យុទ្ធនាការចាក់វ៉ាក់សាំងការពារជំងឺឆ្លងរាតត្បាត មិនមែនចាក់តែមនុស្សទេ សត្វក៏ចាក់ដែរ!
- ស្ទឹងត្រែង
ខេត្តស្ទឹងត្រែង៖ សត្វគោប្រមាណជា ៦. ៩៥៣ ក្បាល និងសត្វក្របី ៨ .១៥៥ ក្បាល បានទទួលថ្នាំវ៉ាក់សាំង…
ខេត្តស្ទឹងត្រែង៖ សត្វគោប្រមាណជា ៦. ៩៥៣ ក្បាល និងសត្វក្របី ៨ .១៥៥ ក្បាល បានទទួលថ្នាំវ៉ាក់សាំង…
ខេត្តស្ទឹងត្រែង៖ សត្វគោប្រមាណជា ៦. ៩៥៣ ក្បាល និងសត្វក្របី ៨ .១៥៥ ក្បាល បានទទួលថ្នាំវ៉ាក់សាំង ដើម្បីបង្កាជំងឺនានា ដោយក្រុមបសុពេទ្យ ចំណុះអោយមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង។ យុទ្ធនាការចាក់វ៉ាក់សាំងនេះ បានធ្វើឡើង នៅស្រុកសេសាន កាលពីថ្ងៃទី២៦ ខែកក្កដា ឆ្នាំ២០២២។
ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង លោក ទុំ នីរ៉ូ បញ្ជាក់ថា នៅទូទាំងខេត្ត មាន សត្វគោ ៣១. ៣០២ ក្បាល ក្របីចំនួន ៣៧ .៣៥០ ក្បាល ក្នុងនោះ ស្រុកសេសាន មានសត្វគោ ចំនួន ៦. ៩៥៣ ក្បាល និងសត្វក្របី ៨ .១៥៥ ក្បាល។
លោក ជា ថាវរិទ្ធ អភិបាលរងខេត្ត បានមានប្រសាសន៍ថា ដោយមានការយកចិត្តទុកដាក់ពីរាជរដ្ឋាភិបាល ដែលមានសម្ដេចតេជោ ហ៊ុន សែន ជាប្រមុខ បានធ្វើឱ្យប្រទេសជាតិ មានការរីកចម្រើនលើគ្រប់វិស័យ ក្នុងនោះ វិស័យកសិកម្ម នាំមុខគេ ដែលធ្វើឱ្យប្រជាពលរដ្ឋយើង មានសេដ្ឋកិច្ចគ្រួសារ កាន់តែប្រសើរ។
លោកបន្តថា ការចុះចាក់វ៉ាក់សាំងដល់សត្វគោ ក្របី គ្រានេះ គឺជាផ្នែកមួយនៃការការពារជំងឺផ្សេងៗទៀត តែទោះជាយ៉ាងនេះក្ដី ក៏ត្រូវការថែទាំពីម្ចាស់សត្វគោ ក្របីរបស់ខ្លួន។ បើសិនមានការសង្ស័យថា សត្វទាំងនោះ មានកើតជំងឺ ត្រូវរាយការណ៍ជាបន្ទាន់ ដល់ភ្នាក់ងារពេទ្យសត្វភូមិ ដើម្បីចៀសវាងបង្កឱ្យមានជំងឺឆ្លងរីករាលដាលកាន់តែធ្ងន់ធ្ងរ។
លោកអភិបាលរងខេត្ត បានបន្តការណែនាំ និងសំណូមពរឲ្យប្រជាកសិករ ចិញ្ចឹមសត្វគោក្របីទាំងអស់ ត្រូវរៀបចំឲ្យមានក្រោលគោក្របីឲ្យបានត្រឹមត្រូវ ជៀសវាងការប្រលែងឲ្យដើរពាសវាលពាសកាល ធ្វើឲ្យបាត់បង់ និងប៉ះពាល់ដល់សោភ័ណ្ឌភាពរបស់ក្រុង/ស្រុក ដោយប្រការណាមួយ ពិសេសអាចកើតនូវជំងឺឆ្លងផ្សេង ៗ ដោយមិនមានវិធានការទាន់ពេលវេលាផងដែរ៕ រ៉ូ សាលី
ចែករំលែកព័តមាននេះ