ខេត្តកំពត ៖ ឯកឧត្តមម៉ៅ ធនិន អភិបាលខេត្តកំពត បានធ្វើការអំពាវវនាវអោយបងប្អូនប្រជាពលរដ្ឋចូលរួមដាំដុះដើមត្នោតនៅអមសងខាងផ្លូវខ្សែក្រវ៉ាត់ព្រំដែនកម្ពុជា-វៀតណាម ដែលមានប្រវែង១០គីឡូម៉ែត្រ ចាប់ពីចំណុចបង្កោល301 ច្រកទ្វារទ្វេភាគីតន់ហន់ ស្ថិតក្នុងភូមិព្រែកក្រឹស-ភូមិព្រៃព្រូស-ភូមិព្រះទ្រហឹង-ភូមិកោះត្នោត-និងភូមិកោះតាកូវឃុំព្រែកក្រឹស ស្រុកកំពង់ត្រាច ខេត្តកំពត។
ឯកឧត្តមម៉ៅ ធនិន បានមានប្រសាសន៍បែបនេះ កាលពីព្រឹកថ្ងៃទី២៦ កក្កដា នៅក្នុងពិធីបុណ្យរុក្ខទិវា9 កក្កដា នៅជាប់ច្រកទ្វារទ្វេភាគីតន់ហន់ ដែលមានឯកឧត្តមជឹង ផល្លា ប្រធានក្រុមប្រឹក្សាខេត្ត ចូលរួមអមដំណើរដោយលោកសេង សេរីបុត្រ អភិបាលរងខេត្ត-លោកប្រធានមន្ទីរ-លោកអភិបាលស្រុកកំពង់ត្រាច-ព្រះសង្យ-សិស្សានុសិស្ស និងប្រជាពលរដ្ឋសរុបមានចំនួន៦០០នាក់។
ឯកឧត្តមម៉ៅ ធនិន បានមានប្រសាសន៍ទៀតថា ការចូលរួមដាំដើមត្នោតនៅអមសងខាងផ្លូវខ្សែ
ក្រវ៉ាត់ព្រំដែនកម្ពុជា-វៀតណាមថ្ងៃនេះ គឺជាប្រវត្តិសាស្ត្រមួយសម្រាប់សម្គាល់អត្តសញ្ណាណជាតិរបស់ខ្លួន និងមួយផ្នែកទៀតទាក់ទាញភ្ញៀវជាតិ និងអន្តរជាតិអោយមកកំសាន្តផងដែរ នៅតាមខ្សែក្រវ៉ាត់ព្រំដែនយើងនេះ ។
លោកអភិបាលខេត្តបានអោយលោកចាន់ រិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត រួមទាំងមន្ត្រីរដ្ឋបាលព្រៃឈើ ត្រូវរកគ្រាប់ត្នោតឱ្យបានចំនួន៥តោន ដើម្បីបណ្ដុះកូនត្នោតស្មើនិង៣ម៉ឺនកូន ជាកំណត់ក្នុងមួយឆាំ្នៗចែកជូនប្រជាពលរដ្ឋទុក សម្រាប់បុណ្យរុក្ខទិវា9 កក្កដា ដាំដើមឈើនេះ។
ឯកឧត្តមម៉ៅ ធនិន បានមានប្រសាសន៍ថា ការដាំដុះកូនត្នោតសម្រាប់ថ្ងៃនេះ មានចំនួន5000ពាន់ដើម ។ ឯកឧត្តមបានប្រាប់អោយលោកអូន ខន អភិបាលស្រុកកំពង់ត្រាច ធ្វើការប្រជុំមួយដល់អាជ្ញាធរមូលដ្ឋានឃុំចំនួន4 ដែលជាប់ភូមិសាស្ត្រផ្លូវខ្សែក្រវាត់ព្រំដែនក្នុងស្រុកកំពង់ត្រាចបំផុសប្រជាពលរដ្ឋនៅមូលដ្ឋានរបស់ខ្លួនអោយចូលរួមដាំដើមត្នោត ព្រោះដើមត្នោតមានប្រយោជន៍ខ្លាំងណាស់ ហើយបើបានប្រជាពលរដ្ឋទៅសុំច្បាប់ចំណងអាពាហ៍ពិពារហ៍ឱ្យគាត់ទាំងពីរនាក់ទៅដាំកូនត្នោតមួយដើមនៅតាមព្រំដែន ក៏រឹតតែល្អថែមទៀតដែរ ។
ឯកឧត្តមម៉ៅ ធនិន បានលើកឡើងពីការរុករានកាប់បំផ្លាញព្រៃឈើ ដើម្បីយកដីរដ្ឋធ្វើជាកម្មសិទ្ធិ ផងដែរ ។ លោកចាន់ រិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត មានប្រសាសន៍ថា ការដាំដើមត្នោតនៅអមសងខាងផ្លូវខ្សែក្រវ៉ាត់ព្រំដែនកម្ពុជា-វៀតណាមថ្ងៃនេះ មានចំនួន5ពាន់ដើមនិងកូនឈើទាលមានចំនួន1ពាន់ដើម។
លោកចាន់ រិទ្ធ ថា ការដាំដើមឈើគ្រប់ប្រភេទទូទាំងខេត្តកំពត ដោយចាប់តាំងពីឆាំ្ន1995រហូតមកដល់ឆាំ្ន2022នេះ ដាំកូនឈើបានចំនួន28លើក និងចែកជូនដល់សាលារៀន ទីវត្តអារាម និងមន្ទីរពាក់ព័ន្ធអង្គភាពផ្សេងៗទៀត។
ចែករំលែកព័តមាននេះ