រាជធានីភ្នំពេញ ៖ ក្រុមហ៊ុនតូតាល់ កម្ពុជា បានស្វែងរកឃើញអ្នកឈ្នះរង្វាន់ម៉ូតូ និងរង្វាន់ជាច្រើនទៀត នៅក្នុងកម្មវិធីប្រគល់រង្វាន់ Total’s Refill & Win លើកទី៣ ដែលប្រារព្ធធ្វើនៅស្ថានីយប្រេងឥន្ធនៈតូតាល់
រាជធានីភ្នំពេញ ៖ ក្រុមហ៊ុនតូតាល់ កម្ពុជា បានស្វែងរកឃើញអ្នកឈ្នះរង្វាន់ម៉ូតូ និងរង្វាន់ជាច្រើនទៀត នៅក្នុងកម្មវិធីប្រគល់រង្វាន់ Total’s Refill & Win លើកទី៣ ដែលប្រារព្ធធ្វើនៅស្ថានីយប្រេងឥន្ធនៈតូតាល់ ដឺឡាហ្គា ជិតស្ថានីយរថភ្លើង កាលពីថ្ងៃទី២៣ ខែធ្នូ ឆ្នាំ២០១៦ កន្លងទៅនេះ។
ក្នុងពិធីប្រគល់រង្វាន់នេះ មានអតិថិជនចំនួន៣០នាក់ ដែលបានចូលរួមទទួលរង្វាន់។ យ៉ាងណាមិញ អតិថិជនសរុបចំនួន៦៥នាក់ បានឈ្នះរង្វាន់ផ្សេងៗគ្នានៅក្នុងឆ្នាំ២០១៦នេះ រួមមានអតិថិជនឈ្នះម៉ូតូចំនួន១៥នាក់ អតិថិជនឈ្នះទូរទស្សន៍ Samsung ចំនួន៥នាក់ អតិថិជនឈ្នះទូរស័ព្ទ Sumsung Galaxy S7 Edge ចំនួន១០នាក់ អតិថិជនឈ្នះ Ipad Air2 ចំនួន១៥នាក់ អតិថិជនឈ្នះកាមេរ៉ា Go Pro4 ចំនួន១០នាក់ និងអតិថិជនឈ្នះ កាសស្តាប់ត្រចៀក ចំនួន១០នាក់។
លោក Yves ប្រធានគ្រប់គ្រងផ្នែកទីផ្សារ បានឱ្យដឹងថា កម្មវិធីចាប់ឆ្នោតផ្សងសំណាង Refill & Win ឆ្នាំ២០១៦ គឺជាកម្មវិធីផ្តល់រង្វាន់ពិសេសជូនចំពោះអតិថិជនរបស់តូតាល់ ដែលទទួលបានជោគជ័យយ៉ាងខ្លាំង។ លោកបន្តថា ៖ «យើងឃើញមានការគាំទ្រយ៉ាងខ្លាំងពីសំណាក់អតិថិជនរបស់យើង។ អតិថិជនជាច្រើនលាននាក់បានជ្រើសរើសផលិតផល ដែលមានគុណភាពខ្ពស់របស់យើង និងបានចូលរួមក្នុងកម្មវិធីនេះ។ យើងខ្ញុំសូមសម្តែងនូវការដឹងគុណយ៉ាងជ្រាលជ្រៅចំពោះការគាំទ្រ និងការជឿជាក់របស់លោកអ្នក។ យើងខ្ញុំសូមធានាថា ក្រៅពីប្រេងសាំង ក្រុមហ៊ុនតូតាល់ នឹងបន្តផ្តល់ជូននូវផលិតផលលំដាប់ថ្នាក់ពិភពលោក ជាក់ស្តែងបច្ចុប្បន្នយើងមានហាងលក់ទំនិញហាងនំ Tour Les Jours ហាងកាហ្វេ និងសេវាកម្មប្តូរប្រេងម៉ាស៊ីនជាកញ្ចប់ ដែលល្អបំផុតសម្រាប់លោកអ្នកជាបន្តទៀត»។
កម្មវិធី Total’s Refill & Win បានចាប់ផ្តើមពីថ្ងៃទី២២ ខែសីហា រហូតដល់ថ្ងៃទី៣០ ខែវិច្ឆិកា ឆ្នាំ២០១៦ នៅតាមស្ថានីយប្រេងឥន្ធនៈចំនួន៥០កន្លែង។ កម្មវិធីនេះ មិនត្រឹមតែមានគោលបំណង ដើម្បីបង្កើនការលក់ប៉ុណ្ណោះទេ ប៉ុន្តែក៏ជាការផ្សព្វផ្សាយឱ្យអតិថិជនបានស្គាល់ស្ថានីយប្រេងឥន្ធនៈថ្មី និងជំរុញឱ្យអតិថិជនមានក្តីស្រឡាញ់ និងភាពជឿជាក់ស្មោះស្ម័គ្រចំពោះម៉ាកយីហោក្រុមហ៊ុន។ អតិថិជនដែលចាប់អារម្មណ៍ គ្រាន់តែចាក់ប្រេងឥន្ធនៈ ២ លីត្រសម្រាប់ម៉ូតូ និង ៥ លីត្រ សម្រាប់រថយន្ត នឹងទទួលបានប័ណ្ណផ្សងសំណាង និងមានឱកាសឈ្នះរង្វាន់ដ៏អស្ចារ្យជាច្រើន៕
ចែករំលែកព័តមាននេះ