ADផ្ទាំងផ្សព្វផ្សាយពាណិជ្ជកម្ម

Picture

ប្រដាល់សកល​ទទួល​បាន​គ្រូបង្វឹក​ថ្មី​កម្រិត​អន្តរជាតិ

1 ខែ មុន

រាជធានី​ភ្នំពេញ ៖ កាលពី​ព្រឹក​ថ្ងៃ​ទី​២៥​កក្កដា សហព័ន្ធ​ប្រដាល់សកល​កម្ពុជា​បាន​ណែ នាំ​គ្រូបង្វឹក​ថ្មី​

រាជធានី​ភ្នំពេញ ៖ កាលពី​ព្រឹក​ថ្ងៃ​ទី​២៥​កក្កដា សហព័ន្ធ​ប្រដាល់សកល​កម្ពុជា​បាន​ណែ នាំ​គ្រូបង្វឹក​ថ្មី​ជា​ជនជាតិ​កា​ហ្សា​ក់​ស្ថាន​ដល់​អ្នក​ប្រដាល់​ជម្រើសជាតិ​កម្ពុជា ដែល​ទើបនឹង​បញ្ចប់​ការ​បោះជំរំ​ហ្វឹកហាត់​២​ស​ប្ដា​ហ៍​នៅ​ប្រទេស​ថៃ​រួម​នឹង​គ្រូ​ជំនួយ និង​មន្ត្រី​របស់​សហព័ន្ធ​ជា​ច្រើន​រូប​។

លោក ប៊ុ​យ សុ​ភ័​ណ្ឌ អគ្គលេខាធិការ​របស់​ស ហ​ព័ន្ធ​បាន​បញ្ជាក់​ថា គ្រូបង្វឹក​ថ្មី​នេះ​បាន​មក​ដោយសារ​ជំនួយ​របស់​គណៈកម្មាធិការ​ជាតិ​រៀបចំ​ស៊ី​ហ្គេ​ម​ឆ្នាំ​២០២៣(CAMSOC) ។ គ្រូបង្វឹក​រូប​នេះ​ជា​គ្រូបង្វឹក​កម្រិត​អន្តរជាតិ​ដែល​មានបទពិសោធន៍​ច្រើន​លើ​វិ​ញ្ញា សា​ប្រដាល់សកល​ហើយ​ធ្លាប់​ធ្វើ​ជា​គ្រូបង្វឹក​ជម្រើសជាតិ​វៀតណាម មី​យ៉ា​ន់​ម៉ា និង​គ្រូ​ជម្រើសជាតិ​ផ្នែក​យោធា​នៅ​ប្រទេស​កា​ហ្សា​ក់​ស្ថាន​ទៀត​ផង​។ គ្រូបង្វឹក​រូប​នេះ​ទើបតែ​បញ្ចប់​បេសកកម្ម​បង្ហាត់​នៅ​ប្រទេស​តួ​ក​គី​រយៈពេល​មួយ​ឆ្នាំ ។

លោក​អគ្គលេខាធិការ​ក៏​បាន​ឲ្យ​ដឹង​ដែរ​ថា ព្រឹក​ម៉ិ​ញ​នេះ​ក្រៅពី​ការ​ណែនាំ​ឲ្យ​ស្គាល់គ្នា សហព័ន្ធ​ក៏​បាន​ពង្រឹង​ឲ្យ​កីឡាករ​សហការ​ជាមួយ​គ្រូបង្វឹក​ថ្មី​នេះ​ឲ្យ​បាន​ល្អ​ពិសេស​លើ​ផ្នែក​បច្ចេកទេស និង​ការ​ហ្វឹកហាត់​ឲ្យ​បាន​ល្អ​ដើម្បី​ត្រៀមលក្ខណៈ​ឲ្យ​បាន​ខ្ពស់​សម្រាប់​ឆ្នាំ​២០២៣ ។ គ្រូបង្វឹក​រូប​នេះ​សន្យា​ថា នឹង​បង្ហាត់​ឲ្យ​អស់ពី​សមត្ថភាព​ហើយ​គាត់​ក៏​មាន​គម្រោង​ស្នើ​សុំ​ទៅ CAMSOC តាម​រយៈ​សហព័ន្ធ​ដើម្បី​បញ្ជូន​អ្នក​ប្រដាល់​ជម្រើសជាតិ​កម្ពុជា​ទៅ​បោះជំរំ​ហ្វឹកហាត់​នៅ​កា​ហ្សា​ក់​ស្ថាន​ដែល​ជា​ប្រទេស​សម្បូរ​ដោយ​ធនធាន​កីឡាករ​ប្រដាល់សកល​ដើម្បី​ពង្រឹង​បច្ចេកទេស​និង​បទ​ពិសោធន៍​សម្រាប់​ស៊ី​ហ្គេ​ម
ឆ្នាំ​២០២៣ ។ ការ​ហ្វឹកហាត់​នៅ​ទីនោះ កីឡាករ​កម្ពុជា​នឹង​មាន​ដៃគូ​ជាមួយ​កីឡាករ​លំដាប់​អន្តរ
ជាតិ ។ កា​ហ្សា​ក់​ស្ថាន​ជា​ប្រទេស​លំដាប់​អន្តរជាតិ​ផ្នែក​កីឡា​ប្រដាល់សកល​ដែល​ធ្លាប់​ទទួល​បាន​មេដាយមាស​ពិភពលោក​និង​អូ​ឡាំ​ពិ​ក​ហ្គេ​ម ។

លោក ប៊ុ​យ សុ​ភ័​ណ្ឌ មាន​ជំនឿ​ចិត្ត​ថា សម្រាប់​ការ​ជួល​គ្រូ​មក​ពី​ប្រទេស​កា​ហ្សា​ក់​ស្ថាន​នេះ​គឺ​ដើម្បី​ពង្រឹង​បច្ចេកទេស​ការ​ហ្វឹកហាត់ និង​ការ​ប្រកួត​ឲ្យ​កាន់តែ​ល្អ ព្រោះ​គាត់​មានបទពិសោធន៍​ច្រើន ហេតុនេះ​គាត់​អាច​ស្វែង​យល់​ពី​កម្រិត​បច្ចេកទេស​របស់​អ្នក​ប្រដាល់​នៅ​បណ្ដា​ប្រទេស​ក្នុង​តំបន់​អាស៊ាន និង​អាស៊ី ។ លោក​ថា គ្រូបង្វឹក​ថ្មី​នេះ​នឹង​ជួយ​ពង្រឹង ហើយ​គាត់​នឹង​មាន​យុទ្ធសាស្ត្រ​ល្អ​សម្រាប់​ជួយ​ដល់​អ្នក​ប្រដាល់​កម្ពុជា​ឲ្យ​ដណ្ដើម​បាន​ជោគជ័យ​នា​ឆ្នាំ​២០២៣ ៕

Picture
Picture
Picture