមីធំបាននិយាយប្រាប់បន្តថា មានផ្នូរស.ពកប់ចោលក្នុងឆាំ្ន១៩៤៣ ចំនួន១១កប់ចោលនៅក្នុងបរិវេណរមណីយដ្ឋានទេសចរណ៍ភ្នំកំពង់ត្រាច ហើយគាត់តែងតែបោសសំអាតផ្នូរស.ពទាំងនោះ និងផ្នូរមួយចំនួនទៀតនៅក្នុងព្រៃជាប់ និងថ្នភ្នំក៏កំពុងរៀបសម្រាប់កាប់ស្ការព្រៃធ្វើការសំអាតថ្នូរដែរ ។
ស្ត្រីខាងលើបន្តទៀតថា មានបារមីនិយាយថា កន្លងមក មានគេនិយាយថាគាត់មករស់នៅក្នុងភ្នំនេះថា កាន់សាសនានេះ កាន់សាសនានោះ តាមពិតអត់ទេ រស់នៅតាំងពីឆាំ្ន២០១០ រហូតដល់ឆាំ្ន២០២២នេះ តើមានឃើញបាត់បង់អ្វីខ្លះ? ដែលថាទ្រព្យសម្បត្តិរដ្ឋ ឬទ្រព្យសម្បត្តិអ្នកដទៃ ឬរំខានអ្វីមួយដល់សង្គម។
គាត់ថា ការទស្សទាយ ឬមើលអ្វីដែលឆុតឬក៏គេជឿនោះ គេក៏ថ្វាយដង្វាយជាប្រាក់តាមលទ្ធភាពតែប៉ុណ្ណោះ ព្រោះគាត់ជាអ្នកកាន់សិល្បមិនអាចធ្វើអ្វីបានទេ។
ទាក់ទិនករណីស្ត្រីខាងលើមករស់នៅក្នុងរូងភ្នំកំពង់ត្រាចនេះ លោកលន់ រម្យនា មន្ត្រីផ្នែកធម្មការនិងសាសនាស្រុកកំពង់ត្រាចបាននិយាយប្រាប់អោយដឹងដែរថា គាត់មករស់នៅក្នុងរូងភ្នំកំពង់ត្រាចនោះ គឺអាជ្ញាធរកំពុងតាមឃ្លាំមើលថា តើគាត់មករស់នៅទីនោះគាត់ធ្វើអ្វីខ្លះ? ហើយបើធ្វើអ្វីអោយហួសហែតុពេកអាជ្ញាធរក័មិនអោយធ្វើដែរ ។
ចែករំលែកព័តមាននេះ