រឿងបើកកៀរ! ម្ចាស់រថយន្តចោទប្រកាន់ក្រុមម៉ូតូកង់បីដេញតាមវា.យកម្ទេចរថយន្ត
- ភ្នំពេញ
បុរសម្នាក់បើករថយន្តបានប៉ះជាមួយក្រុមម៉ូតូកង់បី ដែលមានរហ័សនាមថា
បុរសម្នាក់បើករថយន្តបានប៉ះជាមួយក្រុមម៉ូតូកង់បី ដែលមានរហ័សនាមថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បើករថយន្តបានប៉ះជាមួយក្រុមម៉ូតូកង់បី ដែលមានរហ័សនាមថា «៩៨» បណ្តោលអោយខូចខាតតិចតួច រួចក៏បើករត់ចេញពីកន្លែងកើតហេតុ នៅខណ្ឌសែនសុខ រហូតមកដល់ខណ្ឌទួលគោក ក៏ត្រូវភាគីខាងម៉ូតូកង់បី លើកគ្នាប្រដេញតាមឃាត់ទាន់ ក៏នាំគ្នាព្រួតវា.យកម្ទេចរថយន្ដ និងម្ចាស់រថយន្ត បណ្តោលអោយរងរបួសធ្ងន់ នៅតាមផ្លូវ១៩៨៦ ចំណុចមុខក្លិប DOT សង្កាត់ភ្នំពេញថ្មី ខណ្ឌសែនសុខ បង្កឱ្យមានការភ្ញាក់ផ្អើលនៅតាមបណ្តោយផ្លូវ៥៩៨ ស្ថិតក្នុងសង្កាត់បឹងកក់១ ម្តុំស្តុបរង្វង់មូលកាំកូ ខណ្ឌទួលគោក ។
សេចក្តីរាយការណ៍បន្តថា រថយន្តរងគ្រោះខាងលើម៉ាកតូយ៉ូតាព្រូស ពណ៌ខៀវ ពាក់ស្លាកលេខ ភ្នំពេញ 2BQ-9483 រងការខូចខាតបែកកញ្ចក់ទាំងសង្ខាង និងក្រពឹតតួរថយន្ត រងការខូចខាតធ្ងន់ធ្ងរ ចំណែកម្ចាស់រថយន្តរបួសបែកក្បាល និងជាំភ្នែកផងដែរ។
បើតាមប្រភពពីម្ចាស់រថយន្តរងគ្រោះបានប្រាប់អោយដឹងថា មុនកើតហេតុ គាត់ទើបនឹងចេញពីក្លិបកម្សាន្តយីហោ «DOT» ខណៈពេលបើករថយន្តចេញមក ក៏បានបើកកៀរកញ្ចក់ម៉ូតូកង់បីគ្រឿង ដែលធ្វើដំណើរបញ្ច្រាសទិសគ្នា ។ ភ្លាមៗនោះ គាត់គិតថា មិនខូចខាតអ្វីធ្ងន់ធ្ងរ ក៏បានបើករថយន្តចេញ ស្រាប់តែក្រុមម៉ូតូកង់បីដែលគេស្គាល់ថា រហ័សនាម «98 Team» ជាក្រុមកាងនៅផ្លូវ១៩៨៦ បាននាំគ្នាជិះប្រដេញតាមរថយន្តរបស់គាត់មានទាំងម៉ូតូ និងកង់បីឥណ្ឌា ជាច្រើនគ្រឿង ។
ម្ចាស់រថយន្តខាងលើបន្តថា ដោយឃើញដូច្នោះ រូបគាត់ (ម្ចាស់រថយន្ត) ក៏បានបន្ថែមល្បឿនបើករត់គេចខ្លួន រហូតមកដល់ចំណុចស្តុបរង្វង់មូលកាំកូ តាមផ្លូវ៥៩៨ បានអែបរថយន្តអោយប្រជាពលរដ្ឋជួយ ។ ភ្លាមៗនោះ ក្រុមអ្នករត់ម៉ូតូកង់បីរហ័សនាម «៩៨» បានមកដល់ក៏នាំគ្នាព្រួតវា.យរថយន្ត និងដុំថ្ម មួកការពារសុវត្ថិភាព បណ្តាលឲ្យរថយន្តបែកកញ្ចក់ទាំងសង្ខាង និងក្រពឹតខូចខាតយ៉ាងដំណំ ។ ចំណែករូបគាត់ (ម្ចាស់រថយន្ត) ក៏ត្រូវក្រុមជនបង្កព្រួតគ្នាវា.យ បណ្តាលឲ្យបែកក្បាលខាងក្រោយ និងជាំភ្នែកខាងស្តាំ។ បន្ទាប់ពីបង្កហេតុ ក្រុមបក្សពួកខាងម៉ូតូកង់បីបានបោះពាក្យសម្តីថា «ហ្អែង ប៉ះបងប្អូនអញ វា.យ ហ្អែងអោយងា.ប់» ។
ក្រោយពេលមានការភ្ញាក់ផ្អើល ម្ចាស់រថយន្តបានសួររកកង់បីរងគ្រោះ តែរកឃើញស្នាមប៉ះខូចខាតតិចតួច ហើយខាងម៉ូតូកង់បី បានប្រាប់ថា ប៉ះម៉ូតូគេផ្សេងទៀត។ ម្ចាស់រថយន្តបានសួររកភាគីរងគ្រោះអោយមកដោះស្រាយជាមួយគាត់ បើគាត់ប៉ះពារអោយមានអ្នករងរបួស និងខូចខាតរបស់ទ្រព្យ គាត់ជាអ្នកចេញសង ។
ក្រោយកើតហេតុ បន្ទាប់ពីបង្កហេតុ ភាគីខាងម៉ូតូកង់បីបាននាំគ្នារត់គេចចេញពីកន្លែងកើតហេតុបាត់អស់។ នៅសល់តែរថយន្ដ និងម៉ូតូកង់បី ត្រូវបានសមត្ថកិច្ចខណ្ឌទួលគោក ប្រគល់អោយសមត្ថកិច្ចខណ្ឌសែនសុខ ចាត់ការបន្តតាមនីតិវិធី ។
ហើយក្នុងហេតុការណ៍នេះ ប្រជាពលរដ្ឋសង្ឃឹមថា សមត្ថកិច្ចនឹងមានចំណាត់ការទៅលើក្រុមបង្កដែលនាំគ្នាព្រួតវា.យគេ ហើយដើរចេញទៅបាត់ ធ្វើដូចគ្មានរឿងអ្វីកើតឡើងអញ្ចឹង ។
យ៉ាងណាម៉ិញ សារព័ត៌មានកោះសន្តិភាព នឹងរង់ចាំមើលថា តើខាងភាគីម៉ូតូកង់បី នឹងមានការបកស្រាយយ៉ាងណាទៅវិញ ចំពោះការចោទប្រកាន់របស់ភាគីខាងម្ចាស់រថយន្ត? ។
ចែករំលែកព័តមាននេះ